Hazrat Allama Syed Muhammad Khaleel Kazmi Almaroof Allama Khaki (Raziallahu ta’ala anhu)

50th Urs Mubarak 🌹
Qudwat us Salikeen,Zebatul Aarifeen,Khawaja Siraj-ud-Deen Khatim ul Muhaddiseen,Hazrat Allama Syed Muhammad Khaleel Kazmi Almaroof Allama Khaki (Raziallahu ta’ala anhu)

WhatsApp Image 2019-06-02 at 2.07.50 PM

 

Mukhtasar Tarruf
Apki Wiladat:- 1 Shawwal 1313 Hijri,Mutabik 16 March 1896 Baroz Do Shamba Subhe Sadiq Ke Wakt Muhallah Katkoi Amroha Zila Muradabad Me Hue,Ap Hazrat Syedna Imam Musa Kazim (A.S) Ki Aulad e Pak Me Se Hai,Apki Wiladat Ki Khabar Sunkar Apke Jadde Amjad Ke Bhai Hazrat Hafiz Yakoob Ali Sahab Aur Apke Dada Peer Hazrat Sha Ji Gulam Haider Sahab Apko Dekhne Ke Liye Tashreef Laye,Hafiz Sahab Ne Apko Bade Piyar Se God Me Liya Aur Apke Dahine Kan Me Azan Aur Baye Kan Me Akamat Kahi Aur Farmaye Mera Ye Beta Khandan Ka Chashmo Cheerag Hoga,Sha Ji Gulam Haider Sahab Ne Apni Dastar Apke Sar Mubarak Par Rakhi Farmaya “Mera Ye Beta Madarzad Wali Aur Mera Khalifa Hai” Sha Sahab Ki Zuban Mubarak Se Ye Jumla Sunkar Ap Muskura Diye..

Apka Chajra e Nasab:- Hazra Allama Syed Muhammad Khaleel Kazmi Bin Hazrat Syed Mukhtar Ahmad Kazmi Bin Hazrat Syed Hafiz Yusuf Ali Kazmi Bin Molana Syed Sha Wasiullah Kazmi Bin Molana Syed Zaifullah Kazmi Bin Molana Syed Sha Saifullah Kazmi Bin Molana Syed Meer Muhammad Ashraf Kazmi Bin Molana Syed Muhammad Hasan Kazmi Bin Syed Badi uz Zama Kazmi Bin Syed Muhammad Ameen Kazmi Bin Syed Sha Abdul Wahab Kazmi Bin Syed Muhammad Azeem Kazmi Bin Syed Hafeezullah Kazmi Bin Syed Lateefullah Kazmi Bin Syed Muhammad Kazmi Bin Syed Mehmood Kazmi Bin Syed Muhammad Hussain Kazmi Bin Syed Muhammad Yaiyah Kazmi Bin Syed Hussain Kazmi Bin Syed Imam Kazmi Bin Syed Khawaja Hussain Kazmi Bin Syed Meer Dost Kazmi Bin Syed Asadullah Kazmi Bin Syed Nasir Kazmi Bin Syed Sa’ib Kazmi Bin Ameer Kabeer Syed Khizar Kazmi Bin Syed Asadullah Kazmi Bin Syed Suleman Kazmi Bin Syed Sirajuddeen Kazmi Bin Syed Badiuddeen Kazmi Bin Syed Sultan Mohsin Kazmi Bin Syed Sultan Bayazeed Kazmi Bin Syed Imam Abu Ishaq Kazmi Bin Syed Abul Qasim ul Hussain Kazmi Bin Bin Syed Ali Asgher Kazmi Bin Syed Abul Tayyab Ahmad Kazmi Bin Syed Abul Hasan Muhammad Kazmi Bin Syed Abul Qasim Jafar Kazmi Bin Syed Ubeedullah Kazmi Bin Hazrat Imam Musa Kazmi Bin Hazrat Imam Jafar Sadiq Bin Hazrat Imam Muhammad Baqar Bin Hazrat Imam Ali Aosat Imam Zain ul Aabideen Bin Hazrat Syed ush Shoda Mola Imam Hussain Bin Hazrat Syedna Mola Ali Murtuza Shohare Namdar Syyeda e Kaynat Syyeda Fatima Zehra Binte Imam ul Ambiya Khatim ul Nabiyeen Hazrat Muhammad Mustufa (SALLALLAHU-TA’AALA-ALAIHI-WASALLAM)
Ap Huzur Gazaliye Zama Hazrat Allama Syed Ahmad Saeed Kazmi (R.H) Ke Peero Murshid Aur Baradare Akbar Hai..

