Hazrat Khwaja Sayyed Kamaal-ud-deen Allama Chishti rahmatullāhi alaihi

Hazrat Khwaja Sayyed Kamaal-ud-deen Allama Chishti rahmatullāhi alaihi :
Aap ki wilaadat 656 Hijri (1258 A.D.) me Avadh (Uttar Pradesh) me hui.
Aap ke waalid ka naam Hazrat Sayyed Abdur Rahmān bin Sayyed Yahyā hai.
Aap Husaini saadaat hain.
Aap Hazrat Khwaja Sayyed Naasir-ud-deen Mahmood Chishti Chiraagh e Delhi rahmatullāhi alaihi ke bhatije hain.
****************
Aap ne jawaan hone tak Hadeeṡ, Tafseer, Fiq’h, Usool aur deegar tamaam uloom me mahaarat haasil kar li. Is liye aap ke zamaane ke ulama Aap ko ‘Allaama’ kaha karte the.
Aap Hazrat Khwaja Sayyed Naasir-ud-deen Mahmood Chishti rahmatullāhi alaihi ke mureed hue aur Sulook ki ta’aleem haasil ki.
****************
Bahot saare ulama ne Aap ke paas ta’aleem haasil ki. Hazrat Makhdoom Jahaaniya Jahaangasht Jalaal-ud-deen Bukhari and Maulana Shams-ud-deen Chishti ne Aap se ‘Sharh al-Mashariq’ ki ta’aleem haasil ki.
****************
Aap ko 7 martaba Hajje Baitullāh ki sa’adat haasil hui.
Pehli martaba jab Aap Hajj ke safar par jaa rahe the tab Khwaja Naasir-ud-deen Mahmood Chishti ne Aap ko apna Khirqa ata farmaaya aur use Hajj ke safar ke dauraan pehanne ke liye farmaaya.
Aap ne Masjid e Aqsa ki ziyarat bhi ki.
Is safar me Aap ne bahot saare ulama aur asfiya se mulaaqaat karke un se faiz hail kiya.
Raaste me Khurasan aur dusre mulko ke baadsaaho ne Aap ka istaqbaal kiya. Magar Aap kisi ke mahel me na gaye.
Aap jab Delhi tashreef laaye to Aap ke saath sone chaandi se lade hue oont the. Yeh dekhkar Khwaja Naasir-ud-deen Mahmood Chishti ne puchha ‘Kamaal-ud-deen! Tum ne ye sab maal kaise paaya?’ Aap ne farmaaya ‘Mujhe raaste me khabar mili ke Hazrat Nizaam-ud-deen Auliya ka wisaal ho gaya hai aur aap un ke khalifa hain. Main aap ki baargaah me khaali haath aane ki gustaakhi kaise kar sakta hu. Is liye ye sab saamaan lekar aaya hu taake aap use talba aur ulama ko dekar un ki madad karen. Aur main apni zindagi ibaadat me guzaarna chaahta hu.’
****************
Kuchh arse tak Aap Peer ki khidmat karte rahe.
Phir Khwaja Naasir-ud-deen Mahmood Chishti ne Aap ko Gujarat jaane ke liye farmaaya. Hazrat ke farmaan par Aap Gujarat aaye aur logo ko ta’aleem aur faiz ata karte rahe.
Aap se pehle Hazrat Khwaja Qutb-ud-deen Bakhtiar Kaaki rahmatullāhi alaihi ke khalifa Khwaja Hameed-ud-deen aur Khwaja Mahmood Chishti Gujarat tashreef la chuke the. Magar Aap ke tashreef laane se Gujarat me Chishti silsila zyada mazboot hua.
Kuchh arse baad Aap apne saahabzaade Hazrat Khwaja Sayyed Siraaj-ud-deen Chishti rahmatullāhi alaihi ko zimmedaari dekar khud Delhi waapas aaye.
****************
Aap Hazrat Khwaja Sayyed Naasir-ud-deen Mahmood Chishti Chiraagh e Delhi rahmatullāhi alaihi ke mureed aur khalifa hain.
Aap ke khailfa :
Hazrat Khwaja Sayyed Siraaj-ud-deen Chishti rahmatullāhi alaihi.
****************
Aap ka wisaal 27 Zil Qa’ada 756 Hijri (December 1355 A.D.) ko hua.
Aap ka mazaar Delhi me Hazrat Khwaja Sayyed Naasir-ud-deen Mahmood Chishti Chiraagh e Delhi ke mazaar ke bagal me hai.
****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Sayyed Kamaal-ud-deen Allama Chishti rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s