Day: August 5, 2021

Gam Ka Talluq Mohabbat Se Hota Hai. Agar Koi Kisi Se Mohabbat Karta hai, To Uski Takleef Se Use Takleef Hona. Uske Gam Se Gamzada Hona Zaruri Aur Fitri Hai. Hazrat Imam Hussain (A.S) Se Sabse Pehle Aur Sabse Jyada Mohabbat Karne Wale Allah Aur Rasoolallah Hain. Isliye Hazrat Imam Hussain (A.S) Ka Gam Bhi Sabse Pehle Allah Aur Rasoolallah Ne Kiya.

Jab Hazrat Imam Hussain (A.S) Paida Hue, Us Waqt Jibrail (A.S) Ne Rasoolallah Ko Allah Ki Taraf Se Hazrat Imam Hussain (A.S) Ke Paida Hone Ki Khabar Dekr Mubarakbaad Di Aur Usi Waqt Shahadat Ki Khabar Dekr Taziyat Ki.

Rasoolallah Ne Jab Imam Hussain Ki Shahadat ki Khabar Suni To Aap Gamzada Hue Aur Aapne Ye Khabar Hazrat Ali Aur Hazrat Bibi Sayyida Fatima Ko Di. Aap Dono Bhi Gamzada Hue Aur Bibi Sayyida Ne Farmaya Ke Mujhe Iska Gam Nahi Ki Ye Ummat Ki Bakshish Ke Liye Jaan Denge Balki Iska Afsos Hai Ki Us Waqt Inka Rona Wala Koi Nahi hoga.

Rasoolallah Ne Farmaya Beti ! Allah Ta’ala Ne Tumhare Lakhte Jigar Par Rone Ka Intezaam Qayamat Tak Kar Diya Hai. Is Par Qayamat Tak Roya Jata Rahega.

Us Waqt Ek Farishta Tha Jiska Naam Qutrab Tha. Allah Ta’ala Usse Kisi Baat Pe Naraz Ho Gaye. Hazrat Imam Hussain (A.S) Ki Paidaish Ke Waqt Wo Farishta Maafi ki Darkhast Lekr Rasoole Khuda Ke Paas Hazir Hua. Rasoole Khuda Ne Farmaya Apke Jism Ko Hussain Ke Jism Se Mas Kar Lo. Usne Jaise Hi Mas Kiya Uski Maafi ho Gayi. Aur Woh Farishta Usi Waqt Se Jab Hazrat Imam Hussain Paida Hue The, 70000 Farishton Ke Saath Hazrat Imam Hussain Par Rone Ke Liye Muqarrar Ho Gaye Aur Qayamat Tak Rote Rhenge.

Hazrat Bibi Umme Salma Farmati Hai – Maine Jinnon Ke Rone Ki Awaaz Sarkare Do Alam Ke Wafaat Ke Baad Suni Thi. Uske Baad Imam Hussain Ki Shahadat Ke Baad Jinnon Ko Rote Hue Suna.

‘Swahedunnabuwat’ Me Likha Hai Ke Jab Hazrat Imam Hussain (A.S) Shaheed Hue To Machhliyan Nahre Faraat Se Tadap Tadap Kar Bahar Nikal Aayi Aur Khaakh Me Lotne Lagi. Har Taraf Se Rone Ki Awaaz Aati Thi Par Rone Wala Nazar Ni Aata Tha.

Qabila Bani Tai Ne Wo Marsiya Suna Jise Jinnaat Hazrat Imam Ki Shahadat Me Padh Rahe The.

Imam Zahri Se Riwayat Hai Ke Us Din Aasmaan Se Khoon Barsa Aur Baitul Muqaddas Me Jo Patthar Uthaya Jata Tha Uske Niche Se Taza Khoon Nikalta Tha.