WhatsApp Image 2019-06-02 at 2.07.51 PM
Bachpan Mubarak:- Hazrat Allama Khaeel Kazmi (R.H) Ibtada Se Hi Nihayat Bhole Masoom Aur Sabir The,Apne Kabhi Khane Peene Ki Cheezo Par Jhagra Aur Hat Nahi Ki,Ap Apne Hisse Ki Cheeze Apne Chote Behan Bhaiyo Ko Khila Kar Khush Hote The,Kabhi Kabhi Chipri Roti Ki Khuwaish Karte Ghee Mojood Na Hota To Apki Walida e Majida Ruyi Ko Pani Me Bhigokar Roti Par Mal Deti Aur Ap Khush Ho Kar Kha Lete,Molvi Rizwan ul Wasi Marhoom Ka Bayan Hai:-Jab Hum Sab Bacche Aa Pas Me Khelte Aur Khel Me Larayi Ho Jati To Ap Alag Ho Jate The Aur Us Jagah Jakar Khade Ho Jate Jaha Ab Apka Markad e Pur Noor Hai,Hum Hairan The Ke Waha Khade Hokar Kya Karte Hai Aakhir Ak Din Humne Chup Kar Dekha Aur Unki Bate Suni Ap Keh Rahe The “Aee Allah Me Baccho Ke Khel Me Shareeq Hu Inki Ladayi Me Nahi Mujhe Maf Farma”Ap Badtameez Baccho Ki Sohbat Se Gurez Rakhte The Aur Buzurgho Ki Nasiyat Gor Aur Tawajjo Se Sunte Aur Us Par Amal Karte The..
Taleem wa Tarbiyat:- Apne Walid e Muhtaram Ke Zeere Saya Apne Quran e Majeed Nazra,Ibtadayi Urdu Aur Farsi Neez Sarf wa Nehv Amroha Me Parh Kar Madarsa Aaliya Riyasat Rampur Dakhila Liya Aur Waha Ka Mukammal Nisab Taleem Hasab Tarbiyat Darjat Nihayat Mehnat wa Riyazat Ke Sath Pura Karke Darja Aala Ki Sanad Imtiyazi Shan Se Hasil Ki..
Baith wa Khilafat:- Ap Uloom Zahiri Ki Takmeel Ke Sath Sath Uloom e Batni Aur Marfat e Ilahi Ke Husool Me Bhi Kosha Rahe,Chunache Is Maqsad Ko Hasil Karne Ki Khatir Apne Chishtiya Sabriya Qadriya Naqshbandiya Suharwardiya Slasil Me Apne Walid e Muhtarm Hazrat Molana Syed Mukhtar Ahmad Kazmi (R.H) Ke Daste Haq Parast Par Baith Ki Aur Bhut Jald Sulook Ki Tamam Rahe Tee Karke Ijazat wa Khilafat Jumla Salasil e Aaliya Hasil Ki Aur Khalifa e Awwal Ke Sharf Se Musharf Hue..

