Hazrat Sayyed Sa’ad-ud-deen urfe Baabu Shaah Chishti rahmatullāhi alaihi

21462572_1123580504443139_7917362978419961391_n

Hazrat Sayyed Sa’ad-ud-deen urfe Baabu Shaah Chishti rahmatullāhi alaihi :
Aap ki wilaadat Daulatabad me hui.

Aap ke waalid ka naam Sayyed Umar hai.

Aap Husaini saadaat hain aur Hazrat Sayyed Zaid bin Imaam Zain-ul-Aabideeb Ali al-Awsat rahmatullāhi alaihi ki nasl se hain.

****************
Aap ne Hazrat Khwaja Banda nawaaz Gaisu daraaz Sayyed Muhammad Husaini rahmatullāhi alaihi aur deegar buzurgaane deen se ta’aleem wa faiz haasil kiya.

****************
Aap ka nikaah Hazrat Khwaja Banda nawaaz Gaisu daraaz Sayyed Muhammad Husaini rahmatullāhi alaihi ki saahabzaadi ke saath hua.

****************
Aap Khmabhat (Gujarat) me sukoonat pazeer hokar isha’at e Islaam karte rahe aur logo koa’aleem wa faiz ata farmaate rahe.

****************
Aap Hazrat Khwaja Banda nawaaz Gaisu daraaz Sayyed Muhammad Husaini rahmatullāhi alaihi ke mureed aur khalifa hain.

Aap ke khulfa :
(1) Hazrat Shaikh Saalaar Bharuchi rahmatullāhi alaihi,
(2) Hazra Shaikh Shaida Chishti rahmatullāhi alaihi.

****************
Aap ka wisaal 25 Zil Hijja 871 Hijri (28 July 1467 A.D.) ko hua.

Aap ka mazaar Khambhat (Gujarat) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Sayyed Sa’ad-ud-deen urfe Baabu Shaah Chishti rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.