Hazrat Qaari Nizaam-ud-deen Mohammad Shaah Bhikaari rahmatullāhi alaihi

37629832_1336283766506144_8590806483245989888_n

Alqaab :
‾‾‾‾‾‾‾‾
Umdatul Auliya, Bhikaari baadshaah.

****************
Aap ki wilaadat 890 Hijri (1458 A.D.) me Kakori (Uttar Pradesh) me hui.

Aap ke waalid ka naam Hazrat Ameer Saif-ud-deen hai.

Aap Hazrat Muhammad bin al-Hanafiya ibn Ali al-Murtaza rahmatullāhi alaihi ki nasl se hain.

Aap ke pardaada Sultaan Bahlol Lodi ke zamaane me Herat (Afgahnistan) se Hindustan aakar Kakori me qayaam pazeer hue the.

Aap ke waalid Sultaan Bahlol Lodi aur Sultaan Sikandar Lodi ke darbaar me aala ohade par the.

****************
Aap ne apne waalid se ta’aleem haasil ki.
Aap Aalim wa Faazil the.
Aap Qir’at e Saba’a ke maahir the.

Aap ne puri zindagi dars aur ta’aleem e deen me guzaari.

****************
Aap ki likhi hui mash’hoor kitaaben :
(1) Munhij,
(2) Ma’arif.

****************
Aap Hazrat Shaikh Sayyed Ibrāheem Irji rahmatullāhi alaihi ke mureed aur khalifa hain.
Aap Qaadri silsila ke Shaikh hai.

Aap ke Khulfa :
(1) Hazrat Qaazi Zia-ud-dden Urfe Shaikh Zia rahmatullāhi alaihi,
(2) Hazrat Shaikh Abdullāh bin Makhdoom rahmatullāhi alaihi,
(3) Hazrat Mulla Abdur Rasheed rahmatullāhi alaihi.

****************
Aap ka wisaal 9 Zil Qa’ada 981 Hijri (March 1574 A.D.) ko hua.

Aap ka mazaar Kakori (Uttar Pradesh) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Nizaam-ud-deen Shaah Bhikaari rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.