Hazrat Khwaja Muhammad Siraaj-ud-deen Naqshbandi rahmatullāhi alaihi

47318030_1450657741735412_4763194344163246080_n

Aap ki wilaadat 15 Moharram 1297 Hijri (29 December 1879 A.D.) ko Peer ke roz Dera Ismāeel Khan me hui.

Aap ke waalid ka naam Hazrat Khwaja Muhammad Uṡmaan Damani bin Maulana Muhammad Moosā Jaan rahmatullāhi alaihi hai.

Aap Afghanistan ke Durrani qabeele ke Achakzai giroh se ta’alluq rakhte hain.

Aap ke pardaada Qaazi Shams-ud-deen Ahmad Shaah Abdaali ke zamaane me Qaazi the.

********************
Aap ne Mulla Shaah Muhammad Akhund, Maulana Mahmood Shirazi aur Maulana Husain Ali se taaleem haasil ki.
Khwaja Muhammad Usmaan Damani se Sulook aur Tasawwuf ki aur ‘Maktoobaate Imaam Rabbaani’ ki ta’aleem haasil ki.

3 Zil Qa’ada 1311 Hijri (9/10 May 1894 A.D.) ko aap ke waalid ne Aap ko khilaafat ata farmai aur tehreeri Ijaazat-naama (Sanad) ata farmai.

14 Jamaadi ul Awwal 1313 Hijri (2/3 November 1895 A.D.) ko Aap ko sanad ata ki gai.

********************
22 Sha’abaan 1314 Hijri (January 1897 A.D.) ko aap ke waalid ke wisaal ke baad 17 saal ki umr me Aap ne Khaanqaah Moosā Zai Shareef ki zimmedaari sambhaali.

********************
1324 Hijri (1906 A.D.) me 36 saathiyo ke saath Aap Hajj ke tashreef le gaye.
Madeena munawwara me qayaam ke dauraan ek roz ziyarat ke liye haazir hue to Masjid e Nabawi ke ek khaadim se mulaaqaat hui to unho ne Aap ko arabi libaas aur ek sham’aa di. Aap us libaas ko pahenkar us sham’aa se dusri 2 sham’aa roshan karke Roza e Rasool ke andar daakhil hue aur waha kuchh waqt tak rehkar dua ki aur faiz haasil kiya.

********************
Aap Hazrat Khwaja Muhammad Uṡmaan Damani rahmatullāhi alaihi ke mureed aur khalifa hain.

Aap ‘Naqshbandi Mujaddidi’ silsila ke Shaikh hain.

Aap ke khulfa :
(1) Hazrat Shaikh Peer Fazal Ali Qureshi Naqshbandi
(2) Hazrat Maulana Peer Ghulaam Hasan Sewaag
(3) Hazrat Maulana Qaadi Qamr-ud-deen Chakralwi
(4) Hazrat Maulana Sayyed Barkat Ali Shaah
(5) Hazrat Maulana Ghulaam Husain Kanpuri
(6) Hazrat Maulana Muhammad Noor Akhundzaada Qureshi
(7) Hazrat Maulana Abdur Rahmān Bigharwi (Rawalpindi)
(8) Hazrat Maulana Abdur Rahmān Arghasani
(9) Hazrat Maulana Abdur Rahmān Peshawari
(10) Hazrat Maulana Muhammad Yāseen Khurasani
(11) Hazrat Maulana Muhammad Aazam Daftani (Afghanistan)
(12) Hazrat Maulana Meer Muhammad Yahyā Khurasani
(13) Hazrat Maulana Sayyed Ameer Shaah Gilaani
(14) Hazrat Saahibzaada Maulana Muhammad Sa’eed Herati
(15) Hazrat Maulana Faizullāh Herati
(16) Hazrat Mulla Saahibzaada Kandahari
(17) Hazrat Maulana Abdullāh urfe Musaafir Shaah (Khurasan)
(18) Hazrat Maulana Abdul Quddoos Shaah (Punjab)
(19) Hazrat Maulana Shams-ud-deen Layalpuri (Faisalabad)
(20) Hazrat Maulana Ata Muhammad Qureshi (Kundiyan / Pakistan)
(21) Hazrat Maulana Abu Sa’ad Ahmad Khan Naqshbandi (Kundiyan / Pakistan)
(22) Hazrat Fateh Ali (Pakistan)
(23) Hazrat Maulana Charaagh-ud-deen
(24) Hazrat Maulana Noor-ul-Haq
(25) Hazrat Sayyid Wilaayat Shaah Hamdani
(26) Hazrat Sayyid Qamr-ud-deen Shaah (Shuja’abad)
(27) Hazrat Maulana Ghulaam Muhiy-ud-deen
(28) Hazrat Haaji Muhammad Ismāeel
(29) Hazrat Haaji Muhammad Rafeeq
(30) Hazrat Haafiz Muhammad Umar
(31) Hazrat Qaazi Dost Muhammad
(32) Hazrat Maulana Abdul Ahad
(33) Hazrat Haaji Jamaal-ud-deen (Kari Shamuzai)
(34) Hazrat Maulana Ahmad Deen Jhundmirwi.

****************
Aap ka wisaal beemaari ke sabab 26 Rabi-ul-Awwal 1333 Hijri (12 February 1915 A.D.) ko Jum’aa ke roz 36 saal ki umr me hua.

Aap ka mazaar Khaanqaah Moosā Zai Shareef, Dera Ismāeel Khan, (Pakistan) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Muhammad Siraaj-ud-deen Naqshbandi rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.