DEWAR AUR BHABHI

DEWAR AUR BHABHI
huffington-post-saudi-arabia-gender-mixing
Aaj Kal Jo Sabse Zyada Khatarnak Fitna Muslim Muasharey Mein Chal Raha Hai Woh Dewar Aur Bhabhi Ka Ikhtilat(Mixing)Hai
Aksar India Aur Pakistan Mein Aam Taur Par Dekha Gaya Hai Ke Shadi Ke Baad Ladki Apne Sasural Mein Dewar Aur Jeth Ke Saath Bagair Sharayi Parde Ke Rehti Hai Aur Is Mein Koi Aib Bhi Nahi Samjha Jata Hai
Jawan Dewar Ka Apni Bhabhi Ke Saath Hansi Mazak Aur Chedkani Aam Hai
Aksar Aurtein Apne Dewar/Jeth Ke Saamne Bagair Sharayi Parde Ke Rehti Hai Aur Jab Unse Parde Ke Baare Mein Kaha Jaye To Kehti Hai Ye To Mere Chote Bhai Jaisa Hai
Kya Islam Mein Ye Jayez Hai?
Ek Aurat Ke Liye Har Us Shaks Se Parda Zaroori Hai jo Gair Mehram Hai
Jiske Saath Ta-Hayat Aurat Shadi Kar Sakti Hai
Quran Mein Iski Wazahat Hume Milti Hai
Gair Mehram Se Parda Karna Ebadat Hai
Allah Ta’ala Ka Farman Hai
“Aur Momin Aurtoon Se Bhi Kaheye K Woh Apni Nigahain Neeche Rakha Karain Aur Apni Sharam Gaho Ki Hifazat Kia Karain Aur Apni Zeenat Ko Zahir Na Karain Mager Jo Az Khud Zahir Ho Jae Aur Apni Odhnia Apne Seeno Per Dal Lia Karain Aur Apni Zeenat Ko Zahir Na Karein Magar In Logo Ke Samney
Baap , Sasur , Bete (Sotele Bete) Bhai, Bhatijey, Bhanjey Apni Mel Jol Wali Aurtain Kanezain Jinki Woh Malik Hon Aise Khadimm Mard Jo Aurtoon Ki Hajut Na Rakhtey Hon Aur Aise Larkey Jo Aurtoon Ki Poshida Bato Se Abhi Waqif Na Hoe Hon Aur Apne Paoon Zameen Per Martey Hue Na Chalain Ke Jo Zeenut Inhoney Chupa Rakhi Hai Iska Logon Ko Ilm Ho Aur Ae Iman Walo!!
Tum Sub Allah Ke Hazoor Tauba Karo Tawaq’qo Hai Ke Tum Kamyab Ho Jao-“
( Al Quran, Surah Al Noor, Ayat 31)
Is Ayat Mein Allah Ta’ala Har Momin Aurat Ko Hukm De Raha Hai Jiski Ita’at Har Momina Par Farz Hai Aur Iske Inkaar Se Allah Ki Pakad Lazim Hai
Rasool Akram Sallallahu Alaihi Wasallam ne Irshad Farmaya:
“(Na Mahram) Aourton ke paas jane se bacho!” Aik Ansari sahabi farmane lage: Ya RasoolAllah! Khawind ke bhaiyyon (dewar aur jeth wagerah) se Mutalliq Aap Sallallahu Alaihi Wasallam ka kya hukum hai? RasoolAllah Sallallahu Alaihi Wasallam ne Irshad Farmaya: “Khawind ke bhai to Mout hain Mout. (Yani in se pardah karne aur door rahne ka to bahot Zyadah Ehtemam karna chahiye).”
( Sahih Al Muslim, Vol. 5, Hadith 5674)
Is Hadees Se Wazeh Huwa Ke Dewar Se Sharayi Parda Karna Har Aurat Par Farz Hai Lazim Hai
Tirmizi Shareef  Ki Ek Sahih Hadees Mein Rasoollallah Sallallahu Alaihi Wasallam Ne Farmaya Hai Ke Jab Ek Aurat Aur Ek Mard Tanhayi Mein Milte Hai To Unka Teesra Saathi Shaitan Hota Hai
(Jami At Tirmizi, Hadith 1171)
Quran Mein Allah Ta’ala Ne Farmaya Hai Ke Shaitan Tumhara Khula Dushman Hai
(Al Quran, Surah Bakra 2, Aayaat 207)
Shaitan Har Mumkeen Koshish Karta Hai Ke Dewar Aur Bhabhi Mein Hansi Mazak Ke Zariye Aapas Mein Ek Dusre Ke Dil Mein Ghar Banaya Jaye
Phir Ye Hansi Mazak Aage Chal Kar Zina Jaise Bhayanak Gunaah Ko Anjam Deti Hai
Dewar Ko Maut Is Liye Kaha Gaya Hai Kyun Ke Woh Ghar Mein Aasani Se Aata Jaata Rehta Hai
Uspar Kisi Ko Shak Nahi Hota Koi Agar Bahar Ka Aadmi Ghar Mein Aaye To Gharwalon Ki Aur Padosiyon Ki Nazar Us Par Rehti Hai
Aurat Ke Liye Sasural Ho Ya Uska Mayka Har Waqt Har Jagah Uske Liye Gair Mehram Se Parda Karna Farz Hai Lazim Hai
Bohot Se Ghar Isi Bina Par Ujad Gaye Ke Dewar Aur Bhabhi Ke Najayez Sambandh Ban Gaye The
Is Fitne Se Bachne Ki Har Mumkeen Koshish Zaroori Hai . Behtar Honga Agar Shadi Ke Baad Alag Raha Jaye .Ya Phir Mukammal Parde Ke Hifazat Ki Jaye
Allah Hume Sahih Deen Par Chalne Wala Banaye
Allah Subhanahu Wa Ta’ala Du’a Hai Ke Hum Ko Ghar Walon Ko Aap Logon Ko Or Sare Musalmano Ko Quran O Sunnat Ko Sahaba Ke Manhaj Par Amal Karne Wala Fir Daw’at Dene Wala Banaye,
Ameen Ya Rabbal Almeen Ya Hayyu Ya Qayyum

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s