WhatsApp Image 2019-06-02 at 2.07.52 PM
Quwwate Hafza:- Ap Madarsa Aaliya Rampur Se Faragat Ke Bad Baraily Me Aalahazrat (R.H) Ke Dars e Bukhari Me Shirkat Farmate The,Khatam e Bukhari Shareef Ke Bad Rampur Tashreef Laye Kapre Ki Tijarat Shuru Ki Aur Kuch Tution Bhi Kiye,Shaban ul Muazzam Ki Aakhri Tareekh e Thi,Apne Tat Sha Miya Ki Masjid Me Maghrib Ki Namaz Ada Ki Namaz Ke Bad Chand Namazi Hasrat Bhare Lehje Me Keh Rahe The Is Martaba Maseeta Khan Ke Sahabzade Kahi Aur Qalam e Pak Sunayenge Hum Gareeb Dusre Hafiz Kha Se Bando bast Kare Ak Dusre Namazi Ne Kha Bhai Is Bar “Almtra” Se Tarawi Parhna Parengi,Ap Unki In Bato Se Behad Mutassir Hue,Farmaya Insha Allah Tala Me Apko Qalam e Pak Sunaunga,Chunache Ap Wade Ke Mutabik Rozana Deer Para Khud Hifz Karte Aur Tarawi Me Suna Dete The,Apne Apne Walid e Mukarram Ko Likha Me Tat Sha Miya Ki Masjid Me Qalam Pak Suna Raha Hu 21 Ramzan Ko Khatam Karunga Tashreef Laiye,Apke Walid e Mohtaram Hazrat Molana Syed Mukhtar Ahmad Kazmi (R.H) Ki Hairat Aur Khushi Ki Inteha Na Rahi Aur Chand Ahbab Ke Sath Rampur Tashreef Laye Aur Khatam e Qalam e Pak Ke Jumla Ikrajat Apni Jaib Khas Se Kiye, Is Tarha Apne Sirf 20 Roz Ke Mukhtasar Arsa Me Kisi Ustad Ki Madad Ke Bagair Pura Qalam e Pak Hifz Kar Liya….
Shairy:- Hazrat Allama Dore Hazira Ke Sabse Bade Aalime Deen The,Jumla Uloom e Deeniya Par Kamil Uboor Rakhte The,Khususan Ilm Hadees,Fikha,Nehv Me Apka Jawab Na Tha,Sher gohi Ka Shok Bachpan Se Tha,Khaki Apka Takhallus Tha,Apko Kisi Se Isla Ke Talib Nahi Hue..

Nikah wa Aulad:- Apki 2 Shadiya Hue,Pehli Biwi Se 2 Sahabzade Aur 3 Sahabzadiya Hue,Ye Pancho Hi Wafat Pa Chuke Hai.
Sahabzado Ke Nam:-
1.Hazrat Molana Muhammad Aaqeel Kazmi Sahab
2.Hazrat Allama Hafiz Ziya ul Mateen Sahab
Sahabzadiyo Ke Nam:-
1.Munavvara Khatoon
2.Bilkees Fatima
3.Rabia Fatima
Dusri Shadi Apke Chacha Hafiz Ali Ahmad Sabir Sahab (R.H) Ki Sahabzadi Syyeda Siddiqa Khatoon Kazmi Se Hue,Jinse 6 Sahabzade Aur 6 Sahabzadiya Hue:-
Sahabzado Ke Nam:-
1.Hazrat Syed Margoob ul Ameen Kazmi Sahab (R.H) Apka Wisal 9 Rabi us Sani 1440 Hijri Me Hua
2.Hakeem Sageer Ahmad Sahab
3.Hazrat Molana Noor ul Ameen Kazmi Sahab (Khalifa Mijaz Allama Khaki (R.H) Ap Is Wakt Huzur Allama Khaleel Kazmi (R.H) Ki Dargah Shareef Ke Sajjada Nasheen Hai
4.Janab Shan Ahmad Sahab
Ye Charo Bhai Deeni Wa Duniya Uloom Ke Sath Buland Paya Shayar Bhi Hai
5.Sir ul Ameen Kazmi Sahab
6.Qareeb Ahmad Kazmi Sahab
Ye Dono Wafat Pa Chuke Hai
Sahabzadiyo Ke Nam:-
1.Zafra Khatoon
2.Tarifa Khatoon
3.Basira Khatoon
4.Moeen Akhtar
Ye Charo Behne Deeni wa Duniya Uloom Ke Sath Shergoyi Me Layak e Fakhar Hai.
5.Sabra Khatoon
6.Farida Khatoon
Ye Dono Wafat Pa Chuki Hai.

