Youm e Wisal Qutub e Aalam Miya Rajshah Sahab Qadri Sundhvi* *(Rehmat Tullahi Ta’ala Alaihi)

*Imaam e Silsila e Rajshahi Huzoor Fardwakt Qutub e Aalam Miya Rajshah Sahab Qadri Sundhvi*
*(Rehmat Tullahi Ta’ala Alaihi)*

*Ism Shareef*:-Hazrat Raj Khan Almaroof Hazrat Rajsha Sha Sahab (Rehmatullah Ta’aala Alaihi)
*Rutba*:-Ap Makam e Fardaniyat Par Fa’iz The.
*Apki Wiladat*:-1216 Hijri, 1801 Esvi Aur Ak Dusri Rivayat Ke Mutabik 1210 Hijri (1795 Esvi) Me Hazrat Molana Abdul Sami (Rehmatullah Ta’aala Alaihi) Ke Irfan wa Yakeen Se Pur Gharana Me Bamakaam-Muza Sundh Shareef,Tehseel Tawurh,Zila Mewat,Haryana India Me Huyi,Bachpan Se Lekar Zaeefi Tak Gali Ya Fehash Kalmaat Apki Zabane Aqdas Se Na Sune Gye,Bachpan Hi Se Apki Paishani Par Saadat Ka Noor Jagmagata Tha.
*Taleem Tarbiyat*:-Apne Kisi Madarse Me Nahi Balki Apne Walid e Majid Molvi Abdul Sami Sahab (Rehmatullah Ta’aala Alaihi) Se Tarbiyat Hasil Kari Aur Bhut Se Aulia Allah Ki Sohbat Ikhtiyar Ki.
*Ilm e Ladunni*:-Allah Rabbul Izzat Ne Apko Ilm e Ladunni Ata Farmaya Tha.
*Faiz Ki Ibtada*:-Hazrat Dana Gulab Sha Majzoob (Rehmatullah Ta’aala Alaihi) Hathheen Zila Palwal,Haryana Se Hue.
*Baith*:-Shik ul Mashaik,Hazrat Molana Muhammad Ismaile Siddiqui Mehmi (Rehmatullah Ta’aala Alaihi)
*Khilafat*:-Shaykh ul Mashaik Hazrat Molana Ismaile Sha Siddiqui Mehmi (Rehmatullah Ta’aala Alaihi).
Aapko 5 Salasil Se Faiz Hasil Hua, Aur Pancho Salasil Me Apko Khilafat Hasil Thi, Silsila e Qadri, Chishty, Suharwardi, Naqshbandi, Madari

*Apne Jin Aulia e Ikram Se Fa’iz e Batni Paya Aur Jinki Ilmi Mehfil Se Apne Istafada Kiya*:-
1.Hazrat Dana Gulab Sha Majzoob (Rehmatullah Ta’aala Alaihi),
2.Shik ul Mashaik Hazrat Molana Muhammad Ismaile Siddiqui Mehmi (Rehmatullah Ta’aala Alaihi)
3.Hazrat Deen Ali Sha Majzoob Dehelvi (Rehmatullah Ta’aala Alaihi),
4.Hazrat Molana Noor Muhammad Sahab Kamli Wale Delhivi (Rehmatullah Ta’aala Alaihi)
5.Hazrat Kallan Sha Majzoob (Rehmatullah Ta’aala Alaihi) Kot Patli Bajepur,
6.Hazrat Miya Muhammad Ismaile Sahab Kumhar Hisar Wale (Rehmatullah Ta’aala Alaihi)
7.Hazrat Molana Muhammad Ramzan Sahab Siddiqui Mehmi Hadiye Haryana (Rehmatullah Ta’aala Alaihi) Apke Peer o Murshid Ke Bare Bhai.
8.Ustad ul Asatiza,Hazrat Sha Abdul Azeez Muhaddis Dehelvi (Rehmatullah Ta’aala Alaihi)
9.Hazrat Sha Muhammad Ishaq Muhaddis Dehelvi (Rehmatullah Ta’aala Alaihi)
10.Hazrat Sha Abdul Qadir Baradar e Khurd Sha Abdul Azeez (Rehmatullah Ta’aala Alaihi)
11.Hazrat Miya Noor Muhammad Nakkash (Rehmatullah Ta’aala Alaihi)

*Alqaabat*:-Haqikat Maab, Tariqat e Intasab, Mazhar e Sifat e Rabbani, Mazdar e Fiyuze Ilahi, Mehbobe Yazdani, Mujahid e Fi’sabi’illah, Qutub ul Akhtab, Ghous ul Agwas, Ghous ul Samad, Fard ul Ahad, Fardwakt, Arsh’Aashiya, Imaam e Khutba, Shaykh Kabeer, Qutube Alam.

