Hazrat Allama Molana Abdur Raheem Sahab Qadri Rajshahi Meeruti Almaroof Chote Molvi Sahab (Rehmatullah Alaih)

*Shaykh ul Mashaikh Fakeer e Kamil Qutub e Dora Hazrat Allama Molana Abdur Raheem Sahab Qadri Rajshahi Meeruti Almaroof Chote Molvi Sahab (Rehmatullah Alaih)*

*Aapka Ism Mubarak Abdur Raheem Aur Lakab Chote Molvi Sahab Hain, Aap Jame Maqool wa Manqool Hazrat Allama Molana Abdur Rahman Qadri Rajshahi Meeruti Almaroof Bade Molvi Sahab (Rehmatullah Alaih) Ke Chote Bhai The, Aap Bhut Bade Aashiq e Rasool ﷺ Rehbar e Shariyat Aalim e Ba Amal Naram Guftaar Shereen Kalam Sahib e Kashf o Karamaat The, Aap Imaam e Silsila e Rajshahi Hazrat Qutub e Aalam Fardwakt Miya Rajshah Sahab Qadri Sundhvi (Rehmatullah Alaih) Ke Mureed wa Khalifa Hain, Aapke Khalifa Aapke Bhatije Qutub e Waqt Hazrat Hafiz Zahoor ul Hasan Sahab Qadri Rajshahi Almaroof Kallan Miya (Rehmatullah Alaih) Hain, Ak Martaba Hazrat Molana Abdur Raheem Rajshahi Chote Molvi Sahab (Rehmatullah Alaih) Aaram Farma Rahe The Ustad ul Shora Qutub e Waqt Hazrat Miya Nazeer Hussain Sahab Qadri Rajshahi Manzar Miya (Rehmatullah Alaih) Aapke Paas Khade Hue Ak Calendar Padh Rahe The Chote Molvi Sahab (Rehmatullah Alaih) Ke Paayitiya Par Kisi Ko Bedhe Hue Mehsoos Kiya, Chote Molvi Sahab (Rehmatullah Alaih) Miya Nazeer Hussain Sahab (Rehmatullah Alaih) Se Mukhatib Hue Farmaya Bhaiya Nazeer Hussain Tumhe Maloom Hain Ye Kon The Miya Nazeer Hussain Sahab Ne Arz Kiya Molvi Sahab Mene Dihan Nahi Diya, Chote Molvi Sahab Ne Farmaya Bhaiya Ye Khawaja Khizar (Alaihis Salam) The, Miya Nazeer Hussain Sahab (Rehmatullah Alaih) Ne Arz Kiya Molvi Sahab Ye Kuu Aaye The Chote Molvi Sahab Ne Farmaya Kisi Buzurgh Ka Intaqal Ho Gaya Hain Ye Uski Khabar Dene Aaye The, Bade Molvi Sahab Aur Chote Molvi Sahab Aap Dono Bhaiyo Me Bhut Zada Muhabbat Thi, Bade Molvi Sahab Ke Yaha Par Allah Paak Ke Naam Par Langgar Chalta Tha Ak Din Bade Molvi Sahab Chote Molvi Sahab Se Kisi Baat Par Naraz Ho Gaye Bade Molvi Sahab Ke Khuwaab Me Sarkar e Do Jahan Hazrat Muhammad Mustufa ﷺ Tashrif Laye Aur Farmaya Abdur Rahman Makhlook Ko Khilata Hain Allah Ke Naam Se Abdur Raheem Ko Khilaya Kar Hamare Naam Se, Bade Molvi Sahab Aakhri Waqt Tak Ke Chote Molvi Sahab Ke Aane Ka Intazar Kiya Karte The Jab Tak Chote Molvi Sahab Na Aa Jate The Bade Molvi Khana Nahi Khate The Apne Sath Khana Khilate The Aakhri Waqt Tak Bade Molvi Sahab Ka Yehi Dastoor Raha, Makhdoom ul Auliya Sarkar e Sarawa Hazrat Hafiz Syed Muhammad Ibrahim Shah Sahab Qadri Rajshahi (Rehmatullah Alaih) Bhi Aapka Behad Adab Farmate The Jab Sarkar e Sarawa Ka Meerut Me In Dono Molvi Sahiban Ke Yaha Qayaam Hota Tha Tab Bhi Sarkar e Sarawa In Dono Molvi Hazraat Ko Raat Ke Waqt Doodh Pesh Kiya Karte The Aur Jab Ye Hazraat Sarawa Sharif Hazir Hote To Sarkar e Sarawa Jab Bhi Bhut Mehman Nawazi Farmate, Hazrat Molana Abdur Raheem Qadri Rajshahi Meeruti Almaroof Chote Molvi Sahab (Rehmatullah Alaih) Ka Wisaal 16 Jamadi us Saani 1356 Hijri 23 August 1937 Esvi Baroz Peer Hua, Aapka Mazar Mubarak Qabarustan Hazrat Makhdoom Shah Peer Sahab (Rehmatullah Alaih) Meerut, Uttar Pradesh, India Me Bade Molvi Sahab (Rehmatullah Alaih) Se Do Mazarat Ke Fasle Par Marjai Khaliak Hain…*