WhatsApp Image 2019-06-02 at 2.07.54 PM
Apka Wisal:- 27 Ramzan ul Mubarak 1390 Hijri,Mutabik 28 November 1970 Baroz Hafta,Bawakte 6:00 Baje Subhe Hua..
26 Ramzan ul Mubarak 1390 Hijri Ko Hazrat Allama Khaleel Kazmi (R.H) Pilibheet Se Aur Apke Sahabzada Syed Sageer Ahmad Ambala Se Amroha Aa Rahe The, Muradabad Ke Station Par Dono Ki Mulaqat Huyi,Iftar Ka Wakt Muradabad Me Ho Gya Tha,Apne Ak Khajoor Se Roza Iftar Kiya,Isha Ke Wakt Ghar Pouche,Tabiyat Na’saaz Thi,Ap Piyali Chaye Ke Alawa Apne Kuch Na Khaya Piya,Isha Ki Namaz Aur Tarawi Ada Karke Apne Ahle Khana Se Kha Aj Shab Qadar Hai Mere Parhne Me Mugal Na Ho Ye Keh Kar Ap Palang Par Daraz Ho Gye,Aur Qalam e Pak Ki Tilawat Shuru Kardi,Halat Lamha Ba Lamha Gair Hoti Ja Rahi Thi,Tamam Ahle Khana Pareshan The,Lekin Ap Tilawat Me Masroof The,Bar Bar Pouchte Sheri Ka Wakt To Khatam Nahi Hua,Apko Kha Jata Abi Sehri Ka Wakt Baqi Hai,Apko Jo Dawayi Di Jati Apko Usko Nikal Dete,Fajr Ki Namaz Ka Wakt Khatam Ho Chuka Tha,Apki Zuban e Mubarak Par Quran e Kareem Ki Aakhri Surat Thi,Yakayak Qalam e Shahadat Parha Aur Jan Jane Aafreen Ke Sapurd Karke Wasile Bahaq Ho Gye..
(Inna Lil Lahi Wa Inna Alehi Rajioon)
Yeh Bhi Apki Seerat e Pak Ka Ak Roshan Pehlu Hai Ke Aakhir e Wakt Tak Apne Kisi Se Koi Khidmat Nahi Li Aur Na Kisi Ko Koi Takleef Di,Apne 77 Sal Ki Umar Shareef Payi,Apke Janaza Me Hazaro Logo Ne Shirkat Ki Zuhar Aur Asr Ke Darmiya Hazrat Meer Muhammad Ashraf Sahab (R.H) Ke Qadmo Me Madfoon Hue..
Apka Mazar e Pak:- Muhallah Katkoyi Amroha Shareef (U.P) India Me Marjai Khalaik Hai…

Irshadat:-
1.Jo Qom Apni Tehzeeb Ko Chor Kar Dusro Ki Tehzeeb Ko Apna Leti Hai Wo Fana Ho Jati Hai
2.Darhi Mudwana Ya Katarwana Aur Mouche Rakhna Khilaf e Sunnat Hai,Apne Chere Ko Ak Mard Momin Ka Chera Banao Yehi Tumhari Penchan Hai,Jisne Apni Pehchan Khodi Wo Khud Hi Gum Ho Gya.
3.Agar Tehkeek Hai Ke Imam Ke Aaqaid Batil Hai To Uske Peeche Namaz Na Parho..

Apke Kuch Khulfa Ke Ism Shareef:-
1.Gazaliye Zama Hazrat Syed Allama Ahmad Saeed Kazmi (R.H) Multan Pakistan
2.Hazrat Hafiz Syed Jameel Ahmad Sahab Kazmi (R.H) Karachi Pakistan
3.Molana Syed Aaqeel Kazmi Sahab (R.H)
4.Hazrat Molana Noor ul Ameen Kazmi Sahab (D.A)
5.Hakeem e Millat Peere Tariqat Hazrat Hakeem Syed Muhammad Ahmad Sahab Qadri Chishti Sabri (R.H)
(Baniye Madarsa Jamia Ghousia Rizwiya Saharanpur)…
Allah Kareem Hame Huzur Qudwat us Salikeen Khawaja Siraj ud Deen Khatim ul Muhaddiseen Hazrat Allama Syed Muhammad Khaleel Kazmi Almaroof Allama Khaki (Raziallahu Ta’ala Anhu) Ki Seerat Par Amal Karne Ki Tofeeq Ata Farmaye,Hame Apke Faizan Se Malamal Farmaye.
(Ameen)

WhatsApp Image 2020-05-25 at 11.57.21 AM

Hazrat Khwaja Allama Sayyed Siraaj-ud-deen Mohammad Khaleel Kaazmi Khaaki rahmatullāhi alaihi :
♦♦♦♦♦♦♦♦♦♦♦♦♦♦♦♦♦♦♦♦

Laqab :
‾‾‾‾‾‾‾‾
Khaatim-ul-Mohaddeeṡeen.

