Hazrat Shaikh Sayyed Saif-ud-deen Abdul Wahaab Qaadri al-Jilani rahmatullāhi alaihi

No photo description available.

Hazrat Shaikh Sayyed Saif-ud-deen Abdul Wahaab Qaadri al-Jilani rahmatullāhi alaihi : 

Aap ki wilaadat Sha’abaan 523 Hijri (1129 A.D.) me Baghdad (Iraq) me hui.

Aap ke waalid ka naam Hazrat Ghauṡ-ul-aazam Shaikh Sayyed Muhiy-ud-deen Abdul Qaadir Jilani bin Hazrat Sayyed Abu Saaleh Moosā Jangi-dost radiy-Allāhu ta’ala anhu aur waalida ka naam Bibi Madeena binte Meer Muhammad Masjidi hai.

Aap Ghauṡ e aazam ke sab se bade saahabzaade aur Sajjaada nasheen hain.

Aap Hasani saadaat hain.

****************
Aap ne apne waalid aur dusre ulama se Qur’an, Hadeeṡ aur Fiq’h ki ta’aleem haasil ki.
Is ke baad aap ne Ajam ke kai mulko ke shahero me jaakar majeed ta’aleem haasil ki.

****************
543 Hijri me Ghauṡ e aazam ne Aap ko apne Madrasa ki zimmedaari ata ki.

Apne waalid Ghauṡ e aazam ke wisaal ke baad Aap logo ko deeni ta’aleem diya karte the aur Fatawa diya karte the.

****************
Aap bahot nek aur parhezgaar the aur zyada waqt ibaadat aur riyaazat me guzaarte the.
Aap ghareebo, haajatmando aur beemaaro ki khidmat kiya karte the.

Log Aap ki bahot ta’azeem karte the.

****************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Jawaahir-ul-Asraar,
(2) Lataa’if-ul-Anwaar.

****************
Aap ke 3 saahabzaade hain :
(1) Sayyed Safi-ud-deen Abu Mansoor Abdus Salaam,
(2) Sayyed Abul Fateh Sulaimān,
(3) Sayyed Abdur Raheem.

Sayyed Soofi rahmatullāhi alaihi

****************
Aap ka wisaal 25 Shawwaal 593 Hijri (1197 A.D.) ko hua.

Aap ka mazaar Mohallah Halbah Qabrastan, Baghdad (Iraq) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Shaikh Sayyed Abdul Wahaab Qaadri Jilani rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.