Hazrat Shaikh Makhdoom Jalaal-ud-deen Mahmood Thanesri rahmatullah alaih

Hazrat Shaikh Makhdoom Jalaal-ud-deen Mahmood Thanesri rahmatullah alaih :

Aap ki wilaadat 874 Hijri (1470 A.D.) me hui.

*************
Aap Gangoh tashreef le gaye aur Hazrat Shaikh Abdul Quddoos Gangohi rahmatullāhi alaihi ki khidmat me rehkar ta’aleem aur faiz haasil kiya.
Ta’aleem mukammal hone ke baad Aap Thanesar waapas tashreef laaye aur ta’aleem wa faiz ata farmaate rahe.

*************
Aap Qudawt-us-Saalikeen aur Siraaj-ul-Aarifeen the.
Aap Jaame Shariat o Tareeqat the.
Aap akṡar waqt ibaadat o riyazat aur muraaqaba me guzaarte.
80 saal tak rozaana ek khatm Qur’an tilaawat karte rahe.

*************
Aap ka ek mureed kai saal tak Aap ki khidmat me raha. Ek din Aap ki khidmat me baitha tha. Dil me sochne laga ke “Puraane zamaane me Hazrat Najm-ud-deen Kubra rahmatullāhi alaihi bade saahibe karaamat buzurg the. Jis shakhs par nazar e tawajjoh daalte use Waliyullāh bana dete. Aaj ke zamaane me aise buzurg kaha hain.”
Aap ne us shakhs ke khayaal ko jaan liya aur farmaaya “In dino bhi dunya me aise bande hain jo ek nigaah se Taalibe haq ko ALLĀH ta’ala tak pahoncha dete hain.”
Yeh keh kar us shakhs par ek nigaah daali, woh tadapne laga aur 3 din tak Behosh raha. Teesre din hosh me aaya to Aap ke qadam chum kar arz ki ke “Mujhe itne saalo me woh cheez nahi mili jo Aap ki nazar se haasil ho gai hai.”
Usi hafte woh shakhs faut ho gaya. Aap ne uske inteqaal ki khabar suni to farmaya : “Har ek me bardaasht ki taaqat nahi hoti, yeh bechara nigaah ki taab nahi laa saka aur inteqaal ho gaya.”

****************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Irshaad-ut-Taalibeen
(2) Risaala Tehqeeq-e-Arazi-e-Hind.

****************
Aap Hazrat Shaikh Abdul Quddoos Chishti Gangohi rahmatullāhi alaihi ke Khalifa e Awwal hai.

Aap ke khalifa Hazrat Shaikh Nizaam-ud-deen al-Balkhi rahmatullāhi alaihi hain.

****************
Aap ka wisaal 24 Zil Hijjah 989 Hijri (9 January 1582 A.D.) ko hua.

Aap ka mazaar Thanesar (Haryana) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Shaikh Makhdoom Jalaal-ud-deen Mahmood Thanesri rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s