Jo Log Gareebi ki wajah se Haj nahi kar paye unke liye sawab kamane ka ek aasan amal

subhaan-allah

Abu Hurairah Radi Allahu Anhu ne farmaya nadar (gareeb) log Nabee Sallallahu Alaihi wasallam ki khidmat mein hazir huye aur kaha ki Ameer aur Raees log buland darjat aur hamesha rahne wali jannat hasil kar chuke halanki jis tarah hum namaz parhte hain wo bhi parhte hain aur jaise hum roze rakhte hain wo bhi rakhte hain lekin maal wa Daulat ki wajah se unhe hum par fowqiyat hasil hai ki uski wajah se wo HAJJ karte hain Umrah karte hain Jihad karte hain aur sadqa dete hain aur hum Mohtaji ki wajah se un kaamo ko nahi kar paate is par Aap Sallallahu Alaihi wasallam ne farmaya ki main tumhe ek aisa amal batata hun ki agar tum uski pabandi karoge to jo log tumse aage bad chuke hain tum un tak pahunch jaoge aur tuhare martabe tak phir koi nahi pahunch sakta aur tum sabse achche ho jaoge siwa unke jo yahi amal shuru kar de
Har namaz ke baad 33 martaba Tasbeeh ( Subhanallah) aur Tamheed ( Alhamdulillah) aur Takbeer ( Allahu Akbar) kaha karo phir hum main Ikhtilaf ho gaya kisi ne kaha ki hum tasbeeh 33 martaba , tamheed 33 martaba aur takbeer 34 martaba kahe . Maine is par Aap Sallallaho Alaihe wasallam se dobara malum kiya to Aap Sallallaho Alaihe wasallam ne farmaya Subhanallah aur Alhamdulillah aur Allahu akbar kaho taki har ek unmein se 33 martaba ho jaye .
Sahih Bukhari, Vol 2, #843

Jannat Ka Khazana : La Houla Wala Quwa’ta

Beautiful-Muhammad-PBUH-768x432

» Hadees : Jannat Ka Khazana «
Rasool’Allah (Sallallaho Alayhi Wasllam) Ne Farmaya Ke –
“La Houla Wala Quwa’ta Illa Billah Hil Ali Yel Azeem” Ye Jannat Ke Khazano Me Se Ek Khazana Hai,
Dusri Riwayat Me Aata Hai Ke ‘Ye Kalma 99 Bimaariyo Ki Dawa Hai’ Jis Me Se Halki Bimaari Ranj-O-Gam Aur Pareshani Iss Ko Parhne Se Door Ho Jati Hai”.
– (Tirmizi Shareef)

(“La Houla Wala Quwa’ta Illa Billah Hil Ali Yel Azeem”
Tarjuma : “Koi Quwat Nahi Bachane Wali Siwaye Allah Ke Jo Azeem-Tar Hai”)

» Adab : La Houla Wala Pura Parhana Hi Sahi Hai, Kyunki Iska Aadha Parhna Allah Ke Qudrat Ki Naframani Hai Jaise “La Houla Wala Quwa’ta” Yani Koi Kuwwat Nahi Bachane Wali. Lihaza Hamesha Parhe Tou Pura Kalma Hi Parhe. Kyunki Wo Quwwat (Allah) Hai Bachane Wali Jo Har Cheez Par Qadir Hai Jo Azeem-Tar Hai ..