Hazrat khwaja Sayyed Muhammad Muslim R.A

Silsila e Qadriya Chishtiya Firdausiya Ke Azeem Sufi Buzurg Hazrat khwaja Sayyed Muhammad Muslim R.A

Aap Ka Naam Hazrat Sayyed Muhammad Muslim Hai Aur Aap Ke Walid Ka Naam Sayyed Basheer Ahmed Aur Aap Ki Walida Ka Naam Sayyeda Saira Bano Hai

Aap Ke Walid Hazrat Khwaja Sayyed Basheer Ahmed R.A ko Waris Aalam Panah Hazrat Haji Wasir Ali Azam Allahu Zikrahu Ke Saath Paapyaada Hajj Ka Sharf Hasil Hai. Aur Hazrat khwaja Sayyed Basheer Ahmed Apne Waqt Ke Ek Bakamaal Buzurgoñ Me Se Hain.. Aur Hazrat khwaja Sayyed Muhammad Muslim R.A Ki Walida Mohtarma Bhi Ek Naik Aur Ba Kamaal Waliyañ Guzri Hain..

Hazrat khwaja Sayyed Muhammad Muslim R.A Aap Ne Hindustan Ke Kai Chote Bade Gaon Gaon Kariya Kariya Me Aur Nepal Me Bhi Kafi Khidmat e deen Aur Silsile Tariqat Ka Kaam Anjaam Diya Aap Apne Walid Hazrat khwaja Sayyed basheer Ahmed R.A Se Hi Bayat Hue Aur Unhi Se Taleem-o-Tarbiyat Hasil Ki Aap Sahib-e-Kashf Aur Sahib-e-Amal Sufi Hain…

Hazrat khwaja Sayyed Muhammad Muslim R.A Jafri Sadaat Hain Aap Ka Shijra-e-Nasab Imam Sayyeduna Jafar Al Sadiq A.S Se Milta Hain Aap Imam Jafar Al Sadiq A.s Ke Bade Baite Hazrat Sayyeduna Ismail R.A Se Milta Hai Aur Aap Ke Ajdaad Pakistan Ke Sabzwaar Se Hijrat Karke Yahaan Aaye Aap Sabzwaari Sadaat Hain Aap Ke Jadde Amjad Hazrat Sayyed Shah Shams-Uddin Tabrezi Sabzwaari Multan Me Tadfeen Hain…

Hazrat Sayyed Shams-Uddin Tabrezi Sabzwaari Aur Hazrat Sayyed Usman Marwandi Urf Laal Shahbaz Qalandar Chacha Zaad Bhai Hain

Hazrat khwaja Sayyed Muhammad Muslim R.A Ke Teen Baite Aur Ek Baiti Hain Sabse Bade Baite Doctor Sayyed Niyaz Ahmed, Pir Sayyed Ali Ahmed, Architecture Sayyed Mannan Ahmed Hain Aur Baiti Sayyeda Rehana Bano Hain..

