Hazrat Peer Abdur Rahmān Bharchundwi rahmatullāhi alaihi

27067397_1672241209489262_4800158916292718077_n

Hazrat Peer Abdur Rahmān Bharchundwi rahmatullāhi alaihi :

Laqab :
‾‾‾‾‾‾‾‾‾‾
Mujaahid e Islaam.

****************
Aap ki wilaadat 1310 Hijri (1892 A.D.) me Khaanqaah-e-Qaadaria, Bharchundi (Jila Sukkur, Sindh) me hui.

Aap ke waalid ka naam Hazrat Peer Haafiz Muhammad Abdullāh Siddeeqi bin Qaazi Allāh bakhsh rahmatullāhi alaihi hai.

****************
Qur’an majeed ki taaleem haasil karne ke baad Aap ne Siraaj-ul-ulama Maulana Siraaj Ahmad Khan Belwi Kanpuri se Ilme Nahaw aur Fiq’h e Hanafi ki ta’aleem haasil ki.
Phir Mianwali me Maulana Abdul Kareem me majeed ta’aleem haasil ki.

Aap ne apne waalid se Tasawwuf ki ta’aleem haasil ki.

Bachpan se hi Aap ne Shariat, Ma’arifat, Zikr aur Fikr-e-Aakhirat ka maahol paaya.

****************
1347 Hijri (1928 A.D.) me Aap ke waalid ke wisaal ke baad Aap Sajjaada nasheen bane.

****************
Aap paabande shariat the.
Aap dunya ki aur logo ki parwah nahi karte the.

Aap ne Puri zindagi ba-jama’at namaaz ada farmai.

Aap har saal pura maahe Rabi ul awwal Eid-e-Meelaad-un-Nabi ka jashn manaate. Aur niyaaz me khaane se pehle aur khaana khaane ke baad khaadimo ke saath khud bhi logo ke haath dhulaate.

Aap musalmano ki deen ki taraf be-rukhi se bahot pareshaan rehte the.

Aap Wahaabi aur bad-aqeeda logo se nafrat karte the aur apne mureedo ko un se door rehne ke liye taaqeed farmaate.

Aap ne ‘All India Sunni Conference’ me masha’ikh e Sindh ki jaanib se shirkat farmai thi.

****************
Aap (apne waalid) Hazrat Peer Haafiz Muhammad Abdullāh Qaadri rahmatullāhi alaihi ke mureed aur khalifa hain.

Aap ke khalifa (aap ke saahbazaade) Hazrat Peer Haafiz Muhammad Abdullāh rahmatullāhi alaihi hain.

****************
Aap ka wisaal 9 Jamaadi ul awwal 1380 Hijri (30 October 1960 A.D.) ko Itwaar ke roz 1 baje hua.

Aap ka mazaar Bharchundi (Sindh, Pakistan) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Peer Abdur Rahmān Bharchundwi rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.