*Nikha*:-Apne Mohtarma Mukarrama Bibi Maryam Sahiba (Rehmatullah Ta’aala Aleha) Se Nikha Farmaya,Ap Sohna,Gurgoh,Haryana Ki Rehne Wali Thi, Aap Huzur Qutub e Aalam Miya Rajsha Sahab ki hi Mureed hui, Apka Mazar Sharif Sundh Sharif Me Darbar Sharif Me Andar Hai.

*Aulad Pak*:-Huzur Fardwakt Kutube Alam Miya Rajsha Sahab (Rehmatullah Ta’aala Alaihi) Ke 4 Sahabzade Aur 3 Sahabzadiya Hue Hai.
*Apke Sahabzadgan Ke Ism Shareef*:-
1.Huzur Mujjadid e Wakt Hazrat Allama Molana Abdullah Sha Qadri Rajshahi (Rehmatullah Ta’aala Alaihi)
Mazar Sharif:- Sundh Sharif, Mewat Haryana.
2.Hazrat Muhammad Bhadur Kha (Rehmatullah Ta’aala Alaihi)
Mazar Sharif:- Sundh Sharif, Mewat Haryana.
3.Shams ul Aarifeen,Haji ul Harameen Hazrat Miya Haider Sha Sahab Qadri Rajshahi (Rehmatullah Ta’aala Alaihi)
Mazar Sharif:- Sundh Sharif, Mewat Haryana.
4.Hazrat Muhammad Ramzan Kha (Rehmatullah Ta’aala Alaihi)
Mazar Sharif:- Sundh Sharif, Mewat Haryana.
*Apki Sahabzadiyo Ke Ism Shareef*:-
1.Mohtarma Mukarrama Qalanadre Wakt Bibi Rabia Sani Mehar Bi Almaroof Bubu Ji Sahiba (Rehmatullah Ta’aala Aleha)
Mazar Sharif:-Fareed Nagar Sharif, Zila Ghaziabad, (U.P)
2.Mohtarma Mukarrama Bibi Nawaz Bi Sahiba (Rehmatullah Ta’aala Aleha) Walida e Majida:-Makhdoom-e-Millat Hazrat Qibla Wali Muhammad Qadri Rajshahi (Rehmatullah Ta’aala Alaihi)
Mazar Sharif:- Satawari Sharif, Mewat, Haryana
3.Mohtarma Mukarrama Bibi Rahiman Bi Sahiba (Rehmatullah Ta’aala Aleha)

*Huzur Fardwakt Kutbe Alam Miya Rajsha Sahab Sundhvi (Rehmatullah Ta’aala Alaihi) Ki Shan Me Ustad ul Asatiza Hazrat Sha Abdul Azeez Muhaddis Dehlvi (Rehmatullah Ta’aala Alaihi) Farmate Hai*:-“Hindustan Ki Khush Qismati Hai Ke Sahaba Rizawan ullahi Tala Alehim Ajmaeen Ki Seerat Ke Hazraat Ab Bhi Mojood Hai,Wo Apki Zat Hai Ke Qudrat Ne Aesi Mukaddas Ruho Ko Peda Kiya”
📚Refrence📚
[Millat e Rajshahi:Safa:-162]
[Tazkira Gazi:Safa:-7]
[Tazkira Noori:Safa:-16]

*Huzur Fardwakt Kutbe Alam Miya Rajsha Sahab Sundhvi (Rehmatullah Ta’aala Alaihi) Ki Shan Me Shaykh e Wakt,Badar ul Hind,Hazrat Sha Bhaudeen Sahab (Rehmatullah Ta’aala Alaihi) Chondera Shareef,Zila Buland Sher,(U.P) Apni Tasneef Me Farmate Hai*:-“Me 10-11 Baras Tak Hazrat Qibla Fardwakt Miya Rajsha Sahab Se Faiz e Batni Hasil Karta Raha,Aur Kuch Kam Ak Sal Sundh Shareef Khidmat e Mamduh Me Akamat Ikhtiyar Ki”
📚Refrence📚
[Wasila e Murshid]

