Gum-e-Hussain me rona kaha likha hai?

Gum-e-Hussain me rona kaha likha hai?

“Log kehte aap Karbala Waalo ke Gum me rote hain rulate hain ye kaha likha hai? Aao mere paas tumhe batau mai kyu rota hun! Mustafa Rotey Hain. Khuda ki Qasam Mustafa na Roye hotey to mai kabhi na rota. Hazrat Umme Salma se puchen, Ummul Momineen Umme Salma Salamullahi Alaiha farmati hain Mai Aaqa ke Ghar dakhil hui Hussain Huzoor ki Goud me they, Mujam Tabrani ko uthake dekhen, Siyah Sitta ki Kitabe dekhen, Musnad Ahmed bin Hanbal ko dekhen, Tabqat ibne Saad, Bayheqi ko uthake dekhen, hamari Ahle Sunnat ki Kutub. Hazrat Umme Salma RadiAllahu Anha farmati hain Mai Aaqa ke Gharme andar dakhil hui, Hussain Aaqa ki Goud me they aur Mustafa ke Aankho se Aansu rawa they.
Bata raha hun ke Tahir-ul-Qadri kyu rota hai Hussain ke gum me aur wo logo ko kyu rulata hai Hussain ke gum me, Isliye ke Mustafa roye hain Hussain ke gum me aur jiske dil me Imaan hai, wo Hussain ke gum me royega! Ye rona sabr ke manafi nahi hai. Agar isey sabr ke manafi samjho to dekho baat kaha tak ja pahunchegi Mustafa Khud rorahe hain.

Ummul Momimeen Umme Salma farmati hain Maine pucha Ya RasoolAllah Aapko kis chiz ne rulaya hai? Aaqa Sabr ke Pahaad hain, Aap kyu rorahe hain? Mere Aaqa ne farmaya:
“Ataani Jibrael, Akhbarani An Nabni Al Hussain Yuqtalu Ba’adi be Arzin Yu Qaalu Laha Karbala. Fa Ataani be Turbatin, Turbatin Hamra.”
Umme Salma kyu na rou? Abhi Jibrael Mere paas aaye aur Mujhe Khabar di hai Ya RasoolAllah Hussain se Aapko Badi Mohabbat hai, Maine kaha Haan Badi Mohabbat hai. Jibarel ne kaha Aapke ummat ke log aise badbakht bhi hojayenge gumrah wo Aapke Is Shahzade Jo Aapki Mohabbaton ka Markaz hai, Isko Shaheed kardenge Arz-e-Karbala me. Aur Jibrael ne Sar Zameen e Karbala ki matti laake di hai jahan Mere Hussain ka Maqtal hoga.

Ummul Momineen Hazrat Umme Salma farmati hain ke Aaqa SallAllahu Alaihi wa Aalihi wa Sallam ne Wo Matti ek Shishi me band karke Mujhe dedi aur Farmaya: Umme Salma is Matti ko sambhalke rakhlena Sar Zameen e Karbala ki Matti hai. Dekhte rehna jis din ye matti khoon me badal jaaye, samjhna Mera Hussain Shaheed hogaya. Ye Baat batate hue Mustafa Rorahe they.

Arey Ahle Sunnat agar Gum-e-Hussain me rone pe aapko tajjub hogaya hai? To Khuda ki Izzat ki Qasam mujhe tumhare sunni hone pe tajjub hogaya hai ke tumhari sunniyat kaha gayi, tumhe kya nazr-e-bad lag gayi tumhe kya hogaya?
Sunniyat Naam he hai Hubb-e-Hussain ka, Gum-e-Hussain ka!

Kyu na rou Gum-e-Hussain me ? Imam Khatib Baghdadi riwayat karte hain ke Aaqa SallAllahu Alaihi wa Aalihi wa Sallam ki Bargah me ek Zaanu par Hussain Baithey they ek par Aapke Shehzade Ibrahim Biathey they. Beta Ibrahim aur Shahzada Hussain, 2 Shahzdae baithey hain. JIbarel-e-Ameen haazir hue. Aake arz kiya: Ya RasoolAllah SallAllahu Alaihi wa Aalihi wa Sallam! Allah Pak ne Aapko Salaam Bheja hai. Aur Allah Pak ne Salaam ke saath ye farmaya hai ke Mere Habib Ye Dono Shahzade Aapke Saath nahi reh sakte. Ek dedo Ek rakhlo aur Ek ke badle Dusre ka Fidya kardo.
Allah ne Paigam bheja Ek Mujhe Bhejdo aur Ek Khud Rakhlo. Sahabi kehte hain jab Aaqa SallAllahu Alaihi wa Aalihi wa Sallam ko Paigam mila Khuda ki Qasaam Mustafa ki Chasmaan-e-Muqaddasa se Aansu rawa hogaye.

Aapne ek Nigah Hussain ko dekha to Ro Pade, Ek Nigah Ibrahim ko dekha Ro Pade. Aur Jibrael-e-Ameen se farmane lage Jibarel dekh agar Ibrahim ko Deta Hun Allah keliye to Tanha Mai Rounga. Aur agar Hussain ko Dedeta hun to Mai to rounga he magar Meri Fatimah bhi Royegi. Mai Apna Rona Bardasht kar sakta Hun Fatimah ka Rona Bardash nahi karsakta. So Jibarel Mere Beta Ibrahim leja Allah keliye, Hussain Mai rakhta Hun. Aaqa Rorahe they.

Huzoor se Mohabbat karne waalo ko Gum-e-Hussain me rona hoga. Ye Sunnat-e-Mustafa hai.

Fir Hadees me hai Hazrat Umme Salma riwayat karti Hain ke Mai Madina me leti hui thi 61 Hijri ka zamana tha. Hussain Kafila-e-Ahle Bayt lekar Karbala gaye hue they. Kuch khabar na thi ke waha kya beet gaya hai. Baad Zohar ka waqt tha garmiyo ke din they Mai Leti thi. Farmati hain achanak Khwab me Tajdar-e-Kainat Tashreef le aaye. Maine Khwab me Dekha Aaqa SallAllahu Alaihi wa Aalihi wa Sallam ke Sar-e-Anwar aur Reesh Mubarak pe gard thi, pareshan haal they, Haath me shishi thi usme khoon tha. Maine pucha Ya RasoolAllah kya maajra hai? Farmaya Umme Salma abhi Maqtal-e-Hussain se aaraha hun. Umme Salma kheti hai Mai tadap uthi, Aankh khul gayi Daudi us maati waali shishi ko uthake dekha, wo Khoon se badal gayi thi. Maine kaha Qutilal Hussain, Hussain Shaheed Hogaye.”

SallAllahu Alaihi wa Aalihi wa Baarak wa Sallam
Alaihim Afdalus Salwatu was-Salaam

-Shaykh-ul-Islam Dr. Tahir-ul-Qadri

Allahumma Salle Ala Sayyedina wa Maulana Muhammadi Nin Nabiyyil Ummiyyil Habibil Aalil Qadril Azeemil Jaahi wa Ala Aalihi wa Sahbihi wa Baarik wa Sallim

Allahumma Salle Ala Sayyedina wa Maulana Muhammadiw wa Ala Aalihi wa Sahbihi wa Shuhada-e-Karbala-ihi wa Baarik wa Sallim

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s