Naba-e-Azeem :
Abu Hamza Ne Imam Muhammad-e-Baaqir (a.s) Ki Khidmat Mein Yeh Sawaal Kiya Tha Ke ‘Naba-e-Azeem’ Se Kya Muraad Hai To Aap Ne Farmaya:
“Yeh Aayat Maula Ameer-ul-Momineen Ali (a.s) Ke Baarey Mein Utri Aur Naba-e-Azeem Aap (a.s) Hai, Kyu Ki Aap (a.s) Ne Maidaan-e-Siffin Mein Iss Aadmi Se Farmaya Tha, Jo Sura Nabah Ki Tilaawat Kar Raha Tha Aur Badan Par Hatiyaar Lagaey Huey Tha Aur Quraan-e-Majeed Ko Galey Mein Hamail Kiye Huey Tha Ke Kya Tu Naba-e-Azeem Ko Jaanta Hai Ke Woh Kya Hai?”
Iss Shakhs Ne Jawab Mein Kaha Tha “Main Nahi Jaanta!”
Aap (a.s) Ne Farmaya:
“Main Hoon Woh Nabah-e-Azeem, Jiss Ke Baarey Mein Tum Ikhtelaaf Rakhte Ho Aur Isski Wilaayat Ke Baarey Mein Tum Jhagra Kartey Ho Halaa Ke Tumne Meri Wilaayat Ko Qubool Kiya Tha Aur Baad Mein Phir Gaye Aur Roz-e-Qayaamat Tum Dubara Issey Jaan Logey Ke Naba-e-Azeem Kya Hai”.
(Reference : Tafsir Noor-us-Saqlain Jild-9, Page-158)
Aal-e-Qutub Aal-e-Syed Abdullah Shah Ghazi 