Hazrat Shaikh Sayyed Ali Qaadri al-Jeelaani rahmatullāhi alaihi

36851120_1321780501289804_5624114998138634240_n

Hazrat Shaikh Sayyed Ali Qaadri al-Jeelaani rahmatullāhi alaihi :

Aap ki wilaadat Baghdad (Iraq) me hui.

Aap ke waalid ka naam Hazrat Mohiy-ud-deen Abu Nasr Mohammad bin Sayyed Imaad-ud-deen Abu Saaleh Nasr Qaadri rahmatullāhi alaihi hai.

Aap Hasani saadaat hain aur Hazrat Ghauṡ e aazam Abdul Qaadir Jilani radiy-Allāhu ta’ala anhu ki nasl se hain.

****************
Aap ne apne waalid aur dusre masha’ikh e waqt ke Qur’an, Hadeeṡ, Fiq’h aur deegar uloom ki ta’aleem haasil ki.

****************
Aap Waaqif e Asraar e khafi wa jali hain.
Aap Sakhaavat o Bakhshish aur Jood o Ata me be-miṡl the.
Logo ko ta’aleem wa faiz ata karte rehte the.

****************
Aap ke saahabzaade :
(1) Sayyed Moosā
(2) Sayyed Daawūd
(3) Sayyed Mushtaaq.

****************
Aap (apne waalid) Hazrat Mohiy-ud-deen Abu Nasr Mohammad Qaadri al-Jilani rahmatullāhi alaihi ke mureed aur khalifa hain.

Aap ke khalifa :
Hazrat Sayyed Moosā Qaadri al-Jilani rahmatullāhi alaihi.

****************
Aap ka wisaal 23 Shawwaal 739 Hijri (May 1339 A.D.) ko hua.

Aap ka mazaar Baghdad (Iraq) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Shaikh Sayyed Ali Qaadri al-Jilani rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.