Hazrat Khwaja Abdul Ahad urfe Shaah Gul Sirhindi rahmatullāhi alaihi

41416282_1391541480980372_8650879061238743040_n

Aap ki wilaadat 1050 Hijri (1640 A.D.) me hui.

Aap ke waalid ka naam Hazrat Khwaja Shaikh Muhammad Saeed bin Imaam Shaikh Ahmad Sirhindi rahmatullāhi alaihi hai.

*******************
Aap ne apne waalid Hazrat Khwaja Shaikh Muhammad Saeed Sirhindi rahmatullāhi alaihi se ta’aleem haasil ki.
Phir apne chacha Hazrat Khwaja Shaikh Muhammad Ma’asoom Sirhindi rahmatullāhi alaihi se uloom-e-baaini k ta’aleem haasil ki aur un se bai’at ki.

*******************
Phir logo ko ta’aleem wa faiz ata farmaate rahe.
Aap apne zamaane ke azeem masha’ikh me se hain.
Aap paabande shariat the aur Hazrat Mujaddid e alfe ṡaani ki ta’aleemaat par amal karte aur logo ko is ki ta’aleem dete.
Aap Mughal khaandaan ke logo ko khato ke zariye ta’aleem farmaate.

Aap ke kai shaagirdo ne Arab aur Africa ke mulko me safar karke logo ko islaam aur Naqshbandi silsila ki ta’aleem farmai.

*******************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Al-Jannaat as-Samaaniyya (Arabi)
(2) Kuhl-ul-Jawaahir
(3) Lataa’if-ul-Madeenah
(4) Sabeel-ul-Rashad.

Aap ne ‘Wahdat’ takhallus ke saath baht saari nazmen bhi lkhi hain.
Jis me ‘Deewaan’ aur ‘Maṡnawi Chahaar Chaman’ mash’hoor hain.

*******************
Aap (apne chacha) Hazrat Khwaja Shaikh Muhammad Ma’asoom Sirhindi rahmatullāhi alaihi ke mureed aur khalifa han.
(Aap ke waalid) Hazrat Khwaja Shaikh Muhammad Saeed rahmatullāhi alaihi ne bhi Aap ko khilaafat ata farmai hai.

Aap ke khalifa :
(Aap ke saahabzaade) Hazrat Khwaja Muhammad Haneef rahmatullāhi alaihi.

*******************
Aakhri dino me Aap Sirhind se Shahjahanabad tashreef le gaye aur farmaaya ke “ Kuchh waqt me Sikh Sirhind par hamla karenge.” 3 mahine baad Sikho ne Sirhind par hamla kiya.

*******************
Aap ka wisaal 27 Zil Hijjah 1127 Hijri (24 December 1715 A.D.) ko Jum’aa ke roz Delhi me hua.

Wisaal ke baad Aap jisme at’har ko Sirhind le jaaya gaya.

Aap ka mazaar (Sirhind, Punjab) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Abdul Ahad urfe Shaah Gul Sirhindi rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.