*Qutbe Dora Hazrat Syed Fazal udeen Ahmad Tirmizi (Rehmatullah Ta’aala Alaihi) Sajjada Nasheen Syed Muhammad Kalpawi Shareef Apni Tehreer Kitab Jafar ul Irfan Me Tehreer Farmate Hai*:-Muj Ko Seer o Sayhat Ke Doran Me Aksar Buzurgh gane Deen Se Milne Ka Ittafaq Hua,Us Zamana Me Hazrat Qibla Miya Rajsha Sahab Jesa Buzurgh Aur Sahibe Tasarruf Nazar Se Nahi Guzra Aur Na Molvi Abdullah Sahab Jesa Ka Sab.
📚Refrence📚
[Jafar ul Irfan]
[Millat e Rajshahi:Safa:-201]
[Tazkira Noori:Safa:-17]

*Huzur Fardwakt Kutube Alam Miya Rajsha Sahab Sundhvi (Rehmatullah Ta’aala Alaihi) Ki Karamat Ke Bare Me Aata Hai*:-“Apki Riyazat wa Mujahidat wa Karamat Had e Bayan Se Bahar Hai,Jab Ap Pahar Par Jakar Zarb Lagate To Tamam Pahar Ke Paththar Zarb Karne Lagte,Darakhto Se Zikr Ki Aawaz Aati,Pani Se Zikre Ilahi Buland Hota,Aur Apke Chera Se Noor Ki Tajalli Choutne Lagti,Jisse Aas Pas Ki Tamam Cheeze Roshan Ho Jati”
📚Book Reference📚
[Millate Yameen Shahi:Safa:-122]

*Huzur Fardwakt Kutube Alam Miya Rajsha Sahab Sundhvi (Rehmatullah Ta’aala Alaihi) Ke Bare Me Hum Shakle Ghouse Azam Aalahazrat Muhammad Ali Hussain Ashrafi Khichochvi (Rehmatullah Ta’aala Alaihi) Farmate Hai*:-“Ke Me Is Bargah Me Faiz Ke Asrat Se Malamal Hua”
📚Book Reference📚
[Millate Rajshahi:Safa-290]

*Huzur Fardwakt Kutube Alam Miya Rajsha Sahab Sundhvi (Rehmatullah Ta’aala Alaihi) Ke Mureedeen Ke Bare Me Aata Hai Ki*:-Hazrat Fardwakt Ki Zate Ba’barkat Se Be Shumar Logo Ko Faiz Poucha,Apke Mureedeen Hindustan Ke Alawa Dusre Mumalik Me Bhi The Yaha Tak Ke Madina Munavvara Me Bhi Mureedeen The”
📚Book Reference📚
[Millate Rajshahi:Safa:-144]

*Huzur Fardwakt Kutube Alam Miya Rajsha Sahab Sundhvi (Rehmatullah Ta’aala Alaihi) Ke Mureedeen Ke Bare Me Musanif e Tareeke Meo Chathri Likhte Hai*:-“Mewat Me Beshumar Log Apke Mureed Hue,Apke Mureedeen Buland Shehar,Merrut, Aligarh,Muradabad Wagera Azila Me Paye Jate Hai”.
📚Reference📚
[Tareekhe Meo Chathri:Safa:-384]

*Huzur Fardwakt Kutube Alam Miya Rajsha Sahab Sundhvi (Rehmatullah Ta’aala Alaihi) Ke Bare Fazile Deoband Mufti Rasheed Ahmad Qasmi Ne Likha Hai*:-Apka Hamesha Ahelullah,Ulema,Sulha,Sufiya,wa Atqiya Se Mail Raha Hai Aur Apke Baaz Hum’asar Ahel ullah ne Ap Par Aeetmad Farmate Hue Baaz Talibeen Ko Bhi Apki Khidmat Me Istefada Ke Liye Bheja.
📚Reference📚
[Tazkira Aakabir e Mewat:-Safa:-46]

Huzur Fardwakt Ne Ustad ul Asatiza Sha Abdul Azeez Muhaddis Dehelwi wa Sha Muhammad Ishaq Muhaddis Dehelwi Ke Waazo Me Barso Shirkat Farmayi Hai,Aur Is Tarha Apne Un Ilmi Mehfilo Se Khoob Khoob Istefada Farmaya,Jese Ke Molvi Nazeer Ahmad Khalifa Haji Syed Abid Hussain Baniye Darul Uloom Deoband Apni Tasneef Tazkirat ul Aabideen Me Tehreer Farmate Hai:- *Apne Ibtadayi Zamana Me Bhut Bade Mujahidat Kiye Adna Mujahida Apka Ye Mashoor Hai Ke Apne 40 Baras Jume Ki Namaz Bila’naga Delhi Me Parhi Aur Sha Abdul Azeez Sahab wa Sha Ishaq Sahab Ke Waaz Me Shareek Hokar Usi Roz Apne Maqaan Sundh,Tawurh Gurgoh Wapis Tashreef Le Jate*
📚Reference📚
[Tazkirat ul Aabideen:Safa:-190]