Jis Waqt Imam Hussain (A.S) Shaheed Hue Us Waqt Ek Surkh Aandhi Uthi Aur Puri Duniya Me Andhera Chha Gaya (Tareekh Asam Koofi)

Delmi Ne Hazrat Ammar Bin Yaseer Se Riwayat Ki Hai Ki Rasoolallah Ne Farmaya – Aasmaan Ya To Hazrat Yahya Par Roya Tha, Ya Mere Bete Hussain Ki Shahadat Par Royega Aur 40 Din Tak Suraj Surkh Rahega.

Tamam Mustanad Me Riwayat Hai Ki Jab Jab Rasoole Khuda Ne Hazrat Imam Hussain (A.S) Ki Shahadat Ka Zikr Kiya Hai Aapke Aansu Behne Lage Aur Aap Bahut Gamgeen Hue.

Hazrat Imam Zainul Abedin (A.S) Waqia Karbala Ke Baad 40 Saal Hayat Rahe Magar Kabhi Kisi Ne Unhe Muskuraate Nahi Dekha. Duniya Me Sabse Jyada Rone Walon Me Hazrat Adam (A.S), Hazrat Yaqub (A.S) Aur Hazrat Imam Zainul Abedin (A.S) Hai.

Taziyadari Aur Fatwe

800 Ya 500 Saal ki Taziyadari Ya 100 Saal Ke Fatwe Aur Ummat Ka Farz

Taziadari ki 2 Tarikhen Batayi Jati Hain Sunniyon Ke Yahan Baghdad Sharif Aur Garib Nawaz r.a. Se Aur Mukhalfin e Taziadari Ke Yahan Temur Lung Se,

Khuwaja Garib Nawaz r.a. Hindustan Me 12vi sadi Me Tashrif Laye Aur Taziadari Par Fatwe 20vi Sadi Me Diye Gaye,
Is Darmiyan Ke 800 Saal Me Kya Hindustane Me Auliya Allah ,Aalim Aur Mufti Nahi Hue..?
Naam Likhne Ki Jarurat Nahi Hai Sab Jante Hain Ke In Salon Me Kitne Bade Bade Auliya Allah Aur Aalim Asia Me Tashrif Laye Aur Deen Ki Khidmat Ki Aur Use Phelaya Jankari Ke Liye History Dekh Sakte Hain
Kisi Ne Bhi Taziadari Aur Gham e Imam Aali Maqam Manane Par Fatwe Nahi Diye
Kya Ye Deen Nahi Jante The Ya Inhe Haram Najaiz Aur Shirk Ka Pata Nahi Tha.
Ya Inke Samne Taziyadari Aur Gham e Shahid Karbala Nahi Hua Hoga?
Lekin Koi Bhi Iske Khilaf Nahi Bola Kyun ke Woh Sahi Maino Me Deen Aur Haram Halal Jante The Aur Muhabbat AhleBait Unke Dilon Me Thi.
Fatwe Dene Walon Ne Indirect Taur par In Tamam Waliyon, Auliya Allah Aur Alimon Par Salwaiya Nishan Laga Diya …..NauzBillah……

Yahan Aik Baat Aur Bhi Hai Ke Jinhone Fatwe Diye Unhone Bhi Kahin Se Padhayi Ki Hogi Kisi Ustad Se Sikha Higa Unke Fatwon Ne Unke Ustad Aur Sheikh Ko Bhi Galat Sabit Kar Diya…

Is Se Ye Sabit Hota Hai Ke Jin Logon Ne Fatwe Diye Usme Unhone Na Dini Masayil Na Auliya Allah Ki Sunnaton Na Alimon Ke ilm ka Na Islam Me Farz Ki Gayi Muhabbat Ka Na Hi Aale RASOOL s.a.w.s ki Riwayaat Ka Aur Na Hi NABI e KARIM s.a.w.s Ki Aal Ki Muhabbat Ka Aur Na Unke Ummat Par Ahsanat Ka Kisi Bhi Muhabbat Aur Aqidat Ka Khayal Nahi Rakha
In Logon Ne Sirf Apni Molviyat Ko Aur Mashoor Hone ki Khuwahish Ko Sabse Jyada Ahmiyat Di Aur Aisi Nayi Baat Kahi Jis Se Logon Ka Atraction Apni Tarf Khenchen Aur Soharat Payein Soharat Aur Mashoor Hone Ka Nasha Mulla ji Ko Hamesha Se Raha Hai Aur Mashoor Hone Ke Liye Woh Ummat Me Aisi Hi Nayi Nayi Batein Chordte Hain Aur Ummate Muslima Me Fitna Paida Karte Hain Unko Apas Me Ladaate Hain Aur Apna Aik Naya Giroh Banatae Hain.

