Hazrat Molana Muhammad Umar Sha Sahab Qadri Rajshahi (Rehmatullah Ta’aala Alaihi)

WhatsApp Image 2019-08-06 at 11.26.47 PM

Ism Shareef:- Muhammad Umar
Apke Walid-e-Buzurghwar:- Mujjadid e Wakt Hazrat Allama Molana Abdullah Sha Sahab Qadri Rajshahi Sundhvi (Rehmatullah Ta’aala Alaihi)
Apke Dadajan:- Huzur Fardwakt Qutbe Alam Miya Rajsha Sahab Sundhvi (Rehmatullah Ta’aala Alaihi)
Wiladat:- Apki Wiladat Ka San Sahi Tor Par Maloom Nahi Albatta Itna Zaroor Hai Apne Apne Jadde Amjad Huzur Fardwakt Qutbe Alam Miya Rajsha Sahab Sundhvi (Rehmatullah Ta’aala Alaihi) Ka Zamana Paya Aur Apki Zeer e Tarbiyat Rahe Jese Ki Musannif Millate Rajshahi Ne Likha Hai:-“Hazrat Muhammad Umar Sha (Damatbarakatuhum) Sajjada Nasheen Apne Walid Majid Hazrat Mujjadid e Wakt Molana Abdullah Sha (Rehmatullah Ta’aala Alaihi) Ke Hai,Apki Zadatar Parwarish Aagosh Hazrat Qibla Fardwakt Miya Rajsha Sahab Jadde Buzurghwar God Se Payi Hai Apke Wisal Ke Bad Mehnat Wa Mujahheda Hazrat Mujjadid Wakt Molana Abdullah Sha Sahab (Rehmatullah Ta’aala Alaihi) Ne Is Qadar Karaya Ke Tan Mubarak Par Haddiyo Ke Nishan Dikhayi Dete,Som Salat Ke Nihayat Paband Aur Apne Pidar e Buzurghwar Ke Qadam Ba’Qadam Chalne Wale Hai,Ba’Zamana Hayat Hazrat Molana Mujjadid Apke Sapurd Mehmano Ki Khidmat Thi Aur Ap Is Kam Me Is Qadar Hissa Lete The Ke Musafir Aur Mehmano Ko Bulate The Unhe Muhabbat Ke Sath Pas Bedh Kar Khana Khilate Aur Bate Karte Jate Aur Pankha Jalne Me Masroof Rehte,Saf Dil Munkasar Al Mijaz Jawan Saleh Sach Bolne Wale Logo Me Se Hai.”
📚Book Reference📚
[Millat-e-Rajshahi:-Safa:-348]
Mazkura Ibarat Se Ye Andaza Hota Hai Ke Apki Wiladat 1280 Hijri Ke Qareeb Hue Hai…
[Tazkira-e- Noori:-Safa:-41]
Taleem:- Apne Walid Majid Mujjadid e Wakt Molana Abdullah Sha Sahab Ke Zere Saya Uloome Batni Uloome Aqliya wa Naqliya Hasil Kiye,Aur Apne Baradare Akbar Mahire Ilm o Fan Hazrat Allama Molvi Muhammad Azeem Qadri Rajshahi (Rehmatullah Ta’aala Alaihi) Se Arbi Farsi Par Maharate Tam Thi.
Faiz:- Apne Apne Jadde Amjad Huzur Fardwakt Qutbe Alam Miya Rajsha Sahab Sundhvi (Rehmatullah Ta’aala Alaihi) Se,Apne Walid e Majid Mujjadid e Wakt Molana Abdullah Sha Sahab Se,Aur Apne Baradare Buzurghwar Molvi Muhammad Azeem (Rehmatullah Ta’aala Alaihi) Se Iktasabe Faiz Kiya.
Baith Aur Khilafat:- Walid e Majid Mujjadid e Wakt Molana Abdullah Sha Sahab Qadri Rajshahi (Rehmatullah Ta’aala Alaihi) Se.
