Day: June 25, 2020

*✨HAQIQAT E INSAN : ( read post ✍️)*

*”” Hazar pardon main tu khud ko chupale lekin mera hona tere hone ka pata deta hai “””*

Lakho karodon saal se ye jo kayinat ye Aalam bane hue hain, In kaiyinaton ke banne se pahle bhi thaa wohi Banne ke baad bhi wohi hain agar in kayinato ka wajood bhi mit jaye toh wohi rahega-. Na wuski koi Zidh hain na Uski Koi Hadh hain, wo in sab se parey hain-, Aur phir jub se insan ki taqleeq hue hai-, Adam A.s. leker sabhi Ko Uss Qaliq E Kayinat Ko Janne ki Pahchan ne ki Justaju Rahi Usey Paney Ke liye Apne Apne Alag Alag Tariqe Khoj ta raha, Kisi Ne Buton Me Usey Paane Ki Koshish Ki Toh Koi Khud Khuda Hone Ka Dawa Kiya-, Aur Aise Me Kai Mazhabe Bante Gaye Aur Jo Insan Ek Wahid Jamat Tha Wo Apas Me Bat Ta gaya-, Yaha Tak ke Ek dusre ka Dushman bangaya-,

Yaha Gour Fiker Ki Baat Hain Ke Sirf Insan Ek Wahid Maqluq Hain Jo Uss Qalikh E Kayinat Tak Rasai Hasil Karsakta Hain-, Aur isey iss Khubion se Banaya gaya Jiski Khabar Wo Khud Insan Ko nahi Pata hoti Hain-, Kyon ke wo apni Khudi ko Bhula bitha hain-, Aur Iss Maddi Duniya He Mein Gum Hogaya Hain-, Darasal Insan ke Ilm Me Har Cheez Moujud Hain Isey Asmaa Sifat Ke Ilm Se Nawaza gaya Aur Qalkh Ki Khilafat Deker Mazhar E Khuda Banaya Gaya-, Isliye Wo Apne Aql Aur Shawoor Ke Istemal Se Is Dunia Ki Har Wo Cheez per apni hukumat Aur Khabu Pa Sakta Hain-, Aur Naye Naye Chizon Ki Khoj Kar Sakta Hain-, Aur Ye Charind, Parind, Zameen, Pahad, Nadiyan, Nehre Sabhi Isi ke liye Banaye gaya takey Ye Un Cheezon Ka istemaal Kare Aur Apne Qalikh Ka Shukr Guzar Baney-. Aur Uski Taraf Loutne Wala Baney-.

Raaz toh ye hain ke “ALA INSAAN SIRRI WA SIRRUL INSAN” Ke mainey bhi yahi hain ke, “Yani Insan Mera Bhedh Aur Main Insan Ka Bhedh Hu-“, Aur Hadees Mubaraka Ke Tahat “Momin Ka Dil Qudaye Rehman Ki Ungliyon me Se Doa Unglion Ke Beech Hain-“, Yani “Momin ka Dil Aaine ki manind hain, Jub isme dekho toh Rab Jalwa Numa Hota Hain-“. Aur Jo Insan Haqiqat E Khudawandi Se Agah Hota Hain Wo ‘Khuda Se Uns Karne Wala Qalkh Se Begana Hojata Hain’-.

Aye Rabbul Alameen Hum Sab Ko Khud Ko Janne Wala Banaye aur Hum Sab Ko Haqiqat E Khudawandi Ki Taraf Loutne Wala Banaye – Ameen