Maah e Zil Hijjah

20953573_1110480162419840_2554259080348502901_n

Zil Hijjah ya’ni Hajj waala mahina. Is mahine me musalman Hajj ada karte hain. Is liye ise ‘Zil Hijjah’ kehte hain.

****************
Maahe Zil Hijjah ki Fazeelat :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
Qur’an :
89 Surah al-Fajr, Aayat 1, 2 :

وَالْفَجْرِ
وَلَيَالٍ عَشْرٍ

Aur qasam subah ki (jis se raat ki taariki door hoti hai)
Aur qasam das (mubarak) raato ki.

Hadeeṡ e Nabawi :
‾‾‾‾‾‾‾‾‾‾‾‾‾‾‾‾‾‾‾‾
ALLĀH ta’ala ne maah e Zil Hijjah ko badi buzurgi aur fazeelat ka mahina banaaya hai.
Is maah ke ibtidai 10 din bahot mubarak hain aur is ki ibaadat ka bahot bada sawaab hai.
Aur us me se 3 din kasrat ke saath apne Rab ki ibaadat karo ya’ni 8 Zil Hijja (Yaum e Tarwiyah), 9 Zil Hijjah (Yaum e Arafa) aur 10 Zil Hijja (Yaum un Nahar).
Ye 3 din tamaam dino me zyada mubarak hain aur is ki ibaadat ka sawaab bhi zyada hai.

Hadeeṡ e Nabawi :
‾‾‾‾‾‾‾‾‾‾‾‾‾‾‾‾‾‾‾
Huzoor Rasool-Allāh sallallāhu alaihi wa sallam ne farmaaya hai ki
‘Jo shakhs Qurbaani karne ka iraada rakhta ho us ko chaahiye ke Zil Hijja ka chaand dekhne ke baad wo apne baal aur Naakhoon yunhi rehne de (na kaate) yaha tak ke Qurbaani kar le. Aur jo Qurbaani na kar sake wo bhi is ashra me baal aur naakhoon na kaateto ṡawaab paayega.’

(Muslim, Jild -5, Hadeeṡ -5199;
Tirmizi; Abu Daawūd; Ibne Maajah; Mishkaat)

***************
Maah e Ramazaan ke ilaawa pure saal me jitne mubarak din hain,
Un me Maah e Zil Hijjah ke ibtidai 10 din sab se afzal hain.
In mubarak dino me Ayyaam e Hajj aur Eid ul Ad’ha aate hain.

****************
Maah e Zil Hijjah Chaand dekhkar Surah al-Qadr padhen :

بِسْمِ اللَّهِ الرَّحْمَٰنِ الرَّحِيم
إِنَّا أَنْزَلْنَاهُ فِي لَيْلَةِ الْقَدْرِ
وَمَا أَدْرَاكَ مَا لَيْلَةُ الْقَدْرِ
لَيْلَةُ الْقَدْرِ خَيْرٌ مِنْ أَلْفِ شَهْرٍ
تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِمْ مِنْ كُلِّ أَمْرٍ
سَلَامٌ هِيَ حَتَّىٰ مَطْلَعِ الْفَجْرِ

Bismillāh ir-Rahmān ir-Raheem.
Inna anzalnahu fee laylatil qadr.
Wa maa adraaka maa laylatul qadr.
Laylatul qadr khayrum min alfi shahr.
Tanazzalul malaa’ikatu war roohu feehaa bi-izni rabbihil min kulli amrin.
Salaamun hiya hattā matla’il fajr.

Phir ye masnoon dua padhen :

ﺍﻟﻠَّﻬُﻢَّ ﺃَﻫِﻠَّﻪُ ﻋﻠَﻴْﻨَﺎ ﺑِﺎﻷَﻣْﻦِ ﻭﺍﻹِﻳﻤَﺎﻥِ ﻭَﺍﻟﺴَّﻼﻣَﺔِ ﻭﺍﻹِﺳْﻼﻡِ ، ﺭَﺑّﻲ ﻭﺭَﺑُّﻚَ ﺍﻟﻠَّﻪ ، هِلالُ رُشْدٍ وخَيْرٍ
Allāhumma ahillahu alayna bil amni wal eimaani was salaamati wal islaami Rabbi wa Rabbuk-Allāh hilaalu rushdin wa khayrin.