Qayamat ki 72 Nishaniya

allah-mohammed

HAZRAT HUZAifa raziyallahu anhu se riwayat
hai
ke.
Huzure akaram sallalahu alehi wasallam ne
irshad
farmaya ke.
QAYAMAT ke Qareeb 72 bate pesh Aaegi.
1. log NAMAZE tarkk karne lagenge.
2. Amanat Zaya Karne lagenge.
Yani jo Amanat un ke Pas rakhi jaegi us me
khayanat karne lagenge.
3. Sood khaya jaega.
4. Jhoot ko Halal samjne lagenge. (yani jhoot
1 fan (hunar) ban jaega. ke kon kitni sifat se
jhoot bol leta hai.
5. Mamuli mamuli bato par khun rezi karne
lgenge.
6. Unchi-Unchi Imarate (buildeng) banaenge.
7. ILAM bech kar log Dunay jama karenge.
8. Qata Rahmee Yani Rishte daro se bad-
suluki hogi.
9. Insaf naayab ho jaega.(Yani Insaaf mushkil
se mil sakega)
10. Jhoot sach ban jaega.
11. Resham ka libas pehna jaega.
12. Zulam Aam ho jaega.
13. Talaq ki kasrat hogi. (Yani khub TALAQ di
jaegi.)
14. Nagahani Maut aam ho jaegi.
15. KHAYANAT karne wale ko AMEEN (Amanat
Dar) samja jaega.
16. AmanatDar ko khain (khayanat karne
wala) samja jaega.
17. Jhoote ko Sach-cha samja jaega.
18. Sach-che ko Jhoota samja jaega.
19. Tohmatdarazi (ILZAM lagana) Aam ho
jaegi.
20. Barish ke bawajud Garmee hogi.
21. Log Aulad ki khwahish karne ke bajae
Aulad se karahat karne lagenge.
22. Kameeno ke Thath honge.
23. SHAREEFO ke Naak me Dam Aa jaega.
24. Ameer or Wazeer Jhoot ke Aadi ban
jaege.
25. Ameen khayanat karne lagenge.
26. Sardar Zulam pehsa honge.
27. Aalim or Qari badkar honge. (ALLAH KI
PANAH )
28. Log janwaro ki khalo ka libas pehanne
lagenge.
29. Dil Murdar se zyada badbudar honge.
30. Dil Elwe se zyada kadwe honge.
31. Sona (GOLD) Aam ho jaega.
32. Chandi ki mang hogi.
33. Gunah zyada honge.
34. Aman (Shanti, chain, Sukun) kam ho
jaega.
35. Quran e Kareem ke Nuskho ko Aarasta
kiya jaega. or us par Naqsh o Nigar (Desigen)
banaya jaega. ( ye to face book pe horaha
hai )
36. Masjido me Naqsh o Nigar kiya jaega.
Yani khubsurat Desigens wali masjide hongi.
37. Unche Unche Minar banege. (Jaisa aaj
ham dekh rahe he.)
38. lekin ( Masjido, Quran ko zinat wala
banane k ba wajud) Dil wiran honge.
39. Sharab pee jaegi.
40. Shariat ki Sazaye (Islamic Law) ko khatam
kiya jaega.
41. Beti ma par Hukumat karegi. or us ke
sath aisa suluk karegi jaise aaqa apni kaneez
ke sath suluk karta hai.
42. Gair muhazzab log badshah banege.
43. Tijarat me Aurat Mard ke sath shirkat
karegi.
44. Mard Aurat ki naqal karenge.
45. Aurte Mardo ki naqal karenge.
46. Gairullah ki Qasme khai jaegi.
47. Musalman bhi bagair kahe jhooti Gawahi
dene ko Taiyar ho jaenge.
48. Sirf Jaan pehchan ke logo ko salam kiya
jaega.
49. Deen ka ILAM Dunya ke liye padha jaega.
50. Aakhirat ke naam se Dunya kamai jaegi.
51. Maal-e-Ganeematko Zaati maal samja
jaega.
52. Amanat ko Loont ka maal samja jaega.
Yaani agar kisi ne Amanat rakhwadi to
samjenge k ye Loont ka maal hasil ho gaya.
53. ZAKAT ko Jurmana (TAX) samja jaega.
54. Sab se Razeel (kameena) Aadmi Qaum ka
leedar or Qaid ban jaega.
55. Aadmee apne baap ki Na farmani karega.
56. Aadmee apni Maa se bad Suluki karega.
57. Dost Dost ko (Bila zizak) Nuqsan
pahochaega.
58. Shohar biwi ki itaat karega. (Biwi ki Baat
man kar chalega)
59. Badkaro ki Aawaze masjido me Buland
hongi.
60. Gaane wali Aurato ki Izzat ki jaegi.
61. Gaane bajae or mosiqi ke Saman ko
hifazat se Rakha jaega.
62. Aam Rasto par Sharab pee jaegi.
63. Zulam karne ko Fakhr samja jaega.
64. Insaf bikne lagega. Yaani Adalato (CAURT)
me insaf farokht hoga. log paise dekar us ko
kharidenge.
65. Police walo ki kasrat hogi. (Police wale
bahot zyada hogne. jaise k aaj kal he.)
66. Qurane kareem ko Nagma (Gaane) ka
zariya banaya jaega. (Quran ko Sawab hasil
karne k liye nahi padha jaega.)
67. Darindo ki khaal ka ishtemal kiya jayega.
68. Ummat ke Aakhri log apne se pehle logo
par l’an-t’an karenge.
69. Ya to tum par surkh Aandhiya Aaegi
70. Ya zalzale Aaenge.
71. Ya logo ki Surate badal jaegi.(Hadees ka
mafhum he k Raat ko log Gaane Baaje me
lagenge or Subah un ki surate bandar or
Suwwar jaisi ho jaegi.
72. Ya Aasman se Patthar barse ya Allah ki
taraf se koi or Azab aajae.
Durre Mansur 6:52 book (qayamat ke holnak
manzir )

