Hazrat Imaam Jalaal-ud-deen Abul Fazl Abdur Rahmān as-Suyuti rahmatullāhi alaihi

27544631_1209846765816512_2076679349345359244_n

Hazrat Imaam Jalaal-ud-deen Abul Fazl Abdur Rahmān as-Suyuti rahmatullāhi alaihi :

Alqaab :
‾‾‾‾‾‾‾‾‾‾
Ibn-ul-Kutoob (Son of books), Shaikh-ul-Islaam, Fakhr-ul-Mohaddeeṡeen.

******************
Aap ki wilaadat 1 Rajab 849 Hijri (3 October 1445 A.D.) ko Sanichar ki shab ko Asyut (Misr) me hui.

Aap ke waalid ka naam Hazrat Shaikh Abu Bakr ibn Muhammad hai.

Aap ke waalid Cairo me Masjide Shaikhu me Shafi’i mazhab ke mudarris the.

Aap ki umr 5 saal thi tab Aap ke waalid ka inteqaal hua.
Is ke baad Hazrat Kamaal-ud-deen ibn Hamaam Hanafi ne Aap ki parwarish aur tarbiyat ki.

******************
8 saal ki umr me Aap Haafize Qur’an hue.
Phir Aap ne Al-Umdah, Minhaaj-ul-Fiqh wal-Usool, aur Alfiyyah Ibn Maalik ki ta’aleem haasil ki.
864 Hijri me 15 saal ki umr me Aap ne majeed ta’aleem haasil karna shuru kiya.
866 Hijri (1461 A.D.) me 17 saal ki umr me Aap ne apni pehli kitaab ‘Sharh al-Isti’aazah wal-Bismillāh’ likhi.

Aap ne Hazrat Shaikh Shahaab-ud-deen Ash’shaar Masahi se ‘Al-Majmoo’ ki ta’aleem haasil ki.
Hazrat Shaikh Siraaj-ud-deen al-Balqini se Fiq’h ki ta’aleem haasil ki.
Unho ne 876 Hijri me Sanad aur Ijaazat ata farmai.
878 Hijri me Shaikh Siraaj-ud-deen al-Balqini ke inteqaal ke baad Shaikh Sharf-ud-deen al-Munaawi se Fiq’h aur Tafseer ki ta’aleem haaisl ki.
Hazrat Jalaal-ud-deen al-Mahalli se Tafseer ki ta’alem haasil ki.
Hazrat Imaam Taqi-ud-deen al-Shamani Hanafi se Ilme Nahaw ki ta’aleem haasil ki.
Aap ne 14 saal tak Hazrat Shaikh Mohiy-ud-deen al-Kaafiyaji se Tafseer, Usool, aur Ma’aani ki ta’aleem haasil ki aur Ijaazat haasil ki.
Hazrat Abdul Qaadir Ansaari se Usool-ul-Hadeeṡ ki ta’aleem haasil ki.
Hazrat Saif-ud-deen al-Hanafi se Tafseer aur Balaaghah (eloquence) ki ta’aleem haasil ki.
Hazrat Shams-ud-deen Mouhammad se Tasawwuf ki ta’aleem haasil ki.

Aap ke ustaado ki ta’adaad taqreeban 150 hai.
Aap Ilme Nahaw, Hadeeṡ, Fiq’h, Tafseer, Tawaarikh, Falasfa, Kalaam, Ilme Lisaani (Philology), Khitaabat (Rhetoric), Miqaat (Timekeeping), Ilme Hisaab (Arithmetic), Miraaṡ, aur Ilme Tibb ke maahir the.

******************
866 Hijri me Aap Arabi ke mudarris bane.
867 Hijri me Masjide Shaikhu me Shafi’i mazhab ke mudarris bane.

Phir Aap Hajje Baitullāh ada kiya.
876 Hijri me Aap Mufti bane.
Phir Aap ne Madarsa Ibn Tuloon me Hadeeṡ ki tadrees shuru ki.
891 Hijri (1486 A.D.) me Sultaan Qaitbay ne Aap ko Khaanqaah-e-Baybar ke Shaikh aur Imaam muqarrar kiya tha.

Aap ko Shafi’i mazhab ke As’haab-un-Nazzar (Assessors) me se maana jaata hai.

******************
Aap ke shaagirdo me Al-Daawūdi, Ibn Ilyaas aur Haafiz Ibn Tuloon al-Hanafi mash’hoor hain.

******************
Aap ne Shaam, Hijaaz, Yemen, Hind aur Morocco aur Misr ke dusre shahero ka safar kiya.
Aur aakhir me Cairo (Misr) me sukoonat ikhtiyaar ki.

******************
Aap 9wi sadi ke Mujaddid e Islaam hain.
Aap ne apni kitaabo aur ta’aleemaat ke zariye khidmate deen ka azeem kaam anjaam diya.

Aap Mujtahid the aur apne Fatawo ke zariye logo ko sahi ta’aleem dete the.

******************
Aap ne taqreeban 283 kitaaben likhi hain.

Aap ki likhi hui mash’hoor kitaaben :
(1) Tafseer-ul-Jalalain (Commentary of the Two Jalaals)‎, (Aap ke ustaad Hazrat Jalaal-ud-deen al-Mahalli ka Tafseer-e-Qur’an ka adhura kaam Aap ne mukammal kiya).
(2) Dur-ul-Manṡoor (Tafseer)
(3) Al-Itqaan fee Uloom ul Qur’an
(4) Al-Tibb-ul-Nabawi (Prophetic medicine‎)
(5) Al-Jaami’ ul-Kabeer
(6) Al-Jaami’ ul-Sagheer
(7) Alfiyyah-ul-Hadeeṡ
(8) Tadreeb-ul-Raawi
(9) Taarikh-ul-Khulafa‎
(10) Tabaqaat-ul-Huffaaz
(11) Nuzhat-ul-Julasaa fee ash’aar ul-Nisaa
(12) Al-Khasa’is-ul-Kubra (Miracles of Prophet Muhammad sallallāhu alaihi wa sallam)
(13) Al-Muzhir (Linguistics)
(14) Sharh al-Isti’aazah wal-Bismillāh
(15) Bushral-Kaeeb
(16) Arful Wardi fee Akhbar Mahdi

******************
Aap nek, parhezgaar, muttaqi aur tawakkal wa Qana’at waale the.
Agar koi ameer Aap ko koi tohfa deta to Aap use waapas de dete.

Afsaro ke saath ikhtelaaf aur takraav ki wajah se 907 Hijri (1501 A.D.) me Aap Jazeeratul Rawdah me chale gaye.

Aap aakhri umr tak kitaaben likhne ka aur ta’aleem wa tadrees ka kaam karte rahe.
Aakhir me 7 din tak beemaar rahe.

******************
Aap Hazrat Imaam Kamaal-ud-deen rahmatullāhi alaihi ke mureed aur khalifa hain,
Aur Shaazili silsile ke Shaikh hain.

******************
Aap ka wisaal 18 Jamaadi ul awwal 911 Hijri (17 October 1505 A.D.) ko Jumeraat ke roz hua.

Aap ka mazaar Cairo (Egypt) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Imaam Jalaal-ud-deen Abdur Rahmān Suyuti rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s