Hazrat Sayyed Ahmad Ja’afar Shirazi rahmatullāhi alaihi

44904986_1423652231102630_3763338404469669888_n

Aap ka watan Shiraz (Iran) hai.

Aap Sultaan Mahmood Begda ke zamaane me safar karke Sindh se hote hue Gujarat tashreef laaye aur Patan me qayaam kiya aur phir Ahmedabad tashreef laaye.

****************
Aap namaaz e Tahajjud me 2 rak’at me Qur’an majeed ke 15 paare tilaawat karte.

Aap ne kai martaba paidal Hajj ada kiye.

****************
944 Hijri (1538 A.D.) me Aap ki ta’aleem se Sunni Patani Vohra Jama’at ne Shia Ismāeeli Bohra se ta’alluq tod diye aur un se alag ho gaye.

****************
Karaamat :
‾‾‾‾‾‾‾‾‾‾‾‾‾
(1) Ek baar Sultaan Mahmood Begda aap se aam khaane ki khwaahish zaahir ki. Us waqt aam ka mausam nahi tha phir bhi Aap ne ghaib se un ko aam ata kiye aur waha maujood sab ko bhi 2-2 aam inaayat farmaye.

(2) Ek baar Aap ulama ki majlis me baithe hue the. Baaham ilmi muzaakira kar rahe the. Usi dauraan Aap achaanak uthkar makaan me chale gaye aur thodi der ke baad baahar aaye to Aap ki aastin bhigi hui thi. Us me se jo paani gira use chakha gaya paani bahot khaara tha. Haazireen ne is ki wajah daryaaft ki to Aap ne farmaaya ke ‘Mere ek mureed ka jahaaz toofaan me phans gaya tha. Us ne mujh se madad talab ki. Maine us ki madad ki aur ALLĀH ke fazl se jahaaz toofaan se bach gaya.’

****************
Aap ke saahabzaade Hazrat Sayyed Muhammad Jalaal-ud-deen hain.

****************
Aap ka wisaal 15 Safar ko hua.

Aap ka mazaar Astodia, Ahmedabad (Gujarat) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Sayyed Ahmad Ja’afar Shirazi rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.