Hazrat Khwaja Muhammad Aafaaq Shaah Naqshbandi Mehraulwi rahmatullāhi alaihi

22089704_1129608670506989_6059430912643423011_n

Laqab :
‾‾‾‾‾‾‾‾
Aarif e Haq.

******************
Aap ki wilaadat 1160 Hijri (1747 A.D.) me hui.

Aap Hazrat Mujaddeed-e-Alf-e-Saani Imaam Shaikh Ahmad Sirhindi al-Faarooqi rahmatullāhi alaihi ke khaandan se hain.

****************
Aap ne Hazrat Khwaja Zia-ullāh Naqshbandi Mujaddidi Sirhindi rahmatullāhi alaihi se ta’aleem haasil ki aur un ke wisaal ke baad Aap ne Hazrat Mohammad Nasir Andalib ke saahabzaade aur khalifa Hazrat Meer Dard rahmatullāhi alaihi se taaleem haasil ki.

********************
Aap roz 10000 martaba Durood shareef aur 50000 martaba Kalma e Tayyabah padhte the.
Aur tahajjud me 10 se 12 khatm Qur’an majeed tilaawat farmaate the.
Aur roz 5 waqt Salaat-ut-Tasbeeh padhte the.

*******************
Aap Hazrat Khwaja Zia-ullāh Naqshbandi Mujaddidi Sirhindi rahmatullāhi alaihi ke khalifa hain.

Aap ke khulfa :
(1) Hazrat Maulwi Haidar Ali Shaah rahmatullāhi alaihi,
(2) Hazrat Maulana Fazl-e-Rahmān Gunj-muradabadi rahmatullāhi alaihi,
(3) Hazrat Khwaja Ala-ud-deen rahmatullāhi alaihi.

*************
Aap ka wisaal 7 Moharram 1251 Hijri (1835 A.D.) ko hua.

Aap ka mazaar Mehrauli, Delhi me Aazaad Market ke qareeb hai.

*************
ALLAĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Muhammad Aafaaq Shaah Naqshbandi Mehraulwi rahmatullāhi alaihi ke aur Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.