Day: May 31, 2021

“Hazrat Aboo Hurayrah RadiyAllahu Ta’ala Anhu Bayan Karte Hain Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Hamaare Paas Tashrif Laaye To Aap SallAllahu Ta’ala Alayhi Wa Aalihi Wa Sallam Ke Aik Kandhe Par Imam Hasan عَلَيْهِ السَّلَام Aur Doosare Kandhe Par Imam Husain عَلَيْهِ السَّلَام Suwaar They.
Aap SallAllahu Ta’ala Alayhi Wa Aalihi Wa Sallam Donon Ko Baari Baari Choom Rahe They Yaha’n Tak Ki Aap Hamaare Paas Aa Kar Ruk Gaye, Aik Shakhs Ne Arz Kiya :
Ya RasoolAllah ﷺ!
Kya In Se Muhabbat Karte Hain ?
Aap SallAllahu Ta’ala Alayhi Wa Aalihi Wa Sallam Ne Farmaya :
Jis Ne In Donon Se Muhabbat Rakhi Us Ne Mujh Se Muhabbat Rakhi Aur Jis Ne In Se Bughz Rakha Us Ne Mujh Se Bughz Rakha.”

Is Hadith Ko Imam Ahmad Aur Haakim Ne Riwayat Kiya Hai Aur Imam Haakim Kehte Hain Ki Yeh Hadith Sahih-ul-Isnad Hai.
–

[Ahmad Bin Hanbal Fi Al-Musnad, 02/400, Raqam-9671,

Hakim Fi Al-Mustadrak, 03/182, Raqam-4777,

Ghayat-ul-Ijabah Fi Manaqib-il-Qarabah,/199, Raqam-238.]

“Hazrat Abd-ul-Allah Bin Shaddad RadiyAllahu Ta’ala Anhuma Apne Waalid Hazrat Shaddad Bin Haad RadiyAllahu Ta’ala Anhu Se Riwayat Karte Hain Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Ishaa Kee Namaaz Ada Karne Ke Liye Hamaare Paas Tashrif Laaye Aur Aap SallAllahu Ta’ala Alayhi Wa Aalihi Wa Sallam Hasan Ya Husain عليهما السلام (Mein Se Kisi Aik Shehzaade) Uthaaye Huwe They.
Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Tashrif Laa Kar Unhein Zamin Par Bitha Diya Phir Namaaz Ke Liye Takbir Farmayi Aur Namaaz Padhana Shuru’ Kar Dee, Namaz Ke Dauraan Huzoor SallAllahu Ta’ala Alayhi Wa Aalihi Wa Sallam Ne Taweel Sajdah Kiya.
Shaddad Ne Kaha :
Mein Ne Sar Uthaa Kar Dekha Ki Shehzaade Sajde Kee Haalat Me Aap SallAllahu Ta’ala Alayhi Wa Aalihi Wa Sallam Kee Pusht-E-Mubarak Par Suwaar Hain.
Mein Phir Sajde Me Chala Gaya.
Jab Huzoor Nabi-E-Akram SallAllahu Ta’ala Alayhi Wa Aalihi Wa Sallam Namaz Ada Farma Chuke To Logo’n Ne Arz Kiya :
Ya RasoolAllah SallAllahu Ta’ala Alayhi Wa Aalihi Wa Sallam!
Aap Ne Namaz Me Itna Sajda Taweel Kiya.
Yaha’n Tak Ki Hum Ne Gumaan Kiya Ki Koi Amr-E-Ilaahi Waaqe’ Ho Gaya Hai Ya Aap Par Wahiy Naazil Hone Lagi Hai.
Aap SallAllahu Ta’ala Alayhi Wa Aalihi Wa Sallam Ne Farmaya :
Aisi Koi Baat Na Thi Magar Yeh Ki Mujh Par Mera Beta Suwaar Tha Is Liye (Sajde Se Uthne Me) Jaldi Karna Achchha Na Laga Jab Tak Ki Is Kee Khwaahish Poori Na Ho.”

Is Hadith Ko Imam Nasa’i Aur Imam Ahmad Ne Riwayat Kiya Hai.
–
[Nasa’i Fi As-Sunan, 02/229, Raqam-1141,

Ahmad Bin Hanbal Fi Al-Musnad, 03/493,

Ibn Abi Shaybah Fi Al-Musannaf, 06/380, Raqam-32191,

Tabarani Fi Al-Mu’jam-ul-Kabir, 07/270, Raqam-7107,

Ghayat-ul-Ijabah Fi Manaqib-il-Qarabah,/198, 199, Raqam-237.]