Gunah

Allah-Muhammad

Gunah
——{Sab se Bada Gunah wo hai jo Karne wale ki Nazar me Chota ho}—
• Neki Allah ki taraf se hai, Gunah shaitaan aur nafs ki taraf se hai.
• Neki karna mushkil hai aur Gunah ka karna bahot aasan hai.
• Neki Jannat ki Raah hai, Gunah Jahannam ki Raah hai.
• Neki wo hai jis me Allah ki raza ho, Gunah wo hai jis me shaitan aur nafs ki raza ho.
• Neki wo hai jo sunnat k mutabiq ho, Gunah wo hai jo Sunnat k khilaf ho.
• Neki Dil ko zinda karti hai, Gunah Dil ko murda karta hai.
• Neki Namaz Allah k liye pdhna hai, Gunah Logon k dikhwae k liye padhna hai.
• Neki duniya aur aakhirat me kaam aati hai, Gunah sirf duniya me kaam aata hai.
• Neki kar k gunah karna Insan ka kaam hai, Gunah kar k toba karna Musalman ka kaam hai.
Hazrat Abu hurairah r.a se riwayat hai k Rasulullah s.a.w ne farmaya: Momin banda jab koi gunah karta haito us k natije me us k dil per aik siya noqta lag jata hai, phir agr us ne us gunah se toba ki aur Allah Tala k huzoor me muaafi aur bakhshish ki ilteja o dua ki to wo siya noqta zayel ho kar qalb (dil) saaf ho jata hai aur agr us ne gunah k baad toba o istegfar k bajaye mazeed gunah kiye aur gunahon ki wadi me qadam badhaye to dil ki wo siyahi aur badh jati hai, yahan tak k qalb pr cha jati hai, Aap s.a.w ne farmaya k: yahi wo zang aur siyahi hai jis ka Allah Tala neis aayat me Zikr farmaya: un ki badkariyon ki wajeh se un k dilon perzang aur siyahi aagai hai.{83:14}(musnad ahmad, tirmizi).
Allah Tala ham sab ko Gunaho se bachne ki toufeeq Ata Farmaye, Aye Allah ham ne ab tak jo bhi Gunah jan kar kiye hai ya Anjane me ham se hogaye ho to Aye Allah tu apne Fazl okaram se Muaaf farmade ham Ahed karte hai aye Allah k ham ainda gunah nahi karenge, ham sab ki tu hifazat farma, hame gunaho se bachaye rakhna Hame naiki karne wala bana gunahon se aye allah hame door rakh, Aye Allah ham gunahgar hai khata kar hai teri muaafi k talab gar hai aye Allah ham sab ko tu muaaf karde muaaf karden Aameen.