Youm_e_Mubahila

WhatsApp Image 2019-08-25 at 10.26.56 PM

Zilhaj ki 24 tarikh ko Mubahle ka tarikhi waqiya pesh aaya tha

! Mubahla bhi munazre ki tarah debate he hota hai magar isme jo har jaye to jeetne wala uske liye Allah se lanat ki dua karta hai.
Ye Mubahla Aaqa SallAllahu Alaihi wa Aalihi wa Sallam aur Najran ke bade bade Isayi aalimo ke bich hone wala tha. Un isayiyo ne Aaqa SallAllahu Alaihi wa Aalihi wa Sallam ko Hazrat Isa Alaihissalam ke mutalliq mubahle ka challenge kiya. Jawab me Allah Ta’ala ne Surah Aal Imran ki Aayat 61 Nazil farmakar Huzoor se farmaya ke: Ay Habib farma dijiye challenge kabool hai, Hum Apne Beto ko laate hain tum bhi apne beto ko lao, Hum Apni Auraton ko laate hain tum bhi apni auraton ko lao aur Hum Apni Jaano ko Pesh karte hain tum bhi apni jaan ke saath aao.

Sahih Muslim se lekar saari kitabo me darj ke hai Jab Aaqa SallAllahu Alaihi wa Aalihi wa Sallam Mubahle keliye nikalne lage to Aapne Sayyeda Fatimah tuz Zahra, Sayyeduna Maula Ali ul Murtaza aur Hasnain Kareemain (Alaihi-Mussalam) ko saath liya aur farmaya Ye Meri Ahle Bayt hai.

Jab us jagah pe pahunche to Aayat-e-Kareema me tha Hum Apne Bachon ko laate hain tum bhi apne bachon ko lao, to bachon ki jagah Hasanian Kareemain Shahzadon ko aage kiya. Aurato ki representation Sayyeda-e-Kainat Salamullahi Alaiha se karwayi. Aur fir jab “Apni Jaan” pesh karne ka waqt aaya to Apne saath Maula Ali ul Murtaza KarramAllahu Wajhahul Kareem ko Khada kiya!! Is tarah Nass-e-Qurani se sabit hogaya ke Sayyeduna Maula Ali Alaihissalam RasoolAllah SallAllahu Alaihi wa Aalihi wa Sallam ki Jaan-e-Pak, Nafs-e-Pak ka Hissa hain!

Jab Panjatan Pak Maidan ne khade hogaye aur sawal jawab abhi shuru nahi hua tha ke un Isaiyon me se jo sabse senior aalim tha usne kaha: Mere saathiyon, Inse mubahla mat karo. Khuda ki Qasam mai aise Chehre dekh raha hun ke agar (RasoolAllah SallAllahu Alaihi wa Aalihi wa Sallam) Dua karden aur Baaki Charon us Dua par Aameen kehden to Khuda ki Qasam Qayamat tak ke Isaiyat ka naamo nishan mit jayega! Abhi waqt hai piche hat jao.
To wo log piche hat gaye aur chale gaye.

Sabak ummat ko ye mila ke Panjatan Pak ke khilaf koi gaya to wo barbaad hogaya! Ye Aqeeda to ek gair muslim bhi yaha maan raha hai!!

Aur jab ye sab hochuka to Allah Ta’ala ne Aayat me farmaya: “Yehi Haq hai.” Ab Quran ka ek ek huruf Haq hai lekin alagse yaha farmaya ke ye Haq hai, matlab Allah Ta’ala warning deraha hai ke khabardar Mere Panjatan ke khilaf na jana, koi aisa kaam na karna ke Unki Shaan me kami aaye, warna tum hamesha keliye barbaad hojaoge!

Allahumma Salle Ala Sayyedina Muhammadiw wa Ala Aali Sayyedina Muhammadin.
 Jisne bhi Maula Ali Alaihissalam ko baal barabar bhi taklif di uspar Tajdar-e-Kainat SallAllahu Alaihi wa Aalihi wa Sallam ne lanat ki!

Imam Hussain Alaihissalam bayan karte hain darhaalanke (is Haal me ke) Wo Apne Baal pakde hue they, (Farmate hain) ke Hazrat Ali Ibne Abi Talib (Alaihi-Mussalam) ne Mujhe bataya darhaalanke (is Haal me ke) Wo Apne Baal Pakde hue they, (Unhone Farmaya) ke Huzoor Nabi-e-Akram SallAllahu Alaihi wa Aalihi wa Sallam ne Mujhe bataya darhaalanke (is Haal me ke) Aap SallAllahu Alaihi wa Aalihi wa Sallam Apne Mu-e-Mubarak (Baal Mubarak) Pakde hue they, (Aapne Farmaya) ke:
jis shakhs ne Tujhe (Ay Ali) baal barabar bhi azeeyat di to usne Mujhe azeeyat di aur jisne Mujhe azeeyat di usne Allah ko azeeyat di aur jisne Allah ko azeeyat di pas uspar Allah ki lanat ho.”