******
Aap ki wilaadat 1 Shawwaal 1313 Hijri (16 March 1896 A.D.) ko Peer ke roz Subah saadiq ke waqt Mohalla Katkoi, Amroha (Zila Muradabad) me hui.

******
Aap ke waalid ka naam Hazrat Maulana Sayyed Muhammad Mukhtaar Ahmad bin Haafiz Sayyed Yousuf Ali Kaazmi rahmatullāhi alaihi hai.

Aap Husaini saadaat hain aur Hazrat Imaam Sayyed Moosā al-Kaazim rahmatullāhi alaihi ki nasl se hain.

******
Aap paidaish ki khabar sunkar aap ke jadde amjad ke bhai Hazrat Haafiz Ya’aqoob Ali Kaazmi aur aap ke daada peer Hazrat Shaah jee Ghulaam Haidar saahab aap ko dekhne ke liye tashreef laaye. Haafiz saahab ne bade pyaar se aap ko god me liya aur daahine kaan me azaan aur baayen kaan me iqaamat padhi. Aur farmaaya “Mera yeh beta khaandaan ka chashm o chiraagh hoga.” Shaah saahab ne apni dastaar mubarak aap ke sar mubarak par rakhi aur farmaaya “Yeh farzand maadar-zaad wali hai aur mera khalifa hai.” Hazrat se yeh jumle sunkar aap muskuraaye.

******
Aap bachpan se hi bahot ma’asoom aur saabir the. Kabhi khaane peene ki koi cheez ke liye zid nahi karte the. Aap ki waalida rooee ko paani me bhigokar roti par malkar aap ko deti to aap khushi se khaa lete. Apne hisse ki cheezen bhi apne chhote bahen bhaaiyo ko khilakar khush hote the.

Aap buzurgo ki naseehat ghaur aur tawajjoh se sunte aur us par amal karte.
Bad-tameez aur shareer bacho se door rehte. Khelte khelte bacho me kisi baat par ladaai hoti to aap waha se door chale jaate. Ek martaba Maulwi Rizwaan-ul-Waaase’a jo bachpan me aap ke saath khela karte the, unho ne pichha kiya to aap us maqaam par khade rahe jaha par aaj ka roza hai aur kehne lage “Aye ALLĀH! Main bacho ke khel me shareek tha, un ki ladaai me nahi. Mujhe muaf farma.”

******
Aap ne apne waalide mohtaram se Qur’ān majeed ki aur urdu aur faarsi ki ibtidaai ta’aleem haasil ki.
Phir Amroha me Ilme Sarf wa Nahaw ki ta’aleem haasil ki.
Phir Madrsa Aaliya Rampur me mazeed ta’aleem haasil karke Sanad haasil ki.
Aap ne Hazrat Maulana Wazeer Muhammad Khan Rampuri, Maulana Nazeer-ud-deen Amrohawi, Maulana Ma’az’ullāh Khan Rampuri, Maulana Muhammad Ameen Khan Afghani, Maulana Sayyed Abdul Azeez Ambethwi Rampuri, Maulana Abdul Haq Khairabadi, aur Maulana Fazle Haq Shah-jahanpuri ta’aleem haasil ki. Qaari Ali Husain Rampuri se Qir’at aur Tajweed ki ta’aleem haasil ki.
Aap ne har imtihaan me imtiyaazi haisiyat se kaamyaabi haasil ki.
Aap ke adab o ehtaraam aur ilmi ista’adaad wa zauq ki wajah se aap ke asaatiza aap par fakhr o naaz karte the.
Aap ne apni ilmi liyaaqat wa zahaanat ki binaa par riyaasat se kai baar in’aam haasil kiye.

Madrsa Aaliya Rampur me ta’aleem ke dauraan Aap Maseeta Khan ke yaha qayaam kiya. Lekin fitri ghairat aur khuddaari ki wajah se aap ko kisi par bojh banna gawaara nahi tha. Aap ko rozaana 2 paise wazeefa milta tha us me se aap apna guzaara karte rahe. Aap gud, chane, aaloo aur sakarkandi khaakar basar awqaat karte. Aur us qaleel wazeefe me se bbi paise bachaate aur jab ghar jaate to apni waalida ko nazr karte the.

