Nabi Pak Sallallahu Alaihi Wa Aalihi Wasallam Ka 10 Muharram Ul Haram Youm-E-Ashur Kis Haalat Mein Hote Hain

Sardar-E-Anbiya Rehmattul Aalameen Rasool Pak Hazrat Muhammad Mustafa Sallallahu Alaihi Wa Aalihi Wasallam Ka 10 Muharram Ul Haram Youm-E-Ashur Kis Haalat Mein Hote Hain:

📜 Hadasana Abdullah Hadasani Abi Sana Abdur Rehman Sana Hammad Bin Salamah An Ammar Bin Abi Ammar An Ibn Abbas Qala Raaitu An-Nabiyya Sallallahu Alaihi Wasallam Fil Manam Biniṣfi An-Nahar Ash’atha Aghbara Ma’ahu Qaruratun Feeha Damun Yaltaqituhu Au Yatatabba’u Feeha Shai’an Qala Qultu Ya Rasoolallah Ma Haza Qala Damul Hussain Wa Ashabihi Lam Azal Atatabba’uhu Mundal Youm 
Qala Ammar Fahafizna Zalikal Youm Fawajadna Qutila Zalikal Youm,

Hazrat Abdullah Ibn Abbas Raziya Allahu Anhu Se Riwayat Hai Ke Maine Ek Din Dopahar Ko Nabi (Sallahu Alaihi Wa Aalihi Wasallam) Ko Khwab Mein Dekha: 
Aap Ke Baal Bikhre Hue Aur Gird Alud The, 
Aap Ke Haath Mein Khoon Ki Ek Botal Thi. 
Maine Poochha: 
Mere Maa Baap Aap Par Qurban Hon Ye Kya Hai??? 
Aap Ne Farmaya: 
Ye Hussain Alaihis Salam Aur Unke Sathiyon Ka Khoon Hai Main Ise Subah Se Ikatha Kar Raha Hoon.

Ravi Kehta Hai Ke Hisaab Lagaya Gaya To Imam Hussain Alaihis Salam Usi Din (10 Muharram Ko) Shaheed Ho Gaye The.

Ye Hadees Mubarak Mandarja Zail Ulama Ahl-E-Sunnat Ne Apni Apni Kutub Mein Naql Ki Hain:

▪ Musnad Ahmad Bin Hanbal / Tahqeeq: Shu’aib Al-Arnaut / J 4, S 59,60 H 2165 
Qala Shu’aib Al-Arnaut: Isnaduhu Qawi Ala Shart Muslim 
▪ Musnad Ahmad Bin Hanbal / Tahqeeq: Ahmad Shakir J 4, S 26 Hadees: 2165 
Qala Ahmad Shakir: Isnaduhu Sahih 

▪ Mustadrak Hakim Talkhees: Allama Dhahabi J 4 S 312 H:8368 
Qala Al-Hakim: Haza Hadeesun Sahihun Ala Shart Muslim Wa Lam Yukhrijahu 
Wa Qala Al-Dhahabi: Ala Shart Muslim 

▪ Faza’il Sahaba // Ahmad Bin Hanbal Tahqeeq: Doctor Wasiullah Bin Muhammad Abbas Taba Al-Ula 1403H, Juz 2 S 778 Hadees:1380 
Qala Wasiullah Bin Muhammad Abbas: Isnaduhu Sahih 

▪ Ithaaful Kheera Al-Mahra // Shihabuddin Busairi J7 S238 H:6754 
Wa Qala Al-Busairi: Rawahu Abu Bakr Bin Abi Shaibah Wa Ahmad Bin Hanbal Wa Ahmad Bin Mani’ Wa Abd Bin Humaid Bisand Sahih 

▪ Majma’uz Zawaid // Haithami Muharrir: Abdullah Muhammad J 9 S 310 H:15141 
Wa Qala Al-Haithami: Rawahu Ahmad Wat-Tabrani Wa Rijal Ahmad Rijal Us-Sahih 

▪ Mishkatul Masabeeh Al-Khatib Al-Tabrizi // Tahqeeq: Nasiruddin Al-Albani J 3 S 1741 H: 6172 
Qala Nasiruddin Al-Albani: Isnaduhu Sahih 

