Hazrat Maulana Sayyed Shaah Razi-ud-deen Husain Munemi rahmatullāhi alaihi

53086072_1516885108446008_124406858759798784_n
Aap ki wilaadat 1271 Hijri (1855 A.D.) me Meetanghat, Patna me hui.

Aap ke waalid ka naam Hazrat Sayyed Shaah Fakhr-ud-deen Mubarak Husain bin Aala Hazrat Sayyed Shaah Qamar-ud-deen Husain Munemi rahmatullāhi alaihi hai.

******************
Aap ne apne bade bhai Hazrat Sayyed Shaah Azeez-ud-deen Husain Munemi rahmatullāhi alaihi se ta’aleem wa tarbiyat haasil ki.

Hazrat Sayyed Shaah Azeez-ud-deen Husain Munemi rahmatullāhi alaihi ke wisaal ke baad Aap Khaanqaah-e-Munemia ke Sajjaada nasheen bane.

Aap bahot narm dil aur narm guftaar the.

Aap akṡar Roza rakhte the aur apna sab kaam khud hi karte the.

**************
Pariwaar :
‾‾‾‾‾‾‾‾‾‾‾‾
Aap ka nikaah Hazrat Sayyed Shaah Ali Husain Munemi Danapuri rahmatullāhi alaihi ki saahabzaadi se hua.
Jin se Aap ke 1 saahabzaada : Sayyed Shah Taqi-ud-deen Husain aur 2 saahabzaadiya hain.

Un ke inteqaal ke baad Aap ne dusra nikaah kiya, jin se Aap ke 1 saahabzaada : Sayyed Shash Azeem-ud-deen aur 1 saahabzaadi : Bibi Zaib-un-Nisaa hain.

******************
1347 Hijri (928 A.D.) me Aap ko Faalij ki takleef hui. Jis se sehatyaab hone ke baad Aap ne apne saahabzaade Sayyed Shah Taqi-ud-deen Husain rahmatullāhi alaihi ko Sajjaada nasheen banaaya.

******************
1348 Hijri (1929 A.D.) me Aap ko phir se Faalij (Brain Stroke) ki takleef hui.

Aap ne apne inteqaal ke 2 din pehle hi apne wisaal ki khabar de di aur apni qabr bhi tayyaar karwa li.

******************
Aap ka wisaal 17 Jamaadi uṡ ṡaani 1349 Hijri (9 November 1930 A.D.) ko hua.

Aap k mazaar Patna (Bihar) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Maulana Sayyed Shaah Razi-ud-deen Husain Munemi rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.