Hazrat Shaikh Zia-ud-deen Abul Najeeb Abdul Qaahir Suharwardi rahmatullāhi alaihi

27540634_1210968495704339_3976062209380955516_n

Hazrat Shaikh Zia-ud-deen Abul Najeeb Abdul Qaahir Suharwardi rahmatullāhi alaihi :

Aap ki wilaadat 480 Hijri (1097 A.D.) me Suharward (Zanjan, Iran) me hui.

Aap ke waalid ka naam Abdullāh bin Mohammad al-Bakari hai.
Aap Hazrat Abu Bakr Siddeeq radiy-Allāhu ta’ala nahu ki nasl se hain.

******************
Aap ne Isfahan me Hadeeṡ ki ta’aleem haasil ki.
491 Hijri (1103 A.D.) me Aap Baghdad tashreef laaye aur Madrasa Nizaamiya me Hadeeṡ, Fiqh, aur Ilme Nahaw ki ta’aleem haasil ki.
Aap ne ‘Shafi’i’ mazhab ki ta’aleem haasil ki.

Phir 25 saal ki umr me Isfahan jaakar Ahmad al-Ghazaali rahmatullāhi alaihi se uloom-e-baatini ki ta’aleem haasil ki.

Phir Baghdad me Shaikh Hammaad al-Dabbas se ta’aleem haasil ki.

*****************
Phir Aap ne Nehre Dajla (Tigris) ke kinaare apni khaanqaah taameer ki aur ta’aleem wa faiz ata farmaate rahe.

535 Hijri (1140 A.D.) me Madrasa Nizaamiya me ta’aleem wa tadrees shuru ki.
537 Hijri (1142 A.D.) me Madrasa Nizaamiya chhodkar Aap ne khaanqaah me apna Madrasa shuru kiya. 26 saal tak Aap talba ko taaleem dete rahe.

557 Hijri (1161 A.D.) me Aap Jerusalem ki jaanib rawaana hue magar Damascus se hi waapas laut aaye.

******************
Aap paabande shariat aur zaahid wa muttaqi the.

Aap apne guzraan ke liye Maashki (water-carrier) ka kaam karte the.

******************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Aadab-ul-Mureedeen
(2) Ghareeb-ul-Masaabih.

******************
Aap Hazrat Majd-ud-deen Ahmad al-Ghazaali rahmatullāhi alaihi ke mureed aur khalifa hain.
Aap ko Hazrat Shaikh Umar al-Bakari al-Suhrawardi rahmatullāhi alaihi se bhi ‘Ad’hami’ silsila ki khilaafat mili hai.
Aap ko Hazrat Shaikh Ismāeel Misri rahmatullāhi alaihi se bhi khilaafat mili hai (jin ka silsila Shaikh Kumail bin Ziyad rahmatullāhi alaihi tak pahunchta hai).

Aap se ‘Suharwardi’ silsila jaari hai.

Aap ke khulfa :
(1) Hazrat Shaikh Shahaab-ud-deen Umar al-Suharwardi rahmatullāhi alaihi,
(2) Hazrat Shaikh Zia-ud-deen Ammaar bin Yaasir al-Bitlisi rahmatullāhi alaihi,
(3) Hazrat Shaikh Qutb-ud-deen Muhammad al-Abhari rahmatullāhi alaihi,
(4) Hazrat Shaikh Ismāeel al-Qasri rahmatullāhi alaihi.

******************
Aap ka wisaal 20 Jamaadi ul awwal 563 Hijri (1168 A.D.) me hua.

Aap ka mazaar Baghdad (Iraq) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Shaikh Zia-ud-deen Abul Najeeb Abdul Qaahir Suharwardi rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s