Hazrat Shaah Mahmood Soofi Sarmast rahmatullāhi alaihi

48085918_1457174064417113_5018563401547251712_n

Laqab :
‾‾‾‾‾‾‾‾‾‾
Asad-ul-Aulia.

****************
Aap 7wi sadi Hijri me Sammarrah (Iraq) se Hind me tashreef laaye.

Aap Hazrat Baaba Fareed-ud-deen Mas’ood Ganje Shakar rahmatullāhi alaihi ke mureed hue.

Hazrat Baaba Fareed rahmatullāhi alaihi ke farmaan par Aap Deccan tashreef laaye.

Aap apne mureedo ke saath Sagar tashreef laaye to waha Kumara Rama naami raaja ki hukoomat thi. Woh jaadoogar tha aur logo par bahot zulm karta ha. Us ne Aap ko waha se nikaalne ke liye koshish ki.
Aap ne apne saathiyo ke saath Raaja ke lashkar ke saath jung ki. Delhi se Lakhi Khan Afghan aur Ni’amat Khan bhi musalmano ki madad ke liye aaye. Jung me bahot saare ghair muslim maare gaye aur Aap ke saahabzaade Munawwar Baasha samet bahot saare musalman bhi shaheed hue. Kumara Rama ki maut ke baad hinduo ne suleh kar li aur jiziya dene ke liye tayyaar hue.

Aap ne Sagar me sukoonat ikhtiyaar karke logo ki islaam ki isha’at aur tableegh karna shuru kiya.
Aap ki ta’aleem aur faiz se badi ta’adaad me log musalman hue.

****************
Aap ka mazaar 5 Rabi uṡ ṡaani 680 Hijri (July 1281 A.D.) ko hua.

Aap ka mazaar Sagar (Yadgir, Karnataka) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Shaah Mohammad Mahmood Soofi Sarmast rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.