******
Phir Aap ne apne waalid se Bai’at karke baatini ta’aleem haasil ki.

Is ke baad Bareilly tashreef laaye aur Aala Hazrat ke darse Bukhari me shirkat karte rahe.

******
Khatme Bukhari ke baad aap Rampur tashreef laaye aur kapdo ki tijaarat shuru ki aur kuchh Tution bhi kiye.

Ek martaba Sha’abaan-ul-Muazzam ki aakhri taareekh ko Taat Shaah Miyan ki Masjid me namaaze Maghrib ada karne ke baad chand namaazi aapas me baaten kar rahe the ke “Is martaba Maseeta Khan ke saahabzaade kahi aur Qalaam e paak sunayenge. Hum ghareeb itni jaldi dusre Haafiz ka intazaam kaha se karenge.” Ek shakhs ne kaha “Is baar Alam tara se Taraaweeh padhni padegi.” Aap ne unki baaten sunkar farmaaya “In shaa Allāh main Aapko Qalaam e paak sunaunga.” Chunaache Aap rozaana dedh paara yaad karte aur Tarazweeh me suna dete.
Aap ne apne Waalid e mohtaram ko likha “Main Taat Shaah miyan ki masjid me Qalaame paak suna raha hu. 21 Ramazaan ko khatm karunga. Tashreef laaiye.” Aapke waalid e mohtaram Hazrat Maulana Sayyed Mukhtaar Ahmad Kaazmi Ki hairat aur khushi ki inteha na rahi aur chand ahbaab ke saath Rampur tashreef laaye aur khatm e Qalaam e paak ke jumla ikhrajaat apni jaibe khaas se kiye. Is tarah Aap ne sirf 20 roz ke mukhtasar arsa me kisi ustaad ki madad ke baghair pura Qur’ān majeed Hifz kar liya.

******
Aap Qur’an, Hadeeṡ, Fiq’h, Arabi, Nahaw aur Adab ke maahir the.

Aap Qudwat-us-Saaliheen aur Zubdat-ul-Aarifeen the.

******
Huzoor Mufti e aazam e Hind Muhammad Mustafa Raza Khan Bareilwi rahmatullāhi alaihi bayaan karte hain ki “Hazrat Allama jo fatawa saadir farmaate the aur log us fatawe ko tasdeeq ke liye mere paas laate the us ko padhkar meri hairat ki intiha na rehti, nihaayat mukhtasar lekin jaame aur mudallil hota tha, un ke fatawe mere ilm me izaafe baa’iṡ hote the aur main al-jawaab saheeh likh diya karta tha.”

Denmark me din ka waqt 22 ghante ka hota hai, maghrib ka waqt khatm hote hi subah hone ke aaṡaar shuru ho jaate hain. Is liye Ishaa ki namaaz ka waqt hi nahi hota. Namaaze Ishaa ki adaayagi ke muta’alliq fatawa talab kiya gaya. Dunya ke mukhtalif idaaro ke Muftiyaan ne fatawe saadir kiye ke “Waha ke log ishaa ki namaaz bataur qaza ada karenge.”
Aap ke saamne bhi yeh mas’ala pesh kiya gaya. Aap ne Qur’an majeed ki aayat tilaawat farmai “Innas salaat kaanat alal muamineen kitaaban mauqoota. [Tarjuma : Beshak namaaz mo’mino par muqarrar waqto par farz hai.]” Aap ne fatawa diya ke “Jab waha ishaa ka waqt hota hi nahi to waha ke log ishaa ki namaaz ada nahi karenge, wo 4 hi waqt ki namaaz padhenge.” Aap ke is fatawe ko sab ne tasleem kiya.

******
Aap ne ‘Khaaki’ takhallus ke saath bahot saare sher likhe hain.

******
Aqwaal :
‾‾‾‾‾‾‾‾‾‾
Aap irshaad farmaate hain :
(1) Jo Qaum apni Tehzeeb e haq ko chhod kar dusro ki tehzeeb ko apna leti hai woh Fana o barbaad ho jaati hai.
(2) Daadhi mundwaana ya katarwaana aur moonchhe badhaana Khilaaf e Sunnat hai. Apne chere ko ek Mard e mo’min ka chehra banao, yehi tumhari penchaan hai. Jisne apni pehchaan kho di woh khud hi gum ho gaya.
(3) Agar tehqeeq hai ke Imaam ke Aaqaa’id baatil hai to uske peeche Namaaz na padho.

