Hadith About Hindustan..

“Jab Aadam Alaihissalam zameen par aaye to zameen par ajnabiyat thi. Aur ab aap hairan hojaenge jo Hadees quote karna chahta hun aur wo Hadees Hindustan se mutalliq hai! Khuda jaane, Sarzameen-e-Makka bhi thi, Sarzameen-e-Shaam bhi thi, Sarzameen-e-Iraq bhi thi, Sarzameen-e-Misr bhi thi, Arabo Ajam ke sab bilaad they, magar ye Allah jaane ke raaz kya tha, Aadam Alaihissalam ko utaarna he tha to Shehar-e-Makka me bhi utaara jasakta tha, utaara Hindustan me! Pehle Nabi ke Pehle Kadam Hind ki zameen pe lage, Allah ko maalum tha ke Qayamat tak yaha Mere Mustafa ke aashiq rahenge!
Suniye Hadees Hazrat Abu Hurairah RadiAllahu Ta’ala Anhu raawi hain aur Hadees riwayat ki hai Imam Abu Nuaim ne Hilyatul Auliya me jild 5 safa 107, aur Imam Daylami ne riwayat ki hai Musnad al Firdaus me jild 4 safa 271, Hadees no 6798 aur Imam ibne Asakir ne apni Tarikh me jild 7 safa 437. Hadees Hazrat Abu Hurairah RadiAllahu Anhu riwayat karte hain, hum jo Bangalore waalo se air Bombay waalo se aur Delhi waalo se aur Bhuj waalo se aur Kutch waalo se aur Baroda waalo se, hum jab har ek se Mohabbat karte hain yun he nahi karte, uske piche ek raaz hai! Wo raaz ye hai ke Aaqa SallAllahu Alaihi wa Aalihi wa Sallam ne farmaya:
“Aadam Alaihissalam Hind ki Sarzameen par Naazil hue.” Ab yaha koi aur insan to tha nahi, pehle Fard utre they, to jab utre to Aapko thodi wehshat aur tanhayi si mehsus hui. Jab tanhayi mehsus hui, Rab ko fir Pyaar aaya, Jannat se bheja bhi Khud aur jab dekha ke Mere Mehboob bande Aadam ko zara tanhaayi ki wehshat horahi hai, to fir pyaar aagaya, aawaz di Jibrael daud kar aa! Fauri aa! Jibrael-e-Ameen ko bulaliya farmaya Ja! Jibrael-e-Ameen ko bhi Kalimat sikhaye aur farmaya Ja Mere Aadam ki tanhayi dur karne keliye Ye aawaz de. Fir Jibrael-e-Ameen bhi niche utre, is Hadees se pata chala ke Jibrael-e-Ameen bhi sabse pehli martaba zameen par utre to wo bhi Sarzameen-e-Hind thi! Aur teesri baat, jab Jibrael-e-Ameen utre to Aapne Azaan kahi. To Ru-e-Zameen par sabse pehli Azaan kahi gayi wo bhi Sarzameen-e-Hind par kahi gayi! Jibrael-e-Ameen ne Azaan kehkar “Ashhadu anna Muhammadur RasoolAllah” kaha. Aur Aadam Alaihissalam ki wehshat dur karne keliye Allah Ta’ala ne farmaya: Anbiya ke Aakhri Nabi Muhammad-e-Mustafa honge Aapki Aulaad se! To Aapki wehshat dur hogayi!

SallAllahu Alaihi wa Aalihi wa Sallam

-Shaykh-ul-Islam Dr. Tahir-ul-Qadri

#HappyIndependenceDay

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s