Hazrat Khwaja Sayyed Muhammad Ilm-ud-deen Chishti rahmatullāhi alaihi

45736040_1429519910515862_7160698694277267456_n

Aap ke waalid ka naam Hazrat Khwaja Sayyed Siraaj-ud-deen bin Khwaja Sayyed Kamaal-ud-deen Allama Chishti rahmatullāhi alaihi hai.

Aap Husaini saadaat hain.

*******************
Aap ne apne waalid se taa’leem haasil ki.

Aap akṡar mujaahida karte rehte.

Ta’aleem mukammal hone ke baad aap ke waalid ne Aap ko Khilaafat ata farmai.

*******************
817 Hijri (1414 A.D.) Aap ke waalid ke wisaal ke baad Aap Sajjaada nasheen bane.
Aur ta’aleem aur faiz ata karte rahe.

*******************
Aap Shariat ke paabandi ko Tasawwuf ki ta’aleem ke liye shart bataate. Aur farmaate ke “Jo shariat me kaamil aur paaband hai wo hi tareeqat ke qaabil hai.” Aur yeh bhi farmaate ke “Khilaafat milna yeh ALLĀH ki marzi ki baat hai. Jo qaabil hoga use khilaafat mil hi jaayegi.”

*******************
Aap Hazrat Khwaja Sayyed Siraaj-ud-deen Chishti rahmatullāhi alaihi ke mureed aur khalifa hain.

Hazrat Khwaja Banda nawaaz Gaisu daraaz Sadr-ud-deen Sayyed Muhammad Husaini rahmatullāhi alaihi ne bhi Aap ko khilaafat ata farmai hai.

Aap ‘Chishti Naasiri’ silsile ke Shaikh hain.
Aap ke khalifa (Aap ke saahabzaade) Hazrat Khwaja Sayyed Mahmood Raajan Chishti rahmatullāhi alaihi hain.

*******************
Aap ka wisaal 26 Safar ko hua.

Aap ka mazaar Patan (Gujarat) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Sayyed Muhammad Ilm-ud-deen Chishti rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.