Hazrat Makhdoom Sayyed Shaah Fakhr-ud-deen Mubarak Husain Munemi Danapuri rahmatullāhi alaihi

21317800_1117553881712468_7758688750841911571_n

Aap ki wilaadat 18 Zil Qa’ada 1231 Hijri (October 1816 A.D.) ko Shaah Mannan ki gaddi, Mughalpura, Patna (Bihar) me hui.

Aap ke waalid ka naam Aala Hazrat Sayyed Shaah Qamar-ud-deen Husain Munemi bin Sayyed Shaah Shams-ud-deen Husain Danapuri rahmatullāhi alaihi hai.

Aap Husaini saadaat hain.

****************
Aap ke waalid ne apni sohbat wa nigraani me Aap ko uloom e zaahiri wa baatini ki ta’aleem ata farmai.

****************
1256 Hijri (1840 A.D.) jab Aap ki umr 24 saal ki thi tab Aap ke waalid ka inteqaal hua.
Is ke baad aap Sajjaada nasheen bane.

1264 Hijri (1848 A.D.) me Aap ne Meetanghat me Khaanqaah ke qareeb ki zameen ko khareedkar Khaanqaah ko badi banaaya.

Hazrat Maulana Sayyed Shaah Tajammul Husain bin Sayyed Shaah Muhammad Ehsaan aap ke waalid ki aur Aap ki bahot ta’azeem karte the.
Jamaadi uṡ ṡaani 1273 Hijri (February 1857 A.D.) me Hazrat Shaah Tajammul Husain ne wisaal ke waqt Aap ko Khaanqaah e Munemi ka Sajjaada nasheen banaaya.

****************
Aap hamesha saadgi se rehte the.
Aap Baghi ke zariye apna guzraan karte the.
Aap karaamat zaahir karne se zyada logo ko taaleem dena zaroori maante the.
Beshumaar logo ne aap se faiz haasil kiya.

Aap kai baar Kolkata ka safar karte the. Waha par bahot saare log aap ki taaleem aur faiz se muta’assir hokar aap ke mureed bane.

****************
Pariwaar :
‾‾‾‾‾‾‾‾‾‾‾‾
Aap ki 3 Biwiya aur 4 saahabzaade hain.

(1) Binte Hazrat Sayyed Shaah Muraad Ali,
(2) Binte Shaah Hasan Ahmad,
(3) Binte Khwaja Zaakir se 4 saahabzaade :
[1] Sayyed Muneer-ud-deen Husain
[2] Sayyed Azeez-ud-deen Husain
[3] Sayyed Sharf-ud-deen Husain
[4] Sayyed Razi-ud-deen Husain.

****************
Aap Hazrat Sayyed Shaah Shams-ud-deen Husain Danapuri rahmatullāhi alaihi ke mureed hain.
Aap ke waalid Hazrat Sayyed Shaah Qamar-ud-deen Husain Munemi rahmatullāhi alaihi ne Aap ko khilaafat ata farmai hai.

Aap ‘Munemi’ silsila ke shaikh hain.

Aap ke khulfa :
(1) Hazrat Maulwi Sayyed Shaah Hameed-ud-deen urfe Maulwi Mangan,
(2) Hazrat Maulwi Sayyed Waajid Husain Balkhi,
(3) Hazrat Sayyed Shash Tajammul Husain Munemi Raipuri
(4) Hazrat Sayyed Shaah Muhammad Yahyā Abul Ulai Azimabadi,
(5) Hazrat Qaazi Muhammad Ismāeel Qadimi,
(6) Hazrat Shaah Abul Barkat Madanpuri Danapuri,
(7) Hazrat Sayyed Shaah Wazeer Ata Danapuri,

****************
Aap ka wisaal 13 Zil Hijjah 1273 Hijri (August 1857 A.D.) ko 41 saal ki umr me Shah Toli, Danapur me hua.
Dusre din baad namaaz e zohar Aap ko dafn kiya gaya.

Aap ka mazaar Patna (Bihar) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Makhdoom Sayyed Shaah Fakhr-ud-deen Mubarak Husain Munemi Danapuri rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.