Hazrat Meer Sayyed Hasan Qaadri al-Jilani rahmatullāhi alaihi

45850869_1431239767010543_2793277262793801728_n

Aap ki wilaadat Baghdad (Iraq) me hui.

Aap ke waalid ka naam Hazrat Shaikh Meer Sayyed Moosā bin Sayyed Ali Qaadri al-Jilani rahmatullāhi alaihi hai.

Aap Hasani saadaat hain.
Aur Hazrat Ghauṡ e aazam Abdul Qaadir Jilani radiy-Allāhu ta’ala anhu ki nasl se hain.

****************
Aap ne apne waalid Hazrat Shaikh Meer Sayyed Moosā Qaadri al-Jilani rahmatullāhi alaihi se ta’aleem wa tarbiyat haasil ki.

****************
Aap Waaqif-e-Roomuz-e-Haqaaiq, Shaikh-ul-Waqt aur Sadr-ul-Auliya the.

Aap Uloome Haal aur Roomuze Ahwaal me kamaal rakhte the.
Aap Ibaadat wa Riyazaat me tamaam muaaṡireen par faa’iq the aur akṡar Zikr o Fikr me mashgool rehte the.

****************
Aap (apne waalid) Hazrat Shaikh Meer Sayyed Moosā Qaadri al-Jilani rahmatullāhi alaihi ke mureed aur khalifa hain.

Aap ke khalifa (aap ke saahabzaade) Hazrat Shaikh Sayyed Mohiy-ud-deen Ahmad Qaadri al-Jilani rahmatullāhi alaihi hai.

****************
Aap ka wisaal 26 Safar 781 Hijri (13 June 1379 A.D.) ko hua.

Aap ka mazaar Baghdad (Iraq) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Meer Sayyed Hasan Qaadri al-Jilani rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.