HAZRAT YAHYA AlahisSalam KI PAIDAISH/ BIRTH
Tau jab Zikarya A.S ko khush-khabri mili tau aap ki zaban band hogae (nishani k taur pe). Phir aap apni mehraab se khushi k sath niklay aur logoun ko ye khush-khabri isharoun me samjhai k ab subah o sham Us zaat pak ki tasbeeh karna aur mujh se kalaam karny ki beja koshish na karna. Aur khud subah o sham Allah ki tasbeeh me masroof rehnay lagay. Riwayat hai k , Umme Yahya (Zikarya ki bewi) aur Hazrat Maryam (Umme Esa) dono sisters theen. Is trah Yahya and Esa A.S dono khala-zad bhai thay. Aik riwayat ye bhi hai Zikarya A.S Hazrat Maryam k ‘Khalo’ thay. Wallah’alam Hazrat Maryam aik baar apni behan k paas gaen tau behan ne kaha: “kia main apko haamla/ pregnant lagti houn?” Maryam ne kaha: “Han , aur main ye bhi janti houn k main bhi haamla houn…” Tau phir behan (Umme Yaahya) ne Maryam ko galay laga lya aur kaha: “ Main daikhti houn k jo bacha mere pait me hai wo aap k pait walay bachay ko sajdah karega (means us ki ta’azeem baja layega aur tumhara bacha Afzal o ashraf hoga)” Aur yhi matlab hai us ayat ka k wo (Allah k kalmay ki tasdeeq karny walay houngay) means, Hazrat Esa ki Hazrat Yahya Tasdeeq farmaingay. Allah k fazal se Yahya dunya me tashreef lay aye. Aulad-e-Adam me koi aisa nahi jis se khata/mistake na hue ho ya (atleast) us ne khata ka irada na kia ho, siwae Hazrat Yahya A.S k. Bachpan me, Hazrat Yahya ko bachoun ny kaha, aao chal kar khail koud karain. , tau Yahya ne farmaya, hum khail koud k lye nahi paida kye gae. Allah ne Yahya ko pakeezah khalqat wala aur aeb’oun aur mistakes se paak saaf paida kiya. Aur Allah k taqwa se nawaza. Aur wo parents k sath naiki karny walay thay aur sakht aur na-farman na thay
HAZRAT ZIKARYA AUR YAHYA A.S KA QISSA MUBARAK
Hazrat Zikarya A.S barhai (Carpenter) thay. wo bhi Idress and Dawood A.S ki trah apnay hath ki mehnat se khatay thay. Un k haan aulad na thi. un ki bewi baanjh thi. Aur wo khud bhi bht burhay ho chukay thay. Magar phir bhe unho ne apnay Rab se dua ki. “Ae mere Parwardigar! meri hadyan burhapay ki wajha se kamzor ho gae hain aur sir shola marnay laga hai (means puray baal white ho gae). Ae mere Rab, main Tujh se maang kar kabhi bhi mehroom nahi raha aur main apnay bhai bandoun se darta houn aur meri bewi baanjh hai. Tu mujhay apnay paas se waris ata’a farma. Jo meri aur aulad-e-Yaqoob ki meeras ka malik ho…” Farman hua: “Hum tum ko aik larkay ki basharat daitay hain. Jis ka naam Yahya hai. Is se pehlay Hum ne is naam ka koi shakhs paida nahi kia..” Zikarya A.S ne farmaya: “Parwardigar, mere haan kis trah larka paida hoga? jis haal me meri bewi baanjh hai aur main intahai burhapay ko phunch gya houn…” Hukm hua: “k isi trah (hoga). Tumharay Parwardigar ne farmaya hai k Mujhay ye asaan hai aur Main pehlay tum ko bhi tau paida kar chuka houn aur tum kuch cheez na thay…” Zikarya ne farmaya: ” Parwardigar, Mere lye koi nishani muqarrar farmaye..” Farmaya gya: “Nishani ye hai k tum sahi salim ho kar 3 raat (din) logoun se baat na kar sako gay..” Aur Farmaya gya: “Phir Hum ne uski dua qabool ki aur usko Yahya ata’a kia aur us k lye us ki zauja /wife ko bhi durast kiya. Beshak wo kheerat /donation me sabqat karnay walay thay aur Hum ko raghbat o khauf, har trah se pukartay thay aur hamari bargah me khushu-o-khuzu karnay walay thay…” Aur bewi ko durst karny ka matlab hai k unko internal complications thi (monthly) wo thek hogya. aur kaha gya hai k un ki zaban me kuch kharabi thi, wo dour kardi gae… Subhan’Allah