[Ibne Asakir, Tarikh, 54/308
Hindi, Kanzul Ummal, 12/349, #25351
Neshapuri, Sharaf-e-Mustafa SallAllahu Alaihi wa Aalihi wa Sallam, 5/505, #2486
Dr Tahir-ul-Qadri, Kanzul Muttalib ffe Manaqib Ali Ibne Abi Talib Alaihi-mussalam, #116]

Allahumma Salle Ala Sayyedina wa Maulana Muhammad wa Ala Sayyedina Aliyyuw wa Sayyedatina Fatimah wa Sayyedatina Zainab wa Sayyedina Hasan wa Sayyedina Hussain wa Ala Aalihi wa Sahbihi wa Barik wa Sallim.

WhatsApp Image 2019-08-25 at 8.17.49 PMWhatsApp Image 2019-08-25 at 8.17.51 PM

MUBAHLA

“Najran se isaiyon ka wafad aaya, 60 ya 80 unke akabir ulema they isayi najran ke wo Aaqa SallAllahu Alaihi wa Aalihi wa Sallam ki Bargah me aaye. Aur aakar unhone Aaqa SallAllahu Alaihi wa Aalihi wa Sallam se kuch sawalat karna chahe Isa Alaihissalam ke baare me. Unke iradey gustakhana they, khair unhone sawalat kiye, Aaqa SallAllahu Alaihi wa Aalihi wa Sallam ne jawab diye. Kyunki wo log galat iradey se aaye they to tamam jawabaat sunkar unhone kaha ke hum kal aapko iska reply (jawab) denge. Aur unhone Mubahle ka socha wo maazAllah Isa Alaihissalam ko Khuda ya Khuda ka beta saabit karna chahte they (maazAllah). Unhone kaha k agar humne saabit kiya to hum Aapko bad-dua denge aur agar Aapne hame galat saabit kiya to Aap hame bad-dua den. Jiska Aqeeda jhoota hai wo halaak aur barbaad hojaega. Bewakoof log kyunki unka Aaqa SallAllahu Alaihi wa Aalihi wa Sallam ki Nabuwwat aue Sadaqat par to unka Imaan tha nahi, unko ye baat sujh gayi galat aur Aaqa SallAllahu Alaihi wa Aalihi wa Sallam ko challenge kardiya. Aaqa SallAllahu Alaihi wa Aalihi wa Sallam ne challenge kabool karliya ke subh mubahla hoga.
Ab Sahih Muslim Hadees No. 2404 ki Hadees-e-Pak me aata hai mubahla ke liye subh wo aaye to Aaqa SallAllahu Alaihi wa Aalihi wa Sallam ne bulwa bheja Sayyeduna Imam Hussain ko Sayyeduna Imam Hasan ko, Sayyeda Fatima tuz-Zahra ko aur Sayyeduna Ali al-Murtaza (Salamullah Alaihim) ko. Aur Quran-e-Majid me Allah Rabbul Izzat ne Aayat naazil ki:

Surah Aale Imran Aayat: 61

“Aajao hum (milkar) Apne Beton ko aur tumhare beton ko aur Apni Auraton ko aur tumhari auraton ko aur Apne Aapko bhi aur tumhe bhi (ek jagahpar) bula lete hain, fir hum mubahla karte hain. Aur jhooton par Allah ki lanat bhejte hain”

Allah Pak ne Aayat bheji aur farmaya Mere Habib (SallAllahu Alaihi wa Aalihi wa Sallam) inhe bulalen, kahen: Aajao, Mai Apne Beton ko bulata hun tum apne beton ko saath laao, Mai Apni Auraton ko bulata hun tum apni auraton ko saath laao, Hum Apni Jaano ke saath aate hain tum bhi apni jaano ke saath aao, is tarah aamne samne aakar mubahla karte hain. Is Aayat-e-Karima ke saath Hadees-e-Pak me aata hai ke Aaqa SallAllahu Alaihi wa Aalihi wa Sallam ne usi waqt Apni Ahle Bayt ko bula bheja ye Sahih Muslim ki Hadees hai Hazart Ali ko bulake Apne piche karliya, Hazrat Fatima ko Saath karliya, Hasano Hussain ke Haath Pakad liye aur arz kiya: Baari Ta’ala Ye Meri Ahle Bayt hai! Aur un isaiyon se kaha Mai Apne Bete laaya hun, Imam Hasan aur Imam Hussain ko mubahla ke muqaam par Aaqa SallAllahu Alaihi wa Aalihi wa Sallam ne Quran ki Zuban me Apne Bete Kehke aylan karwaya! “Abna Ana wa Abna Akum. Hazrat Sayyeda-e-Kainat ke zariye Aurato ki representation karwayi aur Apni Jaano ko pesh karte hain kehkar Apne saath Maula Al al Murtaza ko Pesh kiya! To goya Nass-e-Qurani se sabit hua ke Maula Ali Sher-e-Khuda Nafs-e-Mustafa Hain! Mustafa ki Jaan ka Hissa Hain!!