Tarjuma :
‾‾‾‾‾‾‾‾‾‾‾‾
Aye ALLĀH is (mahine) ko hum par amn aur eimaan aur salaamati aur islaam ke saath , Mera Rab aur tera Rab ALLĀH hai ye chaand hidaayat aur khair waala ho.
(Tirmizi, Jild -2, Hadeeṡ -1376 /Hasan)

***************
Maah e Zil Hijjah ki Ibaadat :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Maah e Zil Hijjah ki pehli shab me baad namaaz e Ishaa 4 rak’at 2-2 karke padhen. Har rak’at me Surah al-Faatiha ke baad Surah al-Ikhlaas 25 martaba padhen.
In sha Allāh is namaaz ko padhne wale ko ALLĀH ta’ala beshumaar sawaab ata farmayega.

(2) Pehli Shab se 10wi shab tak rozaana baad namaz e Ishaa 2 rak’at nafl namaaz padhen.
Har rak’at me Surah al-Faatiha ke baad 3 martaba Surah al-Kauṡar aur 3 martaba Surah al-Ikhlaas padhen.
In shaa Allāh is namaaz ki barkat se ALLĀH ta’ala us ke naam e aamal me beshumaar nekiya ata farmaega aur beshumaar gunaah mita dega.

(3) Pehli Shab se 10wi shab me se kisi ek raat ko raat ke aakhri hisse me 4 rak’at nafl namaaz padhen.
Pehli rak’at me Surah al-Faatiha ke baad 3 baar Aayatul Kursi padhen, dusri me 3 baar Surah al-Ikhlaas, teesri me Surah al-Falaq aur chothi me al-Naas padhen.
Phir ye dua padhen :
Sub’hān zil izzati wal jabrooti Sub’hān zil quadrati wal malkuti Sub’hān hayyil laze laa yamutu Sub’hān Allāhi rabbil ibaadi wal bilaadi wal hamdulillahi kaseern tayyaban mubarkan ala kulla haaleen Allāhu akbar kabeeran rabbana jalli jalaaluhu wal qudratuhu bi kulli makaaneen.

Mumkin ho to Pehli Shab se 10wi shab tak rozaana raat ko ye namaaz padhen.
In shaa Allāh is ki barkat se ALLĀH ta’ala Hajje Baitullah wa Ziyarat ka aur Jihaad ka swab ata farmaega aur tamaam nek duaen qubool farmaega.

(4) Maah e Zil Hijjah ke pehle 10 dino me ‘Sub’hān Allāhi wal hamdulillāhi wa laa ilāha illallāhu wallāhu akbar’ kasrat se padhen.

(5) Maah e Zil Hijja me aur khaas kar Ayyam e Tashreeq me ya’ni 9 Zilhijja se 13 Zilhijja tak is takbeer ko zyada se zyada padhen.

(6) Ye dua kasrat se padhen :
Allāhumma innaka afuwwun tuhibbul afa’w faa’afu annee.
Tarjuma :
Aye ALLĀH tu muaf farmaane waala hai muaf karna tujhe pasand hai tu mujhe muaf farma.

(7) Pehli Zilhijja se 9wi Zil Hijja ko Roza rakhen. Khaas kar 8wi aur 9wi Zil Hijja ya’ni Arafa ka Roza rakhen.
8wi Zil Hijja ko Roza rakhne wale ko itna sawaab milega jitna sawaab Hazrate Ayyub alaihis salaam ko apni musibat par sabr karne par mila tha.
Aur 9wi Zil Hijja ko Roza rakhne wale ko itna sawaab milega jitna sawaab Hazrate Eisā alaihis salaam ko apni musibat par sabr karne par mila tha.

Maah e Zil Hijja me aur khaas kar 7, 8, 9 aur 10wi taarikh ko Aulaad ke haq me dua karen.
Kyun ki in dino me Hazrat Ibrāheem alaihis salaam ne apni Aulaad ke liye dua maangi thi aur ALLĀH ne qubool ki thi.

Aulaad ke eimaan ki salaamati ki aur us ki Zindagi, Sehat, Maal aur Izzat me khair o barkat ke liye aur un ke achhe naseeb aur nek jode ke liye dua karen.

***************
Is ke ilaawa Zikr o Durood aur Astaghfaar ki kasrat karen.
Aur apne liye aur tamaam musalmano ki bhalai aur hifaazat ke liye dua karen.

****************

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s