Fardwakt Ak Munfarid Shaksiyat Ke Malik The,Ap Mushkil Se Mushkil Masail Lamha Bhar Me Suljah Diya Karte The,Ap Jahil Par Apni Chadar Dal Dete To Wo Bhi Ilm o Irfan Ke Darya Bhata Hua Nazar Aata Tha,Aur Ak Ajeeb-o-Gareeb Bat Ye Thi Ke Jab Koi Qaal Se Nahi Samajta Tha To Ap Haal Se Samja Dete The,Isi Liye Sha Abdul Azeez Muhaddis Dehelwi wa Sha Ishaq Muhaddis Dehelwi Jese Ilm Ke Behar Zakaar Bhi Apki Bargah Bar Yak Masail Me Khususan Tasoof Ke Masail Me Ruju Farmate The,Aur Shafi Kafi Jawab Pate,Isi Tarha Ke Keyi Waqiaat Musannif-e-Millat-e-Rajshahi Ne Tehreer Kiye Hai,Pata Chala Ke Ye Istefada Ka Mamla Dono Taraf Se Tha.
📚Reference📚
[Millat-e-Rajshahi:-Safa:-107,110,120]

*Hazrat Gazi-ud-deen Sha (Rehmatullah Ta’aala Alaihi) Apne Peero Murshid Hazrat Miya Rajsha Sahab (Rehmatullah Ta’aala Alaihi) Ke Mujahida Ka Tazkira Karte Hue Farmate The*:-Hazrat Miya Rajsha (Rehmatullah Ta’aala Alaihi) 12-12 Ghanta Ka Habs Dam Kiya Karte The Aur Apke Rong Rong Se Kalma Ki Aawaz Aati Thi.
📚Reference📚
[Millate Rajshahi:Safa:-117]

*Huzur Fardwakt Kutube Alam Miya Rajsha Sahab Qadri Sundhvi (Rehmatullah Ta’aala Alaihi) Ke Mureedeen*:-
Patodi,Tonak,Hasanpur,Sardhana,Tikam Garh,Wagera Ke Nawab Bhi Apse Mureed The,Nawab Patodi To Aesa Aashiq Tha Ke Uske Ishq Ki Misal Di Jati Hai Ke Wo Patodi Se Pedal Chal Kar Sundh Shareef Apki Bargah Me Hazri Diya Karta Tha,Aur Tikam Ghar Ke Wazeer e Azam Khan Bhadur Muhammad Zaman Khan Ka Pura Khandan Aj Tak Bhi Silsilai Rajshahiya Se Wabasta Hai.
📚 Reference📚
[Tazikra e Gazi:Safa:-13]

Ilaqa e Mewat Me Deeni wa Duniyawi Taleem Ka Faroog Rajshahi Khandan Ki Hi Dain Hai,Musannif e Tareekh Meo Chathri Ne Is Bat Ka Aaitraf Karte Hue Likha:”Rajshahi Khandan Ke Ulma Ne Mewat Me Deeni Taleem Ke Alawa Duniyawi Taleem Ki Buniyad Bhi Dali.
📚Book Reference📚
[Tareekhe Meo Chathri:Safa:-384]

*”DARBAR E RAJSHAHI KA MAQAAM*”
Chaudhry Tayyab Hussain Rajshahi Marhoom Farmate Hai:-Me 3 Soubo Me Cabinet Mantari Raha Meri Is Kamyabi Me Mera Kuch Kamal Nahi Aur Aj Me Jo Kuch Bhi Hu Ye Sab Hazrat Qutube Alam Miya Rajsha (Rehmatullah Ta’aala Alaihi) Ke Mazar e Aqdas Par Jharu Lagane Ki Barkat Hai!
*Fardwakt Ki Bargah To Wo Azeem Bargah Hai Ke Khud Mughaliya Khandan Ka “Aakhri Tajdar Bhadur Sha Zafar” Bhi Apki Bargah Me Aakar Qadam Bos Hua Aur Iktasabe Faiz Kiya*.
📚Book Reference📚
[Tazkira e Gazi:Safa:-13-14]

