Hazrat Makhdoom Sayyed Sama-ud-deen Suharwardi rahmatullāhi alaihi

67884735_955397714804952_6044102515526467584_n

Aap ke waalid ka naam Sayyed Fareed-ud-deen hai.

Aap Hazrat Makhdoom Jahaaniyan Jahaangasht Sayyed Jalaal-ud-deen Husain rahmatullāhi alaihi ke khaandaan se hain.

****************
Aap ne Hazrat Meer Sayyed Shareef Jirjani se ta’aleem haasil ki.

Aap Uch se safar karte hue Gujarat aur Nagaur (Rajasthan) hote hue Sultaan Bahlul Lodi ke zamaane me Bayana tashreef laaye. Sultaan Sikandar Lodi ke zamaane me Aap Delhi tashreef laaye.
Sultaan Aap ki bahot ta’azeem karta tha aur Aap se mashwara leta tha.

Aap ne ek Madrasa ta’ameer kiya aur ta’aleem wa faiz ata farmaate rahe.

Aap bade muttaqi aur zaahid the. Aap ki nazare tawajjoh se beshumaar logo ke dil gunaah aur nafsaani khwaahishaat se paak ho gaye.

****************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Mifatah-ul-Asraar
(2) Sharh ‘Lama’at’

****************
Aap ke 2 saahabzaade hain :
(1) Abdullāh Biyabaani
(2) Nasir-ud-deen.

****************
Aap Hazrat Kabeer-ud-deen Ismāeel Suharwardi rahmatullāhi alaihi ke mureed aur khalifa hain.

Aap ke khulfa :
(1) Hazrat Shaikh Jamaal-ud-deen Haamid bin Fazlullāh urfe Shaikh Jamaali rahmatullāhi alaihi,
(2) (Aap ke saahabzaade) Hazrat Shaikh Nasir-ud-deen rahmatullāhi alaihi.

****************
Aap ka wisaal 17 Jamaadi ul awwal 901 Hijri (2 February 1496 A.D.) ko hua.

Aap ka mazaar Mehrauli, Delhi me Aulia masjid ke qareeb hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Makhdoom Sayyed Sama-ud-deen Suharwardi rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen