Maula Ali AlaihisSalam ko duniya samajh nahi paayi

Maula-e-Kaaiynaat, Amirul Momineen Maula Ali-Ibn-Abu Taalib (a.s) Ne

Salmaan-e-Muhmmadi (Faarsi) Se Faramya :
“Kya Tum Nabi Suleman-Ibne-Dawood Ko Dekhna Chahte Ho”.

Unhoney Jawab Diya Ki “Jee Haan”.

Pas Amirul Momineen Khadey Ho Gaye Aur Ek Taraf Chalne Lage Aur Hum Bhi Unke Piche Rawana Huey Yaha Tak Ek Aisey Baagh Mein Dakhil Huey Ki Uskey Misl Humne Kabhi Nahi Dekha Tha Isme Tamam Mewo Ke Daraqt They Aur Nehrey Jaari Thi Aur Tuyoor (Parinda) Tarannum Ke Saath Allah Ki Tasbih Kar Rahey They, Jub In Parindo Ne Amirul Momineen Ko Dekha To Aapke Ke Sar Par Apne Paro Ko Phaila Kar Saya Kar Diya…

Is Baagh Ke Dast Mein Firoza Ke Ek Takht Par Ek Jawan (Suleman) Nazar Ayaa, Jiski Nazar Nichi Aur Haath Seeney Par Tha Aur Iske Hath Me Anguthi Na Thi….
Uske Sar Par Kapra Tha Aur Pairo Mein Ek Kapra Tha, Humney Arz Kiya Ya Amirul Momineen Kya Ye Suleman Nabi (a.s) Hain?
Amirul Momineen Ney Farmaya Haan Yeh Suleman Nabi (a.s) Hain Aur Apney Haath Se Anguthi Utarte Huey Farmaya Ki Yeh Khatm-e-Suleman Hai Aur Hazrat Suleman Ko Pahna Dee..

Phir Maula Ney Faramya “Aye Suleman Iss Bade Hayaat Baqshney Waley Ke Huqm Se Utho Ki Jo Kadeem Hain.”

Salman Faarsi Kehte Hain ki Humne Nabi Suleman Ko Yeh Kehte Huey Suna Ki “Main Gawahi Deta Hoon Ki ALLAH Ke Siwa Koi Mabood Nahi Hain Uska Koi Shariq Nahi Muhmmad ALLAH Ke Rasool (s.a.w) Hain Aap Amirul Momineen Aur RasoolAllah Ke Wasi Hain Aur Main Apne Rab Se Sawaal Karta Hoon Ki Main Bhi Apke Muhibbon Mein Se Ho Jau’n Aur Agar Aisa Na Hua To Goya Main Kissi Cheez Ka Malik Nahi Hoon .”

Salmaan-e-Faarsi Ka Bayan Hain Jab Maine Woh Suna Aur Sabit Ho Gaya Toh Amirul Momineen Badhey Aur Suleman (a.s) So Gaye Aap Uthe Aur Kohe Kaaf Ki Taraf Badhey Mainey Sawal Kiya Ki “Kohe Kaaf Ke Aagey Kya Hain”

Amirul Momineen Ali Yabna Abi Talib Ney Farmaya Ki “Aagey 40 Duniya Hain Aur Yeh Tamam Duniya Humari Duniya Ke Misl Hain Jahan Se Hum Aa Rahey Hain Aur Har Duniya Issey 40 Guna Badi Hain.”

Phir Mainey Sawal Kiya Ki Ya Amirul Momineen Isska Ilm Kiss Tarah Hua

Aap Me Faramaya “Ki In Awalam Se Muttalik Aur Jo Kuch Wahan Hain Mera Ilm Puchte Ho Main To Unka Haafiz Aur RasoolAllah (s.a.w) Ke Baad Unpar Gawah Wa Shahid Hoon Aur Issi Tarah Merey Baad Mere Farzand’o Se Merey Ausiya (Aaimaa-e-Masumeen) Hongey…

Phir Farmaya “Main Zameen’o Aur Asmaan’o Ke Raastey Ko Jaanta Hoon Jisse Inme Roushni Aayi Hum Dushman’o Par Saqti Wa Taqlif Wa Ranj Ka Baees Hain…
Main Tamat-ul-Qubra Hoon Humarey Naam Arsh Par Likhe Hain Jisse Woh Munawwar Hua Aur Asmaan’o Par Likhe Hain Jiski Wajah Wo Qayam Huey Aur Zameen’o Par Likhe Huey Hain Jiski Wajah Woh Sakin Huii Aur Hawa Par Likhe Huey Hain Jissey Woh Jaari Huii Aur Barkh Par Likhe Huey Hain Jissey Isme Chamak Paida Huii Aur Noor Par Likhe Huey Hain Jisse Woh Chamakne Laga Aur Ra’at Me Khauf Par Paida Hua Aur Humarey Naam Israfeel Ki Peshani Par Likhe Hain Jinke Bazu Mashriq Wa Maghrib Mein Hain Aur Woh SUBBUHOON QUDDOOS RABBUL MALAIKIT WA ROOH Kahtey Rahtey Hain…

