Day: May 25, 2021

“Hazrat Aboo Ayyub Ansari RadiyAllahu Ta’ala Anhu Bayan Karte Hain Ki Mein Huzoor Nabi-E-Akram SallAllahu Ta’ala Alayhi Wa Aalihi Wa Sallam Kee Bargah-E-Aqdas Me Haajir Huwa To (Dekha Ki) Hasan Wa Husain عليهما السلام Aap SallAllahu Ta’ala Alayhi Wa Aalihi Wa Sallam Ke Saamne Ya Gowd Me Khel Rahe They.

Mein Ne Arz Kiya :
Ya RasoolAllah ﷺ!
Kya Aap SallAllahu Ta’ala Alayhi Wa Aalihi Wa Sallam Un Se Muhabbat Karte Hain ?
Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Farmaya :
Mein Un Se Muhabbat Kyun Na Karun.
Haala’n Ki Mere Gulshan-E-Dunya Ke Yahi To Do-02 Phool Hain Jin Kee Mahek Sunghta Rehta Hoo’n (Aur Unhin Phoolon Kee Khushbu Se Kaif Wa Suroor Paata Hoo’n).”

Is Hadith Ko Imam Tabarani Ne Riwayat Kiya Hai.
–
[Tabarani Fi Al-Mu’jam-ul-Kabir, 04/155, Raqam-3990,

Ghayat-ul-Ijabah Fi Manaqib-il-Qarabah,/190, Raqam-227.]

“Hazrat Jabir Bin Abd-ul-Allah RadiyAllahu Ta’ala Anhuma Se Marwi Hai Ki Najraan Ka Aik Wafd Huzoor Nabi-E-Akram SallAllahu Ta’ala Alayhi Wa Aalihi Wa Sallam Ke Paas Aaya Aur Puchha Ki Aap Kee Hazrat Isaa Bin Maryam عَلَيْهِ السَّلَام Ke Baare Me Kya Raay Hai ?
To Aap SallAllahu Ta’ala Alayhi Wa Aalihi Wa Sallam Ne Farmaya :
Woh Rooh-ul-Allah, Kalimat-ul-Allah, Allah Ke Bande Aur Us Ke Rasool Hain.
Us Wafd Ne Aap SallAllahu Ta’ala Alayhi Wa Aalihi Wa Sallam Ke Kaha :
Kya Aap Hamaare Saath Mubahala Karte Hain Ki Hazrat Isaa عَلَيْهِ السَّلَام Aise Na They ?
To Aap SallAllahu Ta’ala Alayhi Wa Aalihi Wa Sallam Ne Farmaya :
Tum Yahi Chaahte Ho ?
Unhone Kaha :
Haa’n.
To Aap SallAllahu Ta’ala Alayhi Wa Aalihi Wa Sallam Ne Farmaya :
Jaise Tumhari Marzi Phir Aap SallAllahu Ta’ala Alayhi Wa Aalihi Wa Sallam Ghar Tashrif Laaye Aur Apne Beton Hasan Wa Husain عَلَيْهِ السَّلَام Ko Saath Le Jaane Ke Liye Jama’ Kiya.
Un Ke Aik Sardaar Ne Un Se Kaha Ki Is Aadami Se Mubahala Mat Karo.
Allah ﷻ Kee Qasam !
Agar Tum Ne Aisa Kiya To Tumhaara Koi Bhi Mazboot Se Mazboot Aadami Bhi Nahin Bachega.
Phir Woh Isaai Huzoor Nabi-E-Akram SallAllahu Ta’ala Alayhi Wa Aalihi Wa Sallam Ke Paas Aaye Aur Kaha Ki Aye Aboo’l Qaasim !
Hamaare Kuchh Bewaqoof Logo’n Ne Aap Se Mubahilah Ka Iraada Kiya Tha Hum Aap Se Guzaarish Karte Hain Ki Aap Hamein Muaaf Kar Dein.
Aap SallAllahu Ta’ala Alayhi Wa Aalihi Wa Sallam Ne Farmaya :
Mein Ne Unhein Muaaf Kiya.
Phir Aap SallAllahu Ta’ala Alayhi Wa Aalihi Wa Sallam Ne Farmaya :
Azaab Ne Najraan Ko Gher Liya Tha.”

Is Hadith Ko Imam Hakim Ne Riwayat Kiya Hai Aur Imam Hakim Ne Farmaya Ki Yeh Hadith Sahih Hai.
–
[Hakim Fi Al-Mustadrak,02/649, Raqam-4157,

Ghayat-ul-Ijabah Fi Manaqib-il-Qarabah,/190, 191, Raqam-228.]

“Sayyeduna Maula Ali al Murtaza KarramAllahu Wajhahul Kareem riwayat karte hain ke Tajdar-e-Kainat Huzoor Nabi-e-Akram SallAllahu Alaihi wa Aalihi wa Sallam ne farmaya: Maine Jibrael se pucha, Allah Ta’ala ke Yahan Mehboob Tareen Amal kaunse hain? To Jibrael Alaihissalam ne kaha:

Ya RasoolAllah (SallAllahu Alaihi wa Aalihi wa Sallam)! Aap (SallAllahu Alaihi wa Aalihi wa Sallam) pe Durood bhejna aur Hazrat Ali (Alaihissalam) se Muhabbat karna!”

-Hindi, Al Qaulul Badi, 129

[ Al-Badrut-Tamaam Fee Swalaati Ala Saahibid-Dunuwwi wal Maqaam SallAllahu Alaihi wa Aalihi wa Sallam: Dr. Tahir-ul-Qadri]

Allahumma Salli Ala Sayyedina wa Maulana Muhammadi Nin Nabiyyil Ummiyyil Habibil Aalil Qadril Azeemil Jaahi wa Ala Aalihi wa Sahbihi wa Baarik wa Sallim

Imam Ali ibn Abi Talib (عليه السلام)

Ilm nafs ko zindagi dene aql ko raushan karne aur jehalat ko khatam karne wala hai…..

امام علی ابن ابی طالب (عليه السلام)

علم نفس کو زندگی دینے عقل کو روشن کرنے اور جہالت کو ختم کرنے والا ہے…..