Hazrat khwaja Sayyed Muhammad Muslim R.A ke Bich Wale Baite Hazrat khwaja Sayyed Ali Ahmed R.A Aap Ka wisaal 29Muharram 1443 7 September 2021 Me Nepal Me Hua Aap Huzoor Khwaja Hamid Ashraf Asharfi Ul Jilani R.A Ke Khalifa Aur Mureed Hain…

Hazrat khwaja Sayyed Ali Ahmed R.A Mumbai Ke Bhindi Bazaar Ki Jaama Masjid Surti Muhallah Hakim Dayam Masjid Me 34Saal Khitabat Se Kaum Ki Khidmat Ki Aur Aap Ne Silsila-e-Tariqat Par Bohat Kaam Kiya Aur Silsila_e_Abul Ulai Ki Khilafat Aap Ko Sufi Khwaja Liyaqat Hussain Urf Munne Miyan R.A Ne Ajmer Shareef Ke Shajahaani Masjid Me Silsila-e-Abul Ulaia Ki Khilafat Se Nawaza….

Hazrat khwaja Sayyed Muhammad Muslim R.A Ke Mazaar Ke Baghal Me Aap Ke Bade Bhai Hazrat Sayyed Zameer Ahmed Qalandar Aur Aur Aap Ki Jauza Aur Aap Ki Walida Sayyeda Arsh Bibi Aur Aapke Sahib e Sajjada Hazrat khwaja Sayyed Ali Ahmed R.A Tadfeen Hain.

Hazrat Khwaja Sayyed Muhammad Muslim R.A Aap Ka Wisaal Ilaahabaad Ke Nawaab Ganj Me Hua Wisaal Se Pehle Aap Ne Apne Mureedo Ko Kaha Ki Abhi Thodi Dair Me Mera Wisaal Hoga Tum Sab Gawah Rehna Ki Maine Apne Kaam Ko Khub Anjaam Diya Aur Kalma Padhte Hue Is Duniya e Faani Se Kooch Gaya Aapne Apne Mureedo Ko Kalma Padhaya Aur Sabke Saamne Khade Ho Kar Kaha Assalam walika Ya Sayyedi Ya Murshadi Ya Shaykh Abdul Qadir Jilani R.A Aapne Sarkar Gaus e Paak R.A ko Salam Kiya Aur Is Duniya e Faani Se Aapne Rab Ki Taraf Kooch Kar Gaye….

Aap Ki Kul Hayaat e Mubaraka 63 Sala Ba Zahiri Zindagi Hai….

Hazrat Khwaja Sayyed Muhammad Muslim R.A Aap U.P Ke Zilah Gonda Me Gaura Chawki Ke Paas Bakwa Dargah Me Tadfeen Hain..
Aur Aaj Bhi Log Aap Se Faiz Hasil Karte Hain Aur Inshallah Ta Qayamat Faiz Jaari Rahe Ga…

Aap Ka Urs 27 Rajab Ul Murajjab Ko Har Saal Manaya Jaata Hai Aur Aap Ke Baite Hazrat Khwaja Sayyed Ali Ahmed R.A Ka Urs 29 Muharram Ko Hoga…

✍🏻Sajjada Nasheen Sayyed Hasan Ahmed Jafri Qadri Chishty Firdausi Ashrafi Abul Ulai

Hazrat khwaja Sayyed Ali Ahmed R.A
Khwaja Sayyed Muhammad Muslim R.A
Hazrat Sayyed Zameer Ahmed Qalandar R.A