*”KHANDAN E RAJSHAHI”*
Rajshahi Khandan Ki Shan Nirali Nazar Aati Hai,Fardwakt To Imam ul Aulia The Hi Apke Larke,Larkiya,Pote,Potiya,Sab Wali Hue Hai,Aur Apke Nawase Makhdoom e Millat Hazrat Wali Muhammad Rajshahi (Rehmatullah Ta’aala Alaihi)-Motafi 1931 Esvi Sadhawari Madar Zad Wali Hue,Aur Apke Sab Mureed wa Kulfa Zabardast Ahel ullah Se Hue Hai.
📚Book Reference📚
[Tazkira e Gazi:Safa:-15]

*Huzur Fardwakt Kutube Alam Miya Rajsha Sahab Sundhvi (Rehmatullah Ta’aala Alaihi) Ki Adna Karamat Ke Bare Me Musannif Tazkirat ul Aabideen Likhte Hai*:-
“Hazrat Miya Rajsha (Rehmatullah Ta’aala Alaihi) Ki Nisbat Bhut Barhi Hue Thi Ke Aese Aulia Allah Me Kam Dekhi Gyi,Adna Karamat Apki Ye Thi Ke Bawajood Ummi Hone Ke Kisi Qism Ke Masail Me Kahi Rukau Aur Ijz Na Tha,Dalail Aqli wa Naqli Maye Aayat wa Ahadees Ke Bayan Farmaye Karte The,Bat Bat Par Hadees wa Quran Ka Saboot Dete Ke Aalim Bhi Sunkar Dang Ho Jate The”
📚Book Reference📚
[Tazkirat ul Aabideen:Safa:-191]

Apki Adna Karamat Ka Ye Hal Hai To Aala Karamat Ka Kya Hal Hoga.Magar Apki Apki Aur Baki Karmat Aur Apse Jure Hue Waaqiat Is Mukhtasar Se Tarruf Me Munasib Nahi.
*Apka Wisal*:-Apne 8 Ramzan ul Mubarak Qabal Subhe Sadiq, Baroz Jumerat 1306 Hijri Mutabik 9 May 1889 Esvi Me 90 Sal Ki Umar Shareef Me Wisal Farmaya.
*Apka Urs Mubarak*:-Apne 8 Ramzan Me Wisal Farmaya Magar Apka Urs Mubarak 10-11 Shawwal ul Mukarram Me Bari Shan o Shokat Ke Sath Manaya Jata Hai,
*Apka Mazar Shareef*:-Muza Sundh Shareef,Tehseel Tawurh,Zila Mewat Nuh Haryana Me Marjai Khalaik Hai..

*Aapka Faiz Se Kitne Log Mustafeez Hue Aapke Mureedeen Ki Tadaad*

*Huzur Fardwakt Qutub_e_Alam Hazrat Miya Rajsha Sahab (Rehmat Tullahi Ta’ala Alaihi) Ke Bare Me Tazkirat_ul_Aabideen Ke Safa 192 Par Molvi Nazeer Deobandi Likhte Hai :- “Faiz Apka Wo Tha Ke Qareeb 50 Hazaar (50000) Aadmi Apse Mustafeez Huye”*

📚 *Book Reference* 📚
[Tazkirat ul Aabideen: Safa:- 192]

Huzur Fardwakt Qutube Alam Miya Rajsha Sahab (Raziallahu Ta’ala Anhu) Ki Bargah Ki Khas Baat Ye Thi Ke Ap Har Kis wa Na’Kis Ko Khirqa-e-Khilafat Ata Nahi Farmate The,Balqe Apke Yaha Ak Miyaar Tha Jis Par Khilafat Se Nawaza Jata Tha,Qazi Waheed ud Deen Rajshahi Suhanwi Marhoom Bayan Karte Hai Ke Fardwakt Miya Rajsha (Rehmatullah Ta’aala Alaihi) Ne Farmaya:-
*”Murshid e Kamil Mureed Karne Ke Qabil Jab Hota Hai Ke Maghrib Ya Asr Ke Wakt Uske Char Hazar Ya Usse Zaida Mureedo Ki Jan Nikalti Ho Aur Wo Sab Ka Hal Maloom Kar Le,Agar Aesa Nahi Hai To Aese Peero Se Aaleda Rehna Chahiye,Fakeeri Mushkil Cheez Hai,Ye Farma Kar Aap Ro Pare”*
📚Refrence📚
[Millat e Rajshahi:Safa:-193]
[Tazkira e Gazi:Safa:-15]