******
Pariwaar :
‾‾‾‾‾‾‾‾‾‾‾‾
Aap ki 2 biwiya, 8 saahabzaade aur 9 saaabzaadiya hain.

[1] Pehli biwi se 2 saahabzaade aur 3 saahabzaadiya hain.

Saahabzaade :
(1) Maulana Muhammad Aaqeel Kaazmi
(2) Allama Haafiz Zia-ul-Mateen.
Saahabzaadiya :
(1) Munawwara Khaatoon
(2) Bilkees Faatima
(3) Raabia Faatima.

[2] Sayyeda Siddeeqa Khaatoon binte Haafiz Sayyed Ali Ahmad Saabir Kaazmi se 6 saahabzaade aur 6 saahabzaadiya hain.

Saahabzaade :
(1) Margoob-ul-Ameen Kaazmi
(2) Hakeem Sagheer Ahmad Kaazmi
(3) Hazrat Molana Noor-ul-Ameen Kaazmi (Maujooda Sajjaada nasheen)
(4) Shaan Ahmad Kaazmi
(5) Sirr-ul-Ameen Kaazmi
(6) Qareeb Ahmad Kaazmi.

Saahabzaadiya:
(1) Zafra Khaatoon
(2) Tareefa Khaatoon
(3) Baseera Khaatoon
(4) Moeen Akhtar
(5) Saabira Khaatoon
(6) Fareeda Khaatoon.

******
Aap (apne waalid) Hazrat Maulana Sayyed Muhammad Mukhtaar Ahmad rahmatullāhi alaihi ke mureed aur khalifa ke hain.

Aap ke Khulfa :
(1) Hazrat Ghazali-e-Zamaan Allama Sayyed Ahmad Saeed Kaazmi rahmatullāhi alaihi (Multan / Pakistan),
(2) Hazrat Maulana Sayyed Muhammad Aaqeel Kaazmi rahmatullāhi alaihi,
(3) Hazrat Maulana Noor-ul-Ameen Kaazmi,
(4) Hazrat Haafiz Sayyed Jameel Ahmad Kaazmi rahmatullāhi alaihi,
(5) Hazrat Hakeem e Millat Peer Hakeem Sayyed Muhammad Ahmad Qadri Chishti Saabri rahmatullāhi alaihi (Saharanpur, Uttar Pradesh).

******
26 Ramazaan-ul-Mubarak 1390 Hijri ko Aap Pilibhit se aur aapke saahabzaade Sayyed Sagheer Ahmad Ambala se Amroha aa rahe the. Muradabad station par dono ki mulaaqaat hui. Muradabad me Iftaar ke waqt Aapne ek khajoor se roza iftaar kiya. Ishaa ke waqt ghar pahunche. Tabiyat na-saaz thi. Aap ne sirf ek piyali chaay pi. Ishaa ki namaaz aur taraaweeh ada karke Aap tilaawte Qur’ān me masroof hue. Haalat aleel hone ke bawajood Aap ne tilaawat jaari rakhi. Bich bich me poochte rehte ke “Saheri ka waqt khatm to nahi hua?” Aapko jo dawayi di jaati wo nikal jaati. Jab Aap aakhri aayat par pahunche to Fajr ki namaaz ka waqt khatm ho chuka tha. Aap ne Kalma e Shahaadat padha aur intiqaal farmaaya.

******
Aap ka wisaal 27 Ramazaan 1390 Hijri (28 November 1970 A.D.) ko Sanichar ke roz subah ko 6 baje hua.

Aap ke janaaza me hazaaro logo ne shirkat ki.
Aap ko aap ke jadde amjad Hazrat Meer Muhammad Ashraf ke qadmo me dafn kiya gaya.

Aap ka mazaar Mohalla Katkoi, Amroha (Uttar Pradesh) me hai.

******
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Allama Sayyed Mohammad Khaleel Kaazmi rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.