Gham e Husain AlahisSalam aur Hazrat Nizamuddin Auliya aur Baba Fariduddin Ganjsshakar Rehmatullah alaih..

Sultan-ul-Awliya’ Hazrat Khwaja Nizam-ud-Deen Mehboob e Ilahi Quddis Sirruh-ul-Aziz Farmate Hain Ki Mein Maahe Muharram Sharif 656 Hijri Me Sultan-ul-Masa’ikh, Shaykh-ush-Shuyookh-ul-Aalam, Burhan-ul-Haqiqah, Saiyad-ul-Aabidin, Badr-ul-Aarifin, Umdat-ul-Abara Qudrat-ul-Akhyar, Taj-us-Sufiya’, Siraj-ul-Awliya’, Burhan-ush-Shara’ Walidain, Shaykh-ul-Islam Wa’l-Muslimin Hazrat Baaba Farid-ud-Deen Mas’ood Ganj Shakar RadiyAllahu Ta’ala Anhu Kee Khidmate Aqdas Me Haazir Huwe Aap Ne Aashurah Ke Garrah Mutabarrakah Ki Fazilat Me Farmaya :

“Is Ashrah(Mahine Ke Daswe’n Hisse) Me Kisi Aur Kaam Mashghool Nahin Hona Chaahi’e Siwaa’e Itaa’at, Tilawat, Du’a Wa Namaaz Waghairah Ke, Is Waaste Ki Is Ashrah Me Qahre Ilaahi Bhi Huwa Hai Aur Bohat Rahmate Ilahi Bhi Naazil Hoti Hai. Phir Farmaaya Ki Is Ashre Me Bohat Se Tabqaate Masha’ikh Ne Girya-o-Zaari Wa Niyaaz Apne uppar Laazim Kiya Hai.

Baad Aza’n Farmaya Ki Kya Tujhe Ma’loom Nahin Ki Is Ashrah Me Huzoor Sarware Aalam SallAllahu Ta’ala wa’ala aale hi Wasallam Par Kyaa Guzari ? Aur Aap Ke Farzandon Ko Kis Tarah Be Rehmi Se Shaheed Kiya Gaya, Baaz Pyaas Ki Haalat Me Shaheed Hue Ki Un Bad-Bakhton Ne Un Allah Ke Pyaaron Ko Paani Ka ek Qatra Tak Na Diya.
Jab Shaykh-ul-Islam Ne Yeh Baat Farmayi To ek Na’rah Maar Kar Be-Hosh Ho Kar Gir Pade, Jab Hosh Me Aaye To Farmaya Ki Kaise Sang Dil, Kafir Be-Aaqibat, Be-Sa’aadat Aur Na-Maherbaan They Haala’n Ki Unhein Khoob Ma’loom Tha Ki Yeh Deen Wa Dunya Aur Aakhirat Ke Baadshah Ke Farzand Hain Phir Bhi Unhien Badi Be-Rehmi Se Shahid Kiya Aur Unhein Yeh Khayaal Na Aaya Ki Ka Qayaamat Ke Din Hazrat Khwaja e Aalam SallAllahu Ta’ala wa’ala aale hi Wasallam Ko Kyaa Muh Dikhayenge.”

[Rahat-ul-Quloob, Safha-57.]

اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّد

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s