Hazrat Khwaja Ahmad Hankori rahmatullāhi alaihi

20106621_1611940348876813_2061679797071053176_n

Hazrat Khwaja Ahmad Hankori rahmatullāhi alaihi :

Aap ki wilaadat Naagor me hui.

Aap ke pardaada Madeena munawwara se Sindh aaye the aur Bhikkar gaanv me qayaam kiya tha. Waha se phir Naagor aa gaye the.

***************
Bade hone ke baad Aap jab Delhi tashreef le gaye tab Aap ne Hazrat Mehboob e Ilāhi Khwaja Nizaam-ud-deen Auliya rahmatullāhi alaihi se bai’at ki aur peer ki khidmat karte rahe.

***************
813 Hijri (1411 A.D.) me Gujarat ke Sultaan Ahmad Shaah ne Khwaja Nizaam-ud-deen Auliya ko khat likhkar darkhwaast ki ke ‘Mujhe Saabarmati nadi ke kinaare Ahmedabad naam ka shaher basaana hai aur us shaher me ALLĀH ke nek aur barguzida bando ko laakar basaana hai taake ye shaher qayaamat tak aabaad rahe.’ Tab Khwaja ne Aap ko Gujarat jaane ke liye farmaaya aur Aap Gujarat tashreef laaye.
Aap Ilm e Taamir (Architecture) ke maahir the. Shaher ki imaarate jaise Qilaa, Fauji khaane wagairah Aap ke mufeed mashware se banaaye gaye.

Aap Ahmedabad me sukoonat ikhtiyaar karke ibaadat aur riyazat karte rahe aur logo ko ta’aleem aur faiz ata karte rahe.

*****************
Aaj bhi beshumaar log Aap ke waseele se dua karke faizyaab hote hain. Qarzdaar ko qarz se najaat milti hai aur galat ilzaam ki wajah se qaid hue mazloomo ko qaid se rihaai milti hai.

******************
Aap Hazrat Mehboob e Ilāhi Khwaja Nizaam-ud-deen Auliya rahmatullāhi alaihi ke mureed aur khalifa hain.

******************
Aap ka wisaal 18 Shawwaal ko hua.

Aap ka mazaar Khaas Bazaar, Ahmedabad (Gujarat) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Ahmad Hankori rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.

No photo description available.