Ye Tha Wo Miyaar Jiske Baad Murshid Mureed Karne Ke Qabil Hota Hai Isi Miyaar Par Ghous ul Samad Fard ul Ahad Miya Rajsha (Rehmatullah Ta’aala Alaihi) Khilafat Ata Farmate The,Hazrat Fardwakt Ne Apne Mureed-e-Khas Sha Ji Kabuli Ko Sirf Zubani Khilafat Ata Farmayi Khilafat Nama Ata Na Dastarbandi Farmayi,Is Par Sufiyai Mewat Nami Kitab Me Ak Ajeeb wa Gareeb Aur Dilchasp Waqia Likha Hai,Jise Yaha Naqal Kiya Jata Hai:-⬇
“Khawaja Chote Sha Rajshahi Kabuli Almaroof Sha Ji (Rehmatullah Ta’aala Alaihi) Se Miya Rajsha (Rehmatullah Ta’aala Alaihi) Ne Jis Wakt Farmaya Sha Ji Tum Bhi Kisi Ko Allah Ka Nam Bata Diya Karo,Apko Khayal Aaya Ke Na To Apne Khilafat Nama Likh Kar Diya Na Dastar Bandi Farmayi,Agar Kisi Ahle Silsila Ne Maloom Kar Liya Tum Kiske Khalifa Ho To Me Kya Jawab Dunga ? Ap Mehroli Me Khawaja Kutub ud Deen Bakhtiyar Kaki (Rehmatullah Ta’aala Alaihi) Ke Mazar Par Hazir Hue,Kya Dekhte Hai Ke Mazar Khula Aur Kutub Sahab Andar Se Bahar Tashreef Laye Hath Me Dastar Sha Ji Ke Sar Par Lapait Kar Farmaya:-“Sha Ji Ab to Sharmindagi Na Hogi” Ye Farma Kar Khawaja Kutub Sahab Gayab Ho Gye Aur Mazar Sahi wa Salim Ho Gya,Sundh Jab Hazir Hue To Miya Rajsha (Rehmatullah Ta’aala Alaihi) Ne Farmaya:-Ab to Kutub Sahab Ki Bargah Se Dastar Khilafat Hasil Karli,Ab Bhi Apne Peer Hone Me Shuba Hai,Ab Kahi Sharmindagi Na Hone Ki Hai”….
📚Book Reference📚
Tazkirae Sufiyae Mewat,Matbua Lahore,Safa:-585]

