Hazrat Shaikh Miyan Ahmad Makhdoom rahmatullāhi alaihi

26229533_1190540991080423_4053093240547713556_n

Aap ki wilaadat Ahmedabad (Gujarat) me hui.

Aap ke waalid ka naam Shaikh Burhaan-ud-deen hai.

Aap Muizz-ud-deen Ghauri ke khaandaan se hain.

Aap ke waalid ko koi aulaad nahi thi. Wo dua ke liye Hazrat Ahmad Ganj Baksh Khattu Maghribi rahmatullāhi alaihi ki baargaah me haazir hue to Hazrat Ahmad Ganj Baksh Khattu ne bashaarat di ke ‘Aye Burhaan-ud-deen! ALLĀH ta’ala tumhe farzanad ata farmaega. Us ka naam hamare naam par rakhna. Wo buland martabe ka wali hoga.
Hazrat ki dua se aap ki wilaadat hui aur aap ka naam Ahmad rakha gaya.

********************
Aap ne Hazrat Maulana Sadr-e-jahaan se taalim o tarbiyat haasil ki.
Hazrat Shaah e aalam Sayyed Siraaj-ud-deen Muhammad rahmatullāhi alaihi se baatini taalim haasil ki.

********************
12 saal ki umr me aap ne Hazrat Shaah e aalam se Bai’at ki aur baad me aap ke sab se pehle Khalifa hone ka sharf bhi haasil kiya.

Aap 12 saal tak Hazrat ki khaanqaah shareef me mujaahida karte rahe.

Aap apne Peer o murshid ka behad adab karte the.
Aap ne Bai’at karke Peer ke haath me apna haath dene ke baad zindagi bhar us haath naaf ke neeche nahi lagaaya. Raat ko sote to us haath ko gardan se baandh lete the.
Rasoolabaad me qayaam pazeer hone ke ba-wajood Rasoolabad me istinja nahi karte the.

****************
Aap Hazrat Shaah e aalam Shaikh Sayyed Siraaj-ud-deen Muhammad rahmatullāhi alaihi ke mureed aur khalifa hain.
Aur ‘Suharwardi Jalaali Shaahi’ silsila ke shaikh hain.

****************
Aap ka wisaal 20 Rabi uṡ ṡaani ko hua.

Aap ka mazaar Jamalpur, Ahmedabad (Gujarat) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Shaikh Miyan Ahmad Makhdoom rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.