Aulad Amjaad:-
1. Hazrat Molvi Ahmad Jan Sahab (Rehmatullah Ta’aala Alaihi)
2. Hazrat Molvi Khaleel ur Rehman Sahab (Rehmatullah Ta’aala Alaihi)
3. Hazrat Molvi Habeeb ur Rehman Sahab (Rehmatullah Ta’aala Alaihi)
4. Hazrat Miya Muhammad Usman Sahab (Rehmatullah Ta’aala Alaihi)
5. Hazrat Miya Azeez ur Rehman Sahab (Rehmatullah Ta’aala Alaihi)
6. Hazrat Miya Fazal ur Rehman Sahab (Rehmatullah Ta’aala Alaihi)
📚Book Reference📚
[Tazkira-e-Noori:-Safa:-42]
Khulfa e Ikram:-
1. Hazrat Molvi Ahmad Jan Sahab Qadri Rajshahi (Rehmatullah Ta’aala Alaihi)
2. Hazrat Molvi Khaleel ur Rehman Sahab Qadri Rajshahi (Rehmatullah Ta’aala Alaihi)
3. Hazrat Molvi Habeeb ur Rehman Sahab Qadri Rajshahi (Rehmatullah Ta’aala Alaihi)
📚Book Reference📚
[Tazkira-e-Noori:-Safa:-42]
Malfuzat:-
1. Duniya Aur Akhrat Me Khuda Ke Siwa Kisi Cheez Ko Mat Talash Karo.
2. Marne Se Pehle Mot Ka Saman Karo Take Dil Me Ak Noor Peda Ho Jave Aur Usse Seena Ki Khushadgi Hasil Ho.
3. Jannat Ke Lalach Aur Dozak Ke Dar Se Apni Ibadat Ko Mansoob Na Karo Balqi Khuda Azzavajal Aur Uske Rasool (SALLALLAHU-TA’AALA-ALAIHI-WASALLAM) Se Muhabbat Karte Hue Uske Ahkam Ki Na’Farmani Se Bacho,Dukh Aur Musibat Kaffara e Gunha Hai,Sabar Aur Shukur Ke Sath Uska Muqabla Karna Baise Tarakki Madraj Roh Hai,Haqooq ul Aabad Ka Bara Khayal Rakho Uski Mafi Insan Ke Hath Me Hai.
4. Jo Wazaif Bataye Gye Ho Pabandi Ke Sath Bajalai Isme Nafah Kaseer Hai,Mareez Agar Nuqsa Tabeeb Se Likha Le Aur Use Istamal Na Kare To Zahir Hai Ke Isme Nuksan Mareez Hi Ka Hai, Shagal Murshidi Ko Kisi Halat Me Na Chore.
📚Book Reference📚
[Tazkira-e-Noori:-Safa:-43]
Apka Wisal:- 5 Zilhijja 1372 Hijri,Mutabik 16 August 1953 Esvi Baroz Etvar Bawakte Subhe 4:37 Mint Par Wisal Farmaya.
Gusal:- 10:30 Mint Par Apko Gusal Diya Gya.
Namaze Janaza:- 2:45 Mint Par Namaze Janaza Ada Hue.
Tadfeen:- 3:15 Mint Par Apke Jism Mubarak Ko Sapurde Khak Kiya Gya.
Mazar Shareef:- Siryanwali Shareef,Tehseel Daska,Zila Siyalkot, Punjab,Pakistan Me Marjai Khalaik Hai…
📚Book Reference📚
[Tazkira-e-Noori:-Safa:-42]

Allah Kareem Hame Hazrat Molana Muhammad Umar Sha Sahab Qadri Rajshahi (Rehmatullah Ta’aala Alaihi) Ki Talimat Par Amal Karne Ki Tofeeq Ata Farmaye,Allah Azzavajal Apke Faizan Se Hame Malamal Farmaye…
(AMEEN BIJAHIN NABIYIL AMEEN)