Hazrat Haaji ShaahJi Mohammad Sher Mian Qaadri Naqshbandi rahmatullāhi alaihi

39515406_1372430722891448_4049062963556909056_n

Laqab :
‾‾‾‾‾‾‾‾‾‾
Qutb-e-Pilibhit.

****************
Aap ki wilaadat 1199 Hijri (1786 A.D.) me Mohalla Muneer Khan, Pilibhit me hui.

Aap ke waalid ka naam Hazrat Mohammad Khan aur waalida ka naam Noor Jahaan Begum binte Mohammad Is’hāq Khan hai.

Aap Hazrat Abu Bakr Siddeeq radiy-Allāhu ta’ala anhu ki nasl se hai.

****************
12wi sadi Hijri (18 sadi A.D.) me Aap ke daada Hazrat Deewaana Shaah rahmatullāhi alaihi kuchh buzurgo ke saath isha’ate Islaam ke liye Madeena munawwara se Afghanistan tashreef laaye aur phir Hindustan tashreef laaye. Kuchh arse baad Hazrat Deewaana Shaah Khusrasan waapas laut gaye. Magar Hazrat Mohammad Khan Shah Jahaan pur me muqeem hue aur kuchh waqt bad Hafizabad (Pilibhit) me muqeem hue.

****************
Aap bahot muttaqi, aur aabid o zaahid the. Aur saahibe karaamat buzurg the.
Ek martaba Aap masjid me Aala Hazrat Imaam Ahmad Raza Khan Bareilwi rahmatullāhi alaihi ke saath baithe hue the. Ek shakhs ne aakar arz ki ke ‘Huzoor! Meri biwi 2 din se gaa’ib hai.’ Aala Hazrat ne us shakhs ka aur us ki biwi ka naam puchha aur apni aankhen band kar li. Kuchh der baad aankhe khol kar Aala Hazrat ne farmaaya ‘Tumhari biwi Delhi ke ek Dhaabe par aata gund rahi hai.’ Us shakhs ne kaha ‘Sarkaar! Agar pata bata diya hai to bula bhi dijiye.’ Aala Hazrat ne farmaaya ‘Bulaane ka kaam mera nahi hai, wo ShaahJi Mian ka hai.’ Ye sunkar Aap ne apni aankhen band ki aur kuchh der baad aankhen kholkar farmaaya ‘Jaao, Tumhari biwi masjid ke pichhe tumhara intazaar kar rahi hai.’ Us shakhs ne baahar jaakar dekha to us ki biwi masjid ke pichhe khadi thi aur us ke haath mo aata laga hua tha.

****************
Aap ke khalifa Hazrat Maulana Sayyed Abdul Baseer Mian urfe Sarkaar Allāhu waale Mian rahmatullāhi alaihi hain.

****************
Aap ka wisaal 5 Zil Hijjah 1324 Hijri (20 January 1907 A.D.) ko hua.

Aap ka mazaar Pilibhit (Uttar Pradesh) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Haaji ShaahJi Mohammad Sher Mian rahmatullāhi alaihi aur tamaam Auliya Allāh aur Ahle bait aur Ashaaba ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.