To Jab Ye chale aur udhar se Najran ke isayi samne aaye tayyari karke mubahla ke liye. Jab un isaiyon ki Inpar nazar padi, Aaqa SallAllahu Alaihi wa Aalihi wa Sallam ka jalaal dekha, Shehzade Hasan aur Hussain dekhe, Sayyeda-e-Kainat aur Ali al-Murtaza ko dekha (Salawatullah Alaihim) to Hadees ke alfaz aate hain wo jo unke bade sarbara they isayi wafad ke unhone apne isaiyon ko rok liya, aur jo askaf-e-najran tha usne kaha: ‘Ya masharan nasara! Inni la ara wujuhan lou sa’alullaha ayi uzeera jabalan makanihi la za lahu.’ [Qazi Sanaullah, Tafseer Mazari,Volume 2, page 64] usne kaha “mai wo Chehre dekhraha hun ke agar in Chehro ne Apni Zuban se kehdiya Ay Allah ye pahaad apni jagah se hata de to Khuda ki Qasam pahad hat jaenge!” aur usne kaha mere isaiyi bhaiyon Khuda ke liye aage na bado, agar is mubahla me Mustafa (SallAllahu Alaihi wa Aalihi wa Sallam) ne dua kardi aur Hasan aur Hussain aur Sayyeda Fatima aur Sayyeduna Ali ke Zuban se Aameen nikalgaya to Khuda ki Qasam Qayamat ke din tak Ru-e-Zameen par koi Isayi nahi bachega! (Kyunki Huzoor Alaihissalam Apni Ahle Bayt se Farma diya tha ke Jo bhi Dua karunge us par Tum Sab Aameen kehna). Wo saare isayi wahi wapas palat gaye aur unhone tauba karli aur kaha ke hum mubahla se taaib hote hain challenge wapas lete hain.

To is waqiye me hua kya? “Abna Ana” Mai Apne Beton ke saath ata hun, To Beton se Hasan aur Hussain muraad liye (Alaihi-Mussalam), fir farmaya “Nisa ana wa Nisa akum” Jab Auraton ka zikr kiya to sirf Sayyeda Fatima tuz-Zahra ko bulaya kisi aur ko nahi, batana maqsud ye tha ke “Nisa Ana” me Fatimah is liye hai ke Qayamat tak Meri Nasl Isi se chalni hai. Ye Nehr-e-Kausar-e-Aal-e-Rasool hai (SallAllahu Alaihi wa Aalihi wa Sallam). Aur “Wa Anfusana wa anfusakum” Apni Jaano ke Saath aate hain tum apni jaano ke saath aao, Yahan Apni Zaat-e-Pak ke Saath Hazrat Ali Sher-e-Khuda ko Quran ki Nas se Apni Jaan me Shaamil kiya! Apne Nafs me Shaamil kiya! Isliye farmaya “Aliyumm Minni wa Ana Min Hu” aur ye bhi farmaya “Ya Ali Anta Minni wa Ana Minka” “Tu Mujhse Hai aur Mai Tujhse Hun. Isliye ke Anfusana wa Anfusakum! “Lahumaka Lahmi, Jismuka Jismi, Fark Nahi Mabain Piya.” Hazrat Ali Alaihissalam ko Apna Nafs qaraar diya, Jo Aapse Muhabbat karega wo Mujhse Muhabbat karega! Jo Aapse bugz rakhega wo Mujhse bugz rakhega.”

Alaihim Afdalus Salawatu was-Salaam
-Shaykh-ul-Islam Dr. Tahir-ul-Qadri

(Ye Waqiya Mubahla aur Aaayat-e-Munahla ka Nuzool aaj ke din hua tha aisa kaha jata hai)

Allahumma Salle Ala Sayyedina Muhammadiw wa Ala Aali Sayyedina Muhammadin
SallAllahu Alaihi wa Ala Aalihi wa Sahbihi wa Baarak wa Sallam

