Iman Baqir AlahisSalam aur ek murda shaami.



*Imam Baqir (a) ki zindagi ka waqe’a aur wo kis tarah ek murda shaami ko zinda karte hai*

Muhammad bin Sulaimaan ne apne walid se riwayat ki hai ke unhone kaha:

Ek shami (syrian) ka riwaaj tha ki jab bhi Madine aata, hamesha Imam Muhammed Baqir (a) ki mehfil me shirkat karta. Aur wo Imam se kehta tha:
Mai aap ki majlis me is liye nahi ata kyunki tumse meri aqeedat hai, balki mai aapse aur aap ke poore khaandan se nafrat karta hun. Mere khayal me Khuda aur uske Rasool ki ita’at aur musalman khalifa ka muta’leba (demand) hai ki mujhe aap logon se nafrat karni chahiye.

Mai aap ki mehfil me sirf is liye haazir hota hu kyunki aap ek faseeh (eloquent) shakhs hain aur mujhe aap ki adabi maharat (literary expertise) se istefadah (benefit) karna pasand hai.

Imam Muhammed Baqir (a) sirf ye kaha karte the:
Allah har cheez ko dekh raha hai.

Ek dafa jab wo shaami Madine aya to beemar pad gaya aur us ki beemari me shiddat agayi.
To us ne apne ek rishtedaar se pucha: Jab mai marjaun to tum mujhe chaadar se dhaanp do aur Muhammed bin Ali ke paas jaao aur unse meri namaze janaza padhne ko kaho.

Is tarha aadhi raat ko us ka jism thanda pad gaya aur us ke dosto ne use chaadar se dhaanp diya. Subah wo dost Imam Muhammed Baqir (a) ke paas aya jab wo Masjide Nabawi me the.
Us ne Imam ko us shaami ki maut ki Khabar di aur mazeed kaha ke usne wasiyat ki thi ke Imam uski namaze janaza padhe.

Imam (a) ne farmaya:
Wo murda nahin hai. Wo coma me hai kyunki shaam (syria) mausam sard (cold) hai jabki Madina garm sar zameen hai aur yahan mausam zyada garm hai. Waapis jao aur mera intezaar karo aur mere aane se pehle use ghusl aur kafan na dena.

Us ke baad Imam (a) uthe, wudhu kiya, aur do raka’t namaz padhi. Phir unhone dua ki Rabbul A’lameen se aur Tul’u Aftaab (sunrise) tak sajda karte rahe.

Phir wo uthe aur us jagah gaye jahan wo shaami thehra tha.

Imam (a) us ke ghar me daakhil hue. Unhone uska naam pukara to usne kaha: Labbaik!

Imam ne use uthne me madad ki aur kaha ki use jau ke sukhe hue khaane (parched barley meal known as _sattu_) dein jo use khilaya gaya. Imam ne apne logon se kaha ke uske seene ko thanda rakhein.

Thodi ser ke baad wo shaami mukammal sehat yaab hogaya aur Imam uthe aur wahan se waapas agaye. Baad me wo shaami bhi Imam ke maqam par aya aur haazireen se darkhwast ki ke unhein akele chod de. Jab wo akele the, unhone kaha: Mai gawahi deta hun ke Aap Allah ki Makhlooq par Hujjat hai aur Aap Allah tak pohonchne ka zariya hai. Aur ko Aap ko chod kar dusre darwaze ki taraf maa’il hoga wo naakaam aur tabah hojayega.

Imam Muhammed Baqir (a) ne farmaya: Aye Insaan! Tum ne achanak apna nazarya kaise badal liya?

Us ne jawab diye: Maula mai ne maut ka zaiqa chakh liya tha aur meri rooh mere jism se nikal gayi thi jab mai ne ek awaaz suni:

Uski rooh uske jism mai lauta do. Muhammed bin Ali ne usko pucha hai.

Imam Muhammed Baqir (a) ne farmaya: Kya tum nahi jaante ki Allah apne bande se muhabbat karta hai lekin uske Ama’l se nafrat karta hai. Ba’az auqaat wo kisi se nafrat karta hai lekin uske ama’l ko pasand karta hai.

Us waqia ke baad shaami poori tarah Imam ke halqe me shaamil hogaya.


(Ref : Madinatul Maajiz V2 (Eng) Pg 404-406 Incident of Resuscitating a Syrian)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s