HAZRAT YAHYA A.S K DIL ME ALLAH KA KHAUF
Hazrat Yahya Allah se bht darnay walay thay. Zikr kiya gya hai k aap bht hi kasrat se rotay thay. Hatta k aap k rukhsar’oun (cheeks) per aansu’oun ki wajha se garhay par gae thay. Riawayat hai k Hazrat Yahya k parents un ki talab o talash me niklay tau daikha k wo “Behra-e-Urdan”k paas hain. Jab dono un k qareeb hue tau aap ne dono (maa n bap) ko ibadat k inhamak/ concentration aur khauf-e-Khuda se khoob rulaya. Harzt Yahya ka khana sabz ghaas/ grass hota tha aur aap Allah k khauf se itna rotay k agar aap ki ankhoun per ‘tar coal’ hota tau wo aap ko jala dalta. Hazrat Zikarya ne apnay betay ko 3 din tak gum paya tau aap ki talash me jungle ko niklay. Daikha k wo aik qabar khoday us me kharay ho kar apnay aap per zar-o-qataar ro rahy hain.. Tau Zikarya ne farmaya, Ae Betay main 3 din se teri talash me houn aur tu qabar khoday is me khara ro raha hai?? Yahya ne arz kia: Ae Abba jan, kia aap ne hi mujhay khabar na di k jannat-o-jahnnum k darmiyan aesa jungle hai jis ko aansu’oun k baghair qata’a nahi kia ja sakta. Tau Zikarya ne farmaya: Acha betay ro’o… Tau phir dono be-tahasha roye…
HAZRAT YAHYA KI SADGI AUR 5 HUKUM
Hazrat Esa bi Maryam aur Yahya bin Zikarya dono khala-zaad bhai thay. Hazrat Esa wool ka libas pehantay thay, jab k Yahya janwaroun k baloun ka libas pehantay thay. Aur dono k paas deenar darham na tha. na koi ghulam na baandi, na koi thikana jahan kahin thehar jatay. Jahan kahin raat aati, waheen thehar jatay. Jab juda honay lagay tau Yahya A.S ne Esa se kaha, k mujhay kuch nasihat karty jayen. Esa A.S ne farmaya: Ghussa mat karna… Yahya ne farmaya k main taqat nahi rakhta k ghussa na karoun.. Tau Esa ne kaha: Maal k dhokay me na parna, Yahya ne farmaya, ye ho sakta hai.. Hazrat Muhammad SaWW ne farmaya k Allah ne Yahya ko 5 batoun ka hukm farmaya k un per puri trah amal karo aur Bani Isra’ael ko bhe amal karnay ka hukm do. Yahya A.S ne Bani Isra’ael ko jama kia aur Bait-ul-Muqaddas me sab ko bulaya. Phir jab masjid logoun se bhar gae tau sab ko in 5 batoun ka hukm dya: 1- Allah k sath ksi ko shareek na karna, sirf Us tanha ki ibadat karna. 2- Namaz parho, aur namaz me ksi aur traf dhayan mat lagao. 3- Rozay ka hukm dya. Beshak rozay-daar k moun ki smell Allah k nazdeek mushk se zyada pasandeedah hai. 4- Sadqa dya karo. 5- Allah Ta’ala k zikr ki kasrat ka hukm farmaya. Yahya A.S logoun se aksar juda rehtay thay aur jungle o bayabaan se uns-o-muhabbat rakhtay thay. aur darkhtoun k patay khaa laitay aur phir nehar per ja kar pani nosh kar laitay. kabhi kabhar tiddi ki ghiza use kartay thay
HAZRAT YAHYA KA QATAL/ MURDER
