Day: May 28, 2021

“Hazrat Aboo Hurayrah RadiyAllahu Ta’ala Anhu Se Marwi Hai Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Farmaya :
Jis Ne Hasan Aur Husain عليهما السلام Se Muhabbat Kee, Us Ne Dar-Haqiqat Mujh Hee Se Muhabbat Kee Aur Jis Ne Hasan Aur Husain Se Bughz Rakha Us Ne Mujh Hee Se Bughz Rakha.”

Is Hadith Ko Imam Ibn Majah, Nasa’i Aur Ahmad Ne Riwayat Kiya Hai.
–
[Ibn Majah Fi As-Sunan, 01/51, Raqam-143,

Nasa’i Fi As-Sunan-ul-Kubra, 05/49, Raqam-8168,

Ahmad Bin Hanbal Fi Al-Musnad, 02/288, Raqam-7863,

Tabarani Fi Al-Mu’jam-ul-Awsat, 05/102, Raqam-4795,

Ghayat-ul-Ijabah Fi Manaqib-il-Qarabah,/194, Raqam-131.]

“Hazrat Abd-ul-Allah Bin Mas’ood RadiyAllahu Ta’ala Anhu Riwayat Karte Hain Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Farmaya :
Jis Ne Mujh Se Muhabbat Kee, Us Par Laazim Hai Ki Woh Un Donon Se Bhi Muhabbat Kare.”

Is Hadith Ko Imam Nasa’i Aur Ibn Khuzaymah Ne Riwayat Kiya Hai.
–
[Nasa’i Fi As-Sunan-ul-Kubra, 05/50, Raqam-8170,

Nasa’i Fi Faza’il-us-Sahabah, 01/20, Raqam-67,

Ibn Khuzaymah Fi As-Sahih, 02/48, Raqam-887,

Bazzar Fi Al-Musnad, 05/226, Raqam-1834,

Ghayat-ul-Ijabah Fi Manaqib-il-Qarabah,/194, Raqam-232.]

14 Najeeb aur Naqeeb!

Musayyab bin Najabah Sayyeduna Maula Ali al Murtaza KarramAllahu Wajhahul Kareem se riwayat karte hain ke Huzoor Nabi-e-Akram SallAllahu Alaihi wa Aalihi wa Sallam ne farmaya:

“Har Nabi ko 7 Najeeb ya Naqeeb ata kiye gaye jabke Mujhe 14 ata kiye gaye.”
Raawi kehte hain ke humne Hazrat Maula Ali Alaihissalam se pucha ke wo kaun hain to Sayyeduna Ali Alaihissalam ne bataya:

“Mai, Mere Dono Bete, Jafar, Hamza, Abu Bakr, Umar, Mas’ab Ibne Umair, Bilal, Salman, Miqdaar, Huzaifa, Ammar aur Abdullah Ibne Mas’ud RadiAllahu Anhum Ajmaeen.”

Tirmizi, Jaame as Sahih, 6/123, #3785
Ahmed bin Hanbal, Musnad, 1/142, #1205
Shaybani, al Ahaad al Masani, 1/189, #244
Tabrani, MUjam al Kabir, 6/215, #6047
Ibne Musa, Mu’tasar al Mukhtasar 2/314
Muhibd uddin Tabari, Riyad un Nadra, 1/225, #7, #8
Ibne Abdul Barr, al Istiyab, 3/140
Halabi, Sirat Halabiyya, 3/390
Ibne Ahmed Khatib, Wasilat ul Islam, 1/77

Marajal Bahrain fee Manaqibil Hasanain Alaihi-Mussalam