BUZURGON KI DUA

🌺Ek Haakim Jiska Naam Bin Umru Lais Tha, Bimaar Pad Gaya! Aisa Bimaar Hua Ki Tabib (Doctor) Uske Ilaaj Se Thak Gaye Magar Wo Accha Na Hosaka!
🌺Aakhir Kisine Kaha Ki Dawa Ki To Inteha Hogayi! Ab Kisi Mustajabudh-Dawaat (Jiski Dua Kabul Hoti Ho) Se Dua Karayi Jaye!
🌺Chunanche, Sabne Hazrat Sahal Rehmatullah Alaihi Ka Naam Liya Ki Wo Bade Bujurg Aur *ALLAH* Ke Wali Hain! Unse Dua Ki Darkhwast Ki Jaye!
🌺Chunanche, Aapko Bulaya Gaya! Aap *ALLAH* Ke Farmaan (Aur Ita-at Karo Apne Baadshah Ki) Ke Mutabik Tashrif Legaye! Jab Mariz Ke Paas Baithe, Usse Farmaya Ki Dua Aise Shaks Ke Haq May Kabul Hoti Hain Jo Sacche Dil Se Tauba Karen! Khuda Ki Janib Ruju Kare Aur Aye amr! Tere Qaid-Khane May Bohatse Be-Gunah Qaidi Bhi Hain! Pehle Un Sab Qaidi Ko Riha Ker Aur Tauba Ker! Fir Main Dua Karta Hoon!
🌺Amr Ibne Lais Ne Aisa Hi Kiya! Qaidiyon Ki Rihayi Ka Hukm Diya Aur Tauba Ki! Fir Hazrat Sahal Ne Hath Uthaya Aur Kaha:

🌹 *Aye Khudawandh! Tune Apni Nafarmani Ki Zillat Isko Dikhayi! Isi Tarah Apni Ita-at Ki Izzat Bhi Isko Dikhla De Aur Jis Tarah Ki Tune Iske Baatin Ko Libaas-A-Tauba Pehnaya! Usi Tarah Iske Zaahir Ko Libaas-A-Aafiyat Bhi Pehna De* !🌹

🌺Aap Yeh Dua Ker Hi Rahe The Ki Amr Ibne Lais Bilkul Accha Hogaya! Amr Ibne Lais Ne Aapko Bohatsa Maal Nazar Dene Laga Magar Aapne Inkaar Kerdiya!

(Tazkiratul Auliya, Pg-312)

*****************
☘ *SABAK* ☘
********
🌼Jahan Dawa Ki Inteha Ho Wahan Dua Ki Ibtida Hoti Hain!
🌼Yeh Bhi Malum Hua Ki Buzurgon Ki Duaon Se Badal Jati Hain Takdiren!
🌼Yeh Bhi Malum Hua Ki Dua Ki Kabuliyat Keliye Jahan Dua Maangne Wala Mustajabudh-Dawaat Hona Chahiye Wahan Wo Shaks Jiske Liye Dua Ki Jaye Use Bhi Apne Gunahon Se Sacche Dilse Tauba Kerleni Chahiye! Jab Dono Taraf Se Yeh Pakizgi Aur Iffath Payi Jaye To Dua Bohatt Jald Suni Jayegi!
*****************

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s