Is Waqiye Se Rajshahi Khilafat Ki Ahmiyat Maloom Huyi,Waqeyi Ye Ak Azeem Baat Hai Khilafat Fardwakt Dee Aur Dastarbandi Khawaja Qutub ud deen Bakhtiyar Kaki (Rehmatullah Ta’aala Alaihi) Farmaye! Wo Khushmat Hazrat Jo Fardwakt Ke Khilafat Ke Miyaar Par Khare Utre Aur Fardwakt Ne Unhe Dolat-e-Khilafat Se Sarfaraz Farmaya Darj Zail Hai:-
*Huzur Qutbe Alam Fardwakt Miya Rajsha Sahab Sundhvi (Raziallahu Ta’ala Anhu) Ke Khulfa Me Wo jaleel ul Qadar Hastiya Jin Ki Wilayat Par Mashaik e Arab wo Ajam Ka Ittafaq Hai, Apke Mashoor Aur Maroof Khulfa Ke Ism Mubarak*:-
1.Fanafil Shik Hazrat Gaziudeen Sha Rajshahi (Rehmatullah Ta’aala Alaihi)
Mazar e Pak:-Bharatpur Ke Bahar Galal Kund Par Rajasthan Me Hai,
2.Zubdatul Asfiya Hazrat Chote Sha Rajshahi Urf Sha Ji Kabuli (Rehmatullah Ta’aala Alaihi)
Mazar e Pak:-Dhulawat Shareef,Tehseel Tawurh,Zila Mewat Nuh,Haryana Me Hai,
3.Hum Shakle Ghouse Azam,Aala Hazrat Hazrat Syed Abu Ahmad Muhammad Ali Hussain Ashrafi Rajshahi Urf Ashrafi Miya (Rehmatullah Ta’aala Alaihi)
Mazar e Pak:-Khichocha Shareef, Zila Faizabad,(U.P) Me Hai,
4.Huzur Mujjadid e Wakt Molana Abdullah Sha Rajshahi (Rehmatullah Ta’aala Alaihi) Ap Huzur Rajsha Sahab (Rehmatullah Ta’aala Alaihi) Ke Bare Sahabzade Hai,
Mazar e Pak:-Sundh Shareef,Tehseel Tawurh,Zila Mewat, Nuh,Haryana Me Hai,
5.Haji ul Harameen Hazrat Miya Haider Sha Rajshahi (Rehmatullah Ta’aala Alaihi) Ap Huzur Rajsha Sahab (Rehmatullah Ta’aala Alaihi) Ke Sahabzade Hai,Apka Mazar e Pak:-Sundh Shareef,Tehseel Tawurh,Zila Mewat,Nuh,Haryana,Me Hai.
6.Aarif e Kamil Hazrat Miya Muhammad Ismaile Sha Rajshahi (Rehmatullah Ta’aala Alaihi)
Mazar e Pak:-Fareed Nagar Shareef,Zila Gaziabad,(U.P) Me Hai,
7.Jame Maqool Wa Manqool Hazrat Allama Molana Abdur Rehman Rajshahi Urf Bare Molvi Sahab (Rehmatullah Ta’aala Alaihi)
Mazar e Pak:-Merrut Me Dargah Sha Peer Sahab (Rehmatullah Ta’aala Alaihi) (U.P) Me Hai.
8.Qutube Wakt Hazrat Allama Molana Abdur Raheem Rajshahi Urf Bare Molvi Sahab (Rehmatullah Ta’aala Alaihi)
Mazar e Pak:-Merrut Me Dargah Sha Peer Sahab (Rehmatullah Ta’aala Alaihi) (U.P) Me Hai.
9.Shik ul Mashaik Hazrat Haji Syed Abid Hussain Rajshahi (Rehmatullah Ta’aala Alaihi) Bani Darul Uloom Deoband,
Mazar e Pak:-Deoband,Zila Saharanpur,(U.P) Me Hai,
10.Qutbe Dora,Ghouse Zama,Sarkar-e-Sarawa Makhdoom ul Aulia,Hazrat Hafiz Muhammad Ibrahim Sha Sahab Rajshahi (Rehmatullah Ta’aala Alaihi),
Mazar e Pak:-Sarava Shareef,Zila Gaziabad,(U.P) Me Hai,
11.Wakife Israre Haqiqat Hazrat Meer Muhammad Taki Rajshahi (Rehmatullah Ta’aala Alaihi),
Mazar e Pak:-Thanabhavan Shamli (U.P) Me Hai,
12.Qalandare Wakt Hafiz Meer Ahmad Ali Aakhervi Rajshahi (Rehmatullah Ta’aala Alaihi)
Mazar e Pak:-Sundh Shareef,Tehseel Tawurh,Zila Mewat,Nuh Haryana Me Hai,
13.Makhdoom e Millat, Nabeer e Kutbe Alam,Hazrat Wali Muhammad Rajshahi (Rehmatullah Ta’aala Alaihi)
Mazar e Pak:-Satawari Shareef,Tehseel Nagina,Zila Mewat,Nuh Haryana Me Hai.

“Inke Alawa Aur Bhi Apke Khulfa Hue Hai”

1.Qutube Wakt Hazrat Ameer ud Deen Sahab Rajshahi (Rehmat Tullahi Ta’ala Alaihi) Mazar Sharif:- Doha, Haryana India
2. Hazrat Nawab Muhammad Ishaq Sha Khan Sahab Rajshahi (Rehmat Tullahi Ta’ala Alaihi) Mazar Sharif:- Fareed Nagar Sharif, Ghaziabad, Uttar Pradesh

Jis Tarha Qutube Alam Fardwakt Miya Rajsha (Raziallahu Ta’ala Anhu) Ki Wilayat Par Mashaik e Zamana Muttafiq Nazar Aate Hai Usi Tarha Apke Khulfa Ki Wilayat Par Bhi Sabhi Ka Ittafaq Hai.

