Baad e Shahadat

Ibn Jari Likhte Hain :

Imam Hussain Alaihisalam Ki Shahadat Ke Baad Yazeedi Kutto Ne Imam Hussainussain Alaihisalam Ka Libaas Bhi Utaar Liya. Qays Bin Ash’ath Ne Chaadar Utaar Lee, Aswad Ne Nalayn Utaari, Bani Nabshal Ke ek Shakhs Ne Talwaar Le Li Aur Bahr Bin Ka’b Ne Aap K Saraawil Utaari, Is Ke Baa’d Bahr Bin Ka’b Ke Haath Is Tarah Ho Gaye Ki Garmiyo Me Lakdi Kee Tarah Sookh Jate They Aur Sardiyo Me Us Ke Haath se Gandagi Peep Behti Rehti Thi. Phir Yeh Yazeedi Kutte Ahle Haram Ke Maal-o-Mata Ko Lootne Lage Aur Un Kee Yeh Haalat Thi Agar Koi Bibi Paak Ke Sar Se Chaadar Utaarta Tha, Doosra Us Se Chhin Ka Le Jaata.”

[Tabari Fi Tarikh Al-Umam Wa’l-Mulook Al-Ma’roof Tarikh At-Tabari, 04/294,

Ibn Athir Fi Al-Kamil Fi At-Tarikh, 04/79.]

Neez Ibn Jarir Likhte Hain :

Imam Hussain Alaihisalam Ki Shahadat Ke Baas Ibn Saad Ne Yeh aylaan Karaaya : Koun Koun Log Apne Ghodo’n Se Imam Husayn Alaihisalam Ke Jisme Paak Ko Paamaal Karenge. Yeh Sun Kar Das Aadami Nikle, Un Me Is’haq Bin Hayyat Hadrami Bhi Tha. Yeh Das Sawaar Aaye Unhone Imam Ke Jism Par Ghode Dauda Kar Imam Ke Jisme Paak Ko Choor Choor Aur Paamaal Kar Diya.”

[Tabari Fi Tarikh Al-Umam Wa’l-Mulook Al-Ma’roof Tarikh At-Tabari, 04/296,

Ibn Athir Fi Al-Kamil Fi At-Tarikh, 04/80.]

Jab Imam Hussain Alayhissalam Ko Shaheed Kardiya Gaya Toh Bait-ul-Muqaddas Ka Jo Pat’thar Bhi Uthaya Jata Uske Neeche Taaza Khun Paya Gaya.

(Al Mu’jam al-Kabir, 2834)

Shahadate Hussain Ke Din Shaam Mein Jo Bhi Pat’thar Uthaya Jata Toh Woh Khun Aalud Hota.

(Al Mu’jam al-Kabir, 2835)

Imam Tabarani Ne Jamil Bin Zaid Se Riwayat Kiya Ki Unhone Kaha Jab Imam Hussain Ko Shaheed Kiya Gaya Toh Aasman Surkh Hogaya.

(Al Mu’jam al-Kabir, 2837)

Imam Tabarani Ne Abu Qabil Se Riwayat Kiya Hai Jab Imam Hussain Ko Shaheed Kiya Gaya Toh Suraj Ko Shadid Grahan Lag Gaya Hatta Ke Dopahar Ke Waqt Tare Namudar Hogaye Yahan Tak Ke Unhein Itmenan Hone Laga Ke Ye Raat Hai.

(Al Mu’jam al-Kabir, 2838)

Isa Bin Haris al-Kindi Se Marwi Hai Jab Imam Hussain Ko Shaheed Kardiya Gaya Toh Hum Saat Din Tak Thehre Rahe Jab Hum Asr Ki Namaz Padhte Toh Hum Diwaron Ke Kinaron Se Suraj Ki Taraf Dekhte Toh Goya Woh Zard Rang Ki Chadarein Mahsus Hota Aur Hum Sitaron Ki Taraf Dekhte Un Mein Baaz Baaz Se Takrate.