WhatsApp Image 2019-08-26 at 5.49.48 PM

#Qur’aan Al Qareem
#Surah No. 03
#Aayat No. 61
#Aayat E Mubahila
Jab Najraan Se Isaiy’on (Christan’S) Ke Ulama, Aqabireen Aur Qayedeen Ka Wafad (Giroh) #Huzoor Aaqa Nabi E Kareem Sallallahu Alehi Wa’Aalihi Wasallam Ki Bargaah Mein Munazara Karne Ke Liye Aaya Tha Aur Baat Natijatan Mubahila Pe Jaa Pahunchi.
Tou #Huzoor Sallallahu Alehi Wa’Aalihi Wasallam Ko Allah Rabbul Izzat Ne Unke Iss Mubahila Ke Challenge Ke Jawab Ke Taur Par Ye Aayat E Karima Naazil Farmayi
.
Nad’U AbnaAna Wa AbnaAkum Wa NisaAna Wa NisaAkum Wa Anfusana Wa Anfusakum Summa Nabta’il FaNaj’al LaNatalLahi Alal Kazibeen.
.
Aur Unse Farmaya #Ae Habeeb E Muqarram Sallallahu Alehi Wa’Aalihi Wasallam Inse Farma Dijiye Ki Accha Mubahila Karna Chahte Ho.
#Aaqa AlehisSalam Ne Jab Mubahila Ki Baat Ho Gyi Tou Aapne #Hasnain Karimain Ko Bulwa Bejha Aur #Syyeda E Qaeynaat Syyeda Fatma Zahra AlehisSalam Ko Bulwa Bejha Aur #Syyedna Maula E Qaeynaat Ali Murtaza AlehisSalam Ko Bulwa Bejha.
.
Reference No.01 : Ye Hadees E Sahi Hai Imam Muslim Ne Al Jaami As Sahi Yaani Sahi Muslim Mein Isko Riwayat Kiya Hai Aur Hazrat E Saad Bin Abi Waqaas RadiAllahu Anhu Hadees Ke Raawi Hain.
Reference No.02 : Fhir Ye Hadees Imam Tirmizi Ne Jami Al Tirmizi Mein Bhi Isko Riwayat Kiya Hai Aur Zaid Bin Arkam Iske Raawi Hain.
Aur Alawa Unke Hazrat Abu Huraira Is Hadees Ke Raawi Hain, Abdullah ibne Umar Raawi Hain, Abu Ayyub Ansari Raawi Hain, Abu Saeed Khudri Raawi Hain, Anas Bin Maalik Raawi Hain, Abdullah Ibne Abbas Raawi Hain, Aur Bhi Bahut Se Sahaba E Kiraam Iss Hadees Ke Raawi Hain Aur Ye Hadees Hadd E Sohrat Hi Pe Nahi Balke Hadd E Tawatur Ko Pahunchti Hai.
.
Tou Allah Rabbul Izzat Ne Hukm Diya #Huzoor Nabi E Kareem Sallallahu Alehi Wa’Aalihi Wasallam Ko Ki Aap Inse Ye Farmaiye
Ki Aao Hum Apne Beto’n Ko Laate Hain Tum Apne Beto’n Ko Lao, Hum Apni Aurato’n Ko Laate Hain Tum Apni Aurato’n Ko Lao, Hum Apni Jaan’on Ko Laate Hain Tum Apni Jaan’on Ko Lao Fhir Mubahila Karte Hain Aur Dekhte Hain Ki Natija Aur Anjaam Kya Hoga.
Iske Baad #Aaqa Sallallahu Alehi Wa’Aalihi Wasallam Ne #Hasnain Karimain Ko Aage Karliya Aur #Syyeda Fatma Zahra Aur Syyedna Ali Al Murtaza Ko Apne Daaye Baaye Saath Le Liya Tou Najraan Se Aaye Hue Nasara Ke Qaeydeen Ne, Rehbar’on Ne, Rehnuma’on Ne Aur Unke Aqabir Ne Jab Ye Naqsha Dekha Tou Unhone Apne Tamaam Wafad (Giroh) Ke Araqeen Ko Kaha Ki Khuda Ke Liye Ruk Jao Mubahila Na Karna.
Maine Wo Chehre Dekhe Hain Ki Agar Inhone BadDua Kardi Aur In Char’on Ne Saath Mein Aameen Kardi Tou Khuda Ki Kasam Rooh E Zameen Par Qayamat Tak Koi Isai (Christan) Paida Na Hoga Aur Na Koi Bachega.
Aur Agar Inhone Apni Dua Mein Ye Keh Diya Ki Pahaad Apni Jagah Se Hatt Jaaye Tou Wo Bhi Hatt Jayenge Maine Wo Chehre Dekhe Hain.
Wo Ta’ib Ho Gye Aur Mubahila Ki Daawat Se Piche Hatt Gye Wapas Chale Gye Ye KehKar Ki Aap Apne Deen Par Rahe Aur Hum Apne Deen Par Rehte Hain.
Shikast Kha Gye Mubahila Na Hua.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s