🌹🌹🌹 *MALFUZAT*🌹🌹🌹
*Huzur Qutbe Alam Fardwakt Miya Rajsha Sahab Sundhvi (Raziallahu Ta’ala Anhu)*

1.Allah Ism Jalalat Ism e Azam Hai,Isse Hi Sab Cheez Hasil Ho Jati Hai.
2.Duniya Misil Saya Ke Hai Jab Insan Isko Chor Kar Allah Tala Ki Janib Rujuh Karta Hai To Ye Duniya Saya Ki Tarha Peche-Peche Ho Leti Hai,Aur Jab Insan Khuda Ko Chor Kar Duniya Ki Taraf Chalta Hai To Ye Saya Ki Tarha Hath Nahi Aati Aur Jitna Aadmi Uske Peeche Dorta Hai Utni Hi Aage Dorti Hai.
3.Mureed Ko Chahiye Jab Peer Ke Pas Aave To Duniya Ka Koi Khudsha Dil Me Lekar Na Aave,Murshid e Kamil Ko Manind Ayina Tamam Haal Har Ak Ka Maloom Hota Hai.
4.Jo Mureed Sidhe Raste Par Laga Chala Jata Hai Wo Manzile Tee Karta Jata Hai Aur Jo Garhbar Me Parh Gya,Peer Ki Taraf Se Bad Aektad Ho Jata Hai Aur Peer Ki Buraee Bhalayi Par Nazar Karne Lag Jata Hai Wo Apne Asli Maqsood Se Gir Jata Hai.
5.Banda Aur Khuda Ke Darmiyan Murshid Waseela Hota Hai,Aur Usi Ke Zarye Khuda Ki Muhabbat Hasil Hoti Hai,Khuda Ke Bhaid Aur Dar Aur Marne Se Pehle Marna Hasil Ho Jata Hai.
6.Jhoot,Dagabazi,Chori,Aur Riyakari Bara Sakt Gunha Hai.
7.Hasad Aur Bugz Riyakari Se Dil Siya Ho Jata Hai.
8.Allah Tala Ke Bando Ki Khidmat Karna Aur Gareebo Ko Madad Pouchana Behtireen Ibadat Me Se Hai,Is Tarha Allah Tala Razi Hota Hai.
9.Suhalehee,Momineen,Aur Ulma Ki Sohbat Se Noor ul Iman Me Zayadti Hoti Hai.
10.Fakeero Durwesho Aur Allah Walo Ki Sohbat Aur Khidmat Se Dil Ki Siyaee Door Hoti Hai,Allah Allah Ka Zok wa Shok Tabiyat Me Bakhud Peda Hota Hai,Jo Bais Khushnodi-Ilallah Aur Uske Rasool (SALLALLAHU-TA’AALA-ALAIHI-WASALLAM) Ka Hai.
11.Murshid Wasila Hai Allah Aur Uske Rasool Ke Raste Batane Ka Mureed Ko Chahiye Peer Ki Khidmat Karne Se Khuda Ka Qurb Hasil Hota Hai,Aur Phir Sab Us Par Meharban Ho Jate Hai.
12.Allah Wale Jis Jaga Zameen Par Soee,Bedhe,Chale,Phire,Waha Par Barkat Nazil Hoti Hai,Khuda Bhi Us Jaga Ko Dost Rakhta Hai.
13.Har Madfun e Aulia Par Nazul Barkat Ka Hota Hai.
14.Sohbat Kharab Mil Jaye To Deen Duniya Kahi Ka Nahi Chorti,Jese Umda Khana Paka Kar Matti Ke Tail Ka Hath Laga Do Phir Dekho Kon Khata Hai,Kesa Hi Lazeez Ho Sab Kuch Bigar Gya.
15.Insan Ahkame Shariyat Ka Paband Aur Farmane Murshide Kamil Rahe,Khuda Razi Hoga,Jis Par Murshid Ka Karam Hota Hai Us Par Allah Aur Uske Rasool (SALLALLAHU-TA’AALA-ALAIHI-WASALLAM) Ka Bhi Karam Hai.
16.Agar Koi Hawa Me Uree Aur Pani Par Chale Aur Aag Bhi Asr Na Kare Magar Khilafe Shar’a Ho To Usko Hargiz Na Man’na,Ye Log Peru Shaitan Hai.
17.Ittaba Shariyat Aur Pabandi Shariyat Ka Nam Hi Darweshi Hai.
18.Khayalat Ki Safaee Mujahaida Aur Riyazat Se Paida Hoti Hai,Aur Is Khayale Safaee Ka Shariyat Hasan-Haseen Hai.
19.Ak Meri Ana,Ak Uski Ana,Apni Ana Ko Uski Ana Me Karde Fana So Le Baqa

Allah Kareem Hame Sarkar e Qutube Alam Miya Rajsha Sahab Ki Talimat Par Amal Karne Ki Taufeeq Ata Farmaye, Allah Azzavajal Apke Faizan Se Hame Malamal Farmaye…
*(AMEEN BIJAHIN NABIYIL AMEEN)*