(Al Mu’jam al-Kabir, 2839)

Umar Ibn Sa’d (Lanatullah) Ne Us Din Wahi’n Maqaam Kiya Doosre Din Sub’h Ko Humayd Bin Bukayr Ko Hukm Diya Ki Logo’n Me Koofa Kee Taraf Rawaana Hone Kee Munaadi Kar De Woh Apne Saath Aap Kee Betiyo’n Ko Aur Behno’n Aur Bachcho’n Ko Sawaar Kar Ke Le Chala Aur Ali Bin Hussain (Imam Zain al Abideen) Bimaar They.

Yeh Bibiya’n Jab Aap Kee Laash Aur Aap Ke Azizo’n Aur Farzando’n Kee Laasho’n Kee Taraf Se Guzri’n To Aah-o Naala Karne Lagi’n.

Qurrah Bin Qays Tamimi Kehta Hain: Mein Ghoda Badha Kar Qarib Gaya Un Aurto’n Ko Mein Ne Dekha. Mein Ne Aisi Aurte’n Kabhi Nahin Dekhi Thi’n. WAllah Aahwaane Sheraa’i Se Badh Kar Haseen Thi’n.
Mujhe Khub Yaad Hai Zainab Bint Fatimah SalaamUllahi Alaiha Ka Yeh Kehna Kabhi Nahin Bhulunga.

Jis Waqt Apne Bhaa’i (Imam Hussain) Kee Laash Par Pahonchi’n To Kehti Thi:
Waa Muhammada! Waa Muhammada! Malaa’ika-e Aasman Kee Salaat Aap Par Ho. Hussain Maidaan Me Pade Hu’e Hain.
Khoon Me Doobe Hu’e Hain.
Tamaam A’za’ Tukde-Tukde Se Hain
Ya Muhammada Aap Kee Betiya’n Bandi Jaati Hain. Aap Kee Zurriyyat Qatl Kee Ga’i. Hawa Un Kee Laash Par Khaak Daal Rahi Hai.

Yeh Sun Kar WAllah Dost Dushman Sab Ro Diye.

Phir Baaqi Laasho’n Ke Sar Juda Kiye Gaye. Shimr Laeen Aur Qays Bin Ash’ath Mal’oon Wa Amr Bin Hajjaj Mal’oon Ke Saath Bahattar Sar Rawaana Kiye Gaye. Un Logo’n Ne Un Saro’n Ko Ubaydullah Ibn Ziyad (Lanati) Ke Paas Pahoncha Diya.

Tarikh At-Tabari, 04/232_233.

Qurrah Bin Qays Tamimi Kehta Hai: Mujhe Khoob Yaad Hai, Zainab Bint Fatimah SalaamUllahi Alaiha Ka Yeh Kehna Kabhi Nahin Bhooluga, Jis Waqt Apne Bhaa’i (Imam Hussain) Kee Laash Par Pahonche’n To Kehti Thi’n:

Ya RasoolAllah (SallAllahu Aalihi wa Alaihi wa Sallam)‎ !
Aap Par Aasmaan Ke Firishto’n Ka Durood-o Salaam Ho!
Aye Allah Ke Rasool Aap Kee Duha’i Hai! Duhaa’i Hai!
Dekhiye Yeh Hussain Maidan Me Khoon Me Lathde Hu’e A’zaa’ Burida(Tamam Ke A’zaa’ Tukde-Tukde) Pade Hain.
Ya Muhammada! Ya Muhammada Aap Kee Betiya’n Asir Wa Qaidi Hai.
Aap Kee Zurriyyat Ke Laashe Be-Gor-o Kafan Pade Hain Aur Hawaa’en Un Par Khak Uda Rahi Hain.

Yeh Sun Kar WAllah Dost Wa Dushman Sab Ro Diye.

Ibn Kathir Fi Al-Bidayah Wa-Al-Nihayah, 08/247,
Ibn Athir Fi Al-Kamil Fi Al-Tarikh, 04/80,
Ibn Jawzi Fi Al-Radd ‘Ala Al-Muta’assib Al-‘Anid Al-Mani’ Min Dhammi Yazid,/53.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s