Is qissay k lye 2 riwayaat famous hain: 1- pehli riwayat k mutabiq Damishq k badshah ne apni kisi ‘mehram’ se shadi ka irada kia, ya aesi aurat se, jis se shadi karna us k lye halal nahi tha. Tau Hazrat Yahya ne us ko mana kiya. Tau ye baat aur rukawat aurat k dil me khatakti rahi aur wo Yahya ki dushman hogae. 2- Dosri riwayat hai k Badshah ki bewi ko Hazrat Yahya se muhabbat hogae. Hazrat Yahya apnay zamanay me sab se behtar thay. sab se haseen aur khoobsurat roshan chehray walay thay. aur aurtoun ki unko biklul khuwahish na thi. Badshah ki aurat badkar thi. Magar Allah ne Hazrat Yahya ki hifazat rakhi aur wo baaz rahay aur aurat ko biklul inkar kardya, tau us aurat ne Yahya k khilaaf dil me kena paal liya. Magar dono riwayaat ka result aik hi hai. Aurat ne Badshah se Yahya ka ‘Sir mubarak’ aur khoon maanga. Badshah ne kaha k kuch aur sawal karo. Aurat ne kaha nahi, bus yhi chahye. Tau phir badshah ne kaha, chal wo teray lye hua. Phir apnay jallad ko Yahya k paas bheja. Aap mehraab me namaz ada kar rahy thay. aur Zikarya A.S bhi un k peechay namaz parh rahay thay. Tau khabees jallad ne aik ‘Tasht’ / taslay me un ko zibah kiar dya. (means khoon sara tasht me gira) Zikarya A.S ne apni namaz nahi chorri aur barabar parhtay rahay, jab k Yahya aap k mehboob betay thay. Qatil ne ‘Sir mubarak’ laa kar aurat k samnay rakh dya, jis se ab tak khoon beh raha tha.aur Yahya A.S ka ‘Sir’ tab bhi yhi bol raha tha k teray lye nikah karna durast nahi hai.
HAZRAT YAHYA K “SIR MUBARAK” KA JISM SE JUDA HONAY K BAAD BHI BAAT KARNA
Us be-gherat aurat ne Yahya ka qatal apni maa k kehnay per karwaya tha. Jab Yahya ka sir badan se juda honay k baad bhi aurat ko malamat karta raha tau wo ‘sir’ ko taaq me rakh kar apni maa k paas lay aye. aur ‘sir aqdas’ ko us begherat maa k samnay rakh dya. Tab zameen ne us aurat ki maa ko qadmoun tak nigal lya, phir seenay tak, phir shoulders tak…. Uski Maa cheekh-o-pukar karti rahi, aur naukarani’aan wagera bhi chillati raheen. Tab us ki maa ne kaha k us ka sir tan se juda kar dya jae, ta k sir baqi bach jae. Phir Sir tan se alag kar dya gya. Tab zameen ne us k niglay hue kameenay jism ko bhi bahar uchaal dya. Aur phir usi waqt baqi tamam log bhi , ghar walay zinda zameen me dhansa dye gae. Sab marr khap gae .. aur ye sham ka waqt tha.
HAZRAT ZIKARYA KA QATAL/ MURDER
Yahya k qatal k baad jab subah hue tau Bani Isra’ael ne kaha, Zikarya ka Rab Zikarya k lye ghazab me agya hai. Tau lehaza hum badshah k lye Zikarya per ghussa nikalen aur usko qatal kar dain. Tab wo log Zikarya ki talash me niklay ta k unko qatal kardain. Zikaraya k paas aik khabar dainay wala aya tau wo Bani Isra’ael se bachnay k lye bhaag uthay. Aur Iblees mardood peecha karny waloun k agay agay unko Ziraya ka pata bata raha tha. Jab Zikaray samjh gae k ab wo in log se bach na sakaingay, tau un k samnay aik darkht/ tree nazar aya, aur us me se awaz aye k meri traf aao. Phir darkht bech se ‘shaq’ hogya (phatt gya) aur wo us k andar enter hogae. Aur Iblees aya aur us khabees ne Zikaraya ki chadar ka kona pakar lya aur Darkht dobara band hogya. aur chadar ka kinara darkht se bahar reh gya. Bani Isra’ael aye tau Iblees ne kaha k Zikaraya jadoo k zor se is darkht me enter hogya hai. Tau wo kehnay lagay k hum is darkht ko jala daaltay hain. Iblees ne kaha, tum log is ko ‘Aaray’ /saw se kaat dalo. Un logoun ne darkht per Aara / saw lakh kar chala dya. Jab Aara aap ki paslioun /ribs tak phuncha tau aap ro paray. Tau Allah ki traf se wahi nazil hue k agar aap ki awaz band na hue tau Main Arz aur Ahl-e-Arz ko alat palat kar dounga (ta k un ko aap per zulm ki saza milay..) Phir Zikarya ka rona khatam hogya, hatta k aap k do tukray hogae.
Aal-e-Qutub Aal-e-Syed Abdullah Shah Ghazi 