▪ Tazkirah // Qurtubi // Muharrir: Sadiq Bin Muhammad Ibrahim S1120 

Is Hadees Ko Naql Karne Ke Baad Allama Qurtubi Kehta Hai Ke Is Ki Sanad Sahih Hai Aur Sanad Mein Koi Ta’n Nahi Hai 
Is Hadees Ki Sanad Ke Bare Mein Muharrir Kitab Kehta Hai: Isnaduhu Qawi Ala Shart Muslim 

▪ Al-Bidayah Wan-Nihayah // Ibn Katheer // Muharrir: Abdulmuhsin Turki J:11 S 573 // Taba Al-Ula 1418 H, Juz:21 Al-Hijr Beirut 
Ibn Katheer Is Hadees Ko Naql Karne Ke Baad Kehta Hai: Isnadun Qawi 

Is Hadees Ki Sanad Ke Bare Mein Muharrir Kitab Kehta Hai: Qala Abdulmuhsin Turki: Isnaduhu Sahih 

▪ Usdul Ghabah Ibn Atheer J 1 S 572 Urdu Tarjuma: Abdul Shakur Lucknowi // Taba Pakistan // Tarjuma: Imam Hussain 

▪ Al-Isabah Ibn Hajar Asqalani J 2 S 17 Tarjuma: Imam Hussain 

▪ Al-Isti’ab Ibn Abdul Barr J 1 S 395 Tarjuma: Imam Hussain 

Note: Is Sahih Riwayat Se Bhi Ye Sabit Hua Ke Imam Hussain Alaihis Salam Ki Shahadat Ke Din Gham Manana Sunnat Rasool Sallallahu Alaihi Wa Aalihi Wasallam Hai. Yaad Rahe Sarkar Do Aalam Ki Haalat Sar Aur Chehra Mubarak Khaak Alud Tha.

Ummul Momineen Hazrat Bibi Umm Salamah Raziya Allahu Anha Ka Rasoolullah Sallallahu Alaihi Wasallam Ko Ashura Ke Roz Khwab Mein Dekhna:

Hazrat Salma Se Riwayat Hai Ke Maine Ummul Momineen Umm Salamah Raziya Allahu Anha Se Rone Ka Sabab Poochha Aur Kaha: Kis Shay Ne Aap Ko Griyah O Zari Mein Mubtala Kar Diya Hai? Aap Ne Kaha: Maine Khwab Mein Nabi Akram Sallallahu Alaihi Wasallam Ki Ziyarat Ki Hai. Aap Sallallahu Alaihi Wasallam Ka Sar Anwer Aur Reesh Mubarak Gird Alud Thi. Maine Arz Ki, Ya Rasoolallah Sallallahu Alaihi Wasallam, Aap Sallallahu Alaihi Wasallam Ki Kaisi Haalat Bani Hui Hai? Aap Sallallahu Alaihi Wasallam Ne Irshad Farmaya: Maine Abhi Abhi Hussain Ko Shaheed Hote Hue Dekha Hai!

Mandarja Bala Riwayat Mandarja Zail Kutub Ahl-E-Sunnat Mein Sahih Sanad Ke Saath Maujood Hain

Jami’ Tirmidhi // Abu Isa Tirmidhi // S 1028 // Hadees:3771 // Bab: Manaqib Hasan Wa Hussain (A.S) // Taba Al-Ula 1426H, Dar Al-Kutub Al-Arabi Beirut

Mustadrak // Imam Hakim // Talkhees: Allama Dhahabi // J 4 // S 387 // H:6895 // Bab Zikr Ummul Momineen Umm Salamah // Taba Qadimi Kutub Khana Pakistan, Juz:5

Tahzeeb Al-Tahzeeb // Ibn Hajar Asqalani // J 2 // S 356 // Tarjuma: Imam Hussain (A.S) // Taba Al-Ula Hind

Al-Bidayah Wan-Nihayah // Ibn Katheer // Muharrir: Abdulmuhsin Turki // J:11 // S 574 // Taba Al-Ula 1418 H, Juz:21 Al-Hijr Beirut 
Tabsarah

Is Sahih Riwayat Se Maloom Hua Ke Nabi Akram Sallallahu Alaihi Wasallam Imam Hussain Ki Shahadat Par Sakht Ghamgeen The