Hazrat Shaikh Mohammad Mahdi Suharwardi Kashmiri rahmatullāhi alaihi

37687312_1337992479668606_2060619235813490688_n

Aap Hazrat Baaba Abdullāh Kashmiri rahmatullāhi alaihi ke mureed aur khalifa hain.

Apne Peer o murshid ke wisaal ke baad Aap masnad par jalwagar hue.

****************
Aap Rizqe halaal haasil karne ke liye Zaraa’at (kheti) kiya karte the.

Ek arse tak Baramulla me sukoonat pazeer rahe. Phir Srinagar shaher me aa kar Khalqe Khuda ki hidayat me mashgool ho gaye.

Aap Sunnate Nabawi ke bahot paaband the.

Aap Mohalla Indar wadi me Mehfile Zikr munaaqid karte the.

Aap ne Tibet, Laddakh wagairah ilaaqo ka safar kiya.
Aap jaha jaate waha Masjid, Raasta, ya Musaafir khaana taamir karaate.

****************
Aap ka wisaal 1 Zil Qa’ada 1150 Hijri (20 February 1738 A.D.) ko 125 saal ki umr me hua.

Aap ka mazaar Srinagar (Kashmir) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Shaikh Mohammad Mahdi Suharwardi Kashmiri rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.