Hazrat Shaikh Lashkar Muhammad Aarif Shattaari rahmatullāhi alaih

774b2a34-c6e3-4b6d-986c-bf3f559942f8

Hazrat Shaikh Lashkar Muhammad Aarif Shattaari rahmatullāhi alaihi :
♦♦♦♦♦♦♦♦♦♦♦♦♦♦♦♦♦♦♦♦

Aap ki wilaadat 913 Hijri (1507 A.D.) me Mehlasa (Gujarat) me hui.

******
Aap ki umr 13 din ki thi tab aap ki waalida ka inteqaal hua.
Aap ki umr 6 saal ki hui tab aap ke waalid ka inteqaal hua.

Aap ke daada Mulk Peer Qureshi ne aap ki parwarish ki.

******
951 Hijri (1544 A.D.) me Aap Ahmedabad tashreef le gaye aur Hazrat Sayyed Shaah Muhammad Ghauṡ Gwaliori rahmatullāhi alaihi ke mureed hue aur Hazrat ki khidmat me rehkar ta’aleem haasil ki.

******
Jab Hazrat Muhammad Ghauṡ Gwaliori rahmatullāhi alaihi Gwalior ke liye rawaana hue to Aap ko khilaafat naama diya.
Aap 30 saal tak logo ko ta’aleem wa faiz ata farmaate rahe aur Shattaari silsila ki isha’at karte rahe.

******
982 Hijri (1574 A.D.) me apne shaagird Hazrat Shaikh Shaah Eisā Jundullāh rahmatullāhi alaihi ke israar par Aap Burhanpur tashreef le gaye.

******
Aap ke 3 saahabzaade aur 1 saahabzaadi hain.

Saahabzaade :
(1) Abu Yazeed,
(2) Mulk Muhammad,
(3) Hasan Muhammad.

Saahabzaadi :
Bibi Raasti.

******
Aap Hazrat Sayyed Shaah Hameed-ud-deen Muhammad Ghauṡ Gwaliori Shattari rahmatullāhi alaihi ke mureed aur khalifa hain.

Aap ke khulfa :
(1) Hazrat Shaikh Shaah Eisā Jundullāh rahmatullāhi alaihi,
(2) Hazrat Shaikh Muhammad Taaj-ul-Aashiqeen rahmatullāhi alaihi,
(3) Hazrat Shaikh Ibrāheem Qaari rahmatullāhi alaihi,
(4) Hazrat Shaikh Mahmood bin Abdullāh Gujarati rahmatullāhi alaihi,
(5) Hazrat Shaikh Murtaza rahmatullāhi alaihi,
(6) Hazrat Shaikh Baabu Sindhi rahmatullāhi alaihi,
(3) Hazrat Shaikh Fatahullāh Bharuchi rahmatullāhi alaihi.

******
Aap ka wisaal 1 Shawwaal 993 Hijri (26 September 1585A.D.) ko hua.

Aap ka mazaar Rastipura, Burhanpur (Madhya Pradesh) me hai.

******
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Shaikh Lashkar Muhammad Aarif Shattaari rahmatullāhi alaihi aur tamaam Auliya Allāh ke waseele se
Sab ko mukammal ishqe Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.