Phir Farmaya Ki “Aankhon Ko Band Karlo Aur Humne Aankhen Band Karli Phir Farmaya Aankhen Kholo Aur Humney Aankhen Khol Lee To Dekha Ki Hum Ek Shaher Mein They Jahan Ke Misl Na Hee Aese Badey Aadmi Dekhe They Aur Na Aisey Bazar Aur Na Aisey Badi Imaarte Aur Na Aisey Taweel Logh Sub Ke Sub Daraqt Ki Tarah Kamal They…….

Phir Humne Pucha Ya Amirul Momineen Yeh Kaun Hain Ki Inse Bade Logh Humney Nahi Dekhey!

Amirul Momineen Ne Farmaya “Yeh Qoum-e-Aaad Ke Bachey Huey Logh Hain Aur Ye Sub Kuffar Hain Ke Yaum-e- Qayamat Tak RasoolALLAH (s.a.w) Par Imaan Nahi Laye
Pas Mainey Chaha Ki Tumhe Dikhau’n Ki Wah Issi Maqam Par Rahtey Hain Aur Main Khuda Ki Qudrat Se Waha Gaya Aur Unke Shahro Ko Ukhad Pheka
Yeh Mashriq Ke Shahro Mein Se Hain Woh Tumhre Pass Aatay Hain Magar Tumhey Isska Ilm Nahi Hota Hain…!
Maine Chaha Ki Tumhrey Saamne Inse Mukabala Karun Isliye Tumhe Yaha Ley Aaya.”
Hazrat Salmaan-e-Faarsi Farmatey Hai Ki Amirul Momineen Ne Unhey Imaan Ki Taraf Daawat Dee Magar Unho Ne Inkar Kiya Aur Unho Ne Hazrat Amiral Momineen Par Humla Kiya Pas Hazrat Amirul Momineen Ne Unpar Humla Kiya

Hum Unhe Dekhte Rahey Magar Unho Ne Humko Nahi Dekha Hum Unse Door Hotey Gaye Aur Wah Humare Kharib Aatey Gaye..

Hazrat Ne In Par Humla Kar Bahoot 100 Ko Maar Dala Aur Jab Humare Khauf Ko Mulahiza Faramya Toh Humare Kharib Tashrif Laye Aur Apna Dast-e-Mubarak Humare Seen’o Par Phera Jisse Humara Khauf Dafa Ho Gaya

Dusri Martaba Unko Phir Baa Awaz-e- Buland Islam Ki Dawat Dee Magar Unho Ne Imaan Na Laya Aur Ek Barkh-e-Saeka (Bijli) Zahir Huii Aur Amirul Momineen Ne Kuch Padha Jisko Hum Samjh Na Sakey Aur Humko Aisa Zahir Nazar Aaney Laga Ki Ye Barkh Wa Ra’ad Amirul Momineen Ke Dahan-e-Mubarak’ (Muh) Se Nikal Rahi Hain Aur Aisi Haul Naak Aawaz-e-Paida Honey Lagi Ki Goya Asman Zameen Par Gir Raha Hain Aur Pahad Apni Jagah Se Ukhdey Ja Rahen Hain Yaha Tak Ki Unmey Se Ek Bhi Baki Na Raha

Jab Hazrat Amirul Momineen Uss Qoum Se Jang Karne Se Faarigh Ho Gaye To Woh Ra’ad Wa Barkh Bhi Gayab Ho Gaye

Humne Arz Kiya Ki “Ya Amirul Momineen Hum Me Zyada Mushahida Karne Ki Taqat Nahi Humey Apne Watan Pahucha Dijiye’n.”

Pas Hazrat Amirul Momineen Ne Abr (Badal) Ko Talab Farmaya Aur Hum Us Par Sawar Ho Gaye Aur Hazrat Ne Hawa Ko Huqm Diya Jisse Humko Ek Aisey Makam Par Pahucha Ki Waha Se Zameen ek Siqqey Ke Baraber Nazar Aane Lagi Iss Ke Baad Humne Khud Ko Hazrat Amirul Momineen Ke Ghar Mein Paya Jaha Se Rawana Huey They….

Phir Salman Faramtey Hain Humney Yeh Safar Sirf 5 Ghanto (Hour) Mein Pura Kiya Purey Asmaan’o Ka.
Amirul Momineen Farmatey Hain
“Aye Salman Agar Main Chahu To Ek Chashma-e-Zadan Mein Tamam Asmaan’o Aur Zameen Ki Sair Karwa Doon.”

(Marhaba Ya Ali Amirul Momineen Marhaba)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s