Day: February 14, 2023

*22 Rajab ul Murajjab*

*Niyaaz:- Aaimma e Ahle Baith e Chathe “6th” Imaam Tajdare Imamat wa Wilayat Imaam ul Auliya Imaaam ul Aaimma Imaam ul Fuqaha Imaaam ul Muhaddiseen Imaaam ul Mufasireen Imaaam ul Ilm Imaaam ul Science Hazrat Syedna Mola Imaam Jafar Sadiq Alaihis Salam*

*Jashne Eid Ghous e Kubriyat Tamaam Aalam e Islaam Ko Bhut Bhut Mubarak*

*Kunde Sharif Ki Niyaaz*

*22 Rajab ul Murajjab 122 Hijri Ki Raat Yani 21 Ka Din Guzar Kar 22 Rajab Ki Raat Ba Waqte Namaz e Tahajjud Allah Kareem Ne Hazrat Syedna Mola Imaam Jafar Sadiq Alaihis Salam Ko “Maqam e Ghousiyat e Kubra” Ata Farmaya, Subha 22 Rajab Ko Mola Imaam Jafar Sadiq Alaihis Salam Ne Allah Azzavajal Ki Janib Se Ye Azeem Naimat Milne Par Bator e Shukur Ada Karne Ke Liye Niyaz Banwayi Jo Doodh Aur Chawal Milakar Banayi Gayi, Jise Hum Kheer Kehte Hain, Aapke Ghar Me Tooti Chatayi Aur Mitti Ke Bartan Hi The Isi Par Aap Shakir o Sabir The, Aapne Mitti Ke Piyale Me Niyaz Rakhkar Apne Dost o Ahbabo Ko Bulakar Farmaya Ke Aaj Raat Allah Kareem Ne Mujhe Maqam e Ghousiyat e Kubra Ata Farmaya Hain, Isi Ka Shukur Ada Karte Hue Ye Niyaaz Aap Logo Ko Pesh Karta Hu, Aapke Sahabzade Hazrat Syedna Mola Imaam Musa Kazim Alahis Salam Aur Aapke Digar Musahebeen Ne Daryaft Kiya Ke Isme Hamare Liye Faida Hain ? Mola Imaam Jafar Sadiq Alaihis Salam Ne Farmaya Rabbe Kabah Ki Qasam Allah Ne Jo Naimat Mujhe Ata Farmayi Jiska Me Shukur Ada Karta Hu Niyaz Ki Shakal Me Isi Tarha Isi Tareekh Me Jo Bhi Shukur Ada Karega Aur Hamare Wasile Se Jo Dua Mangega To Allah Paak Uski Murad Zaroor Puri Farmayega Aur Dua Zaroor Qabool Hogi Kyuki Allah Paak Apne Shukur Guzar Bando Ko Mayus Nahi Farmata, Mola Imaam Jafar Sadiq Alaihis Salam Ke Parpote Hazrat Syedna Mola Imaam Hasan Askari Alaihis Salam Se Kuch Dushmane Ahle Baith Ne Sawal Kiya Ke Jab Hamare Ghar Me Pital Tanbe Ke Behtarin Bartan Moujood Hain To Mitti Ke Kundo Ki Kya Zaroorat Hain, Aapne Farmaya Hamare Nana Jan Muhammad ur Rasool ﷺ Ki Sunnat Hain Mitti Ke Bartan Me Khana, Aaj Musalmano Ne Hamare Nana Jaan Ki Sunnato Ko Tark Kar Diya Hain Humne Is Niyaaz Ko Mitti Ke Piyalo Me Is Liye Zaroori Qarar Diya Taaki Kam Az Kam Saal Me 1 Martaba Hi Nana Jaan Ki Ummat Mitti Ke Kundo Me Niyaz Khakar Sunnat e Rasool ﷺ Ko Ada Kar Sake, 22 Rajab ul Murajjab Ko Imaam Jafar Sadiq Alaihis Salam Ki Kunde Sharif Ki Niyaaz Aapko Maqaam e Ghousiyat e Kubra Milne Par Ada Ki Jati Hain…*