Mera Ye Sab Kuch Liklhne ka Maqsad Sirf Itna Hi Hai Ke Musalman Bhai Fatwon Aur Molvi Sahab Ki Baton Par Andhe Behre Hokar Yakin Na Karein Molvi ji Ki Baton Par Itna Pakka Iman Lane Se Pehle Quran Sharif Ki Ayat e Tatheer Aur Surah Dahar Padhein Aur Dekhein Ke ALLAH PAAK Kya Shaan Bayan Ki Hai Ahlebait r.z.a Ki Quran Sharif Me Jinki Tarif ALLAH PAAK khud Kar Raha Hai Musalman Sirf Unko Yaad Bhi Na Karein
Ye Kesa ilm Hai Molvi Ji Ka Ye To Bugz Hai
Kisi Molvi ji Ne Aaj Taq Ye Fatwa Nahi Diya Ke AHLEBAIT r..z.a Ko Yaad Karna Kitna Jaroori Hai Unki Muhabbat Ummat Par Farz Ki Gayi Hai
Sare Fatwe Unki Yaad Aur Naam Ko Mitane Ke Liye Hain.

Thora Apna Dimag Bhi Lagayein Aur Firkon Aur Pesa Parast Mullaon Se Door Hokar Ache Aur Imandar Alimon Se Ruzu Karein

Molviyon Ka Haal To Ye Hogaya Hai Ke Unke Liye ALLAH AUR RASOOL QURAN Aur HADITH Se Jayada Unke Hazrat aur Unke Fatwe Ki Aik Qitab Sab Kuch Ho Gayi Hai Agar Woh Taqreer Karte Hain To ALLAH RASOOL Se Jayada Hazrat Ka Naam Aur QURAN HADITH Se Jiyada Hazrat Ke Fatwe ki Kitab Ka Naam Nikalta Hai…..Jo Us Qitab Me Hai Wahi Sab Sahi Hai Unke Liye Baqi Sab Galat….
ALLAH Apni Panah Me Rakhe….

Akhir Me Aik Baat Aur Kehana Chaunga Mere Musalman Bhayion Se ke Woh Aik Bahut Badi Ruhani Yaad ,Tarikh, Sawab e Darein Aur RASOOL ALLAH s.a.w.s Ke Nawase IMAM HUSSAIN R.Z.A. Se Aqidat Aur Muhabbat Jahir Karne Aur Apne Liye Qayamat Ki Deen Unke Samne Apni Wafadari Dikhane Ka Aik Bahut Acha Moka Har Saal Gawa Rahein Hain Kyun Ke NABI E KARIM s.a.w.s Shafa e Mehshar Aap Qayamat Ke Din SHAFAT KARENGEIN AUR Unke Nawase IMAM HASAN R.Z.A. AUR IMAM HUSSAIN R.Z.A Jannat Ke Sardar Hain Woh Jisko Chahenge Wahi Usme Dakhil Hoga

Molvi Sahab To Khud Ki Me Lage Honge Tumhe Kahan Bachayenge..

To Mere Bhaiyon Fatwon Ko Chordo Aur Jo Maidane Qayamat Me KaaM Ayenge Unka Daman Pakro aur Unki Yaad Manaon
ALLAH PAAK Ham Sab Ko Paak Panjtan Se Muhabbat Karne Ki Taufiq Ata Farmaye Aur Hame Taziyadar Azadar Banay Elahi Ameen Baa Haqq E Muhammad Wa Aal E Muhammad Alaihissalam
Jazakallah khair kaseeran Kaseera ❤️