January 15, 2020 – Page 4 – Aal-e-Qutub Aal-e-Syed Abdullah Shah Ghazi

Q;01👉 mai ameer banna chahta hu?
Ans;👉 Farmaya qana’at ikhtiyar karo ameer ho jayoge.

Q;02👉 mai sabse bada aalim banna chahta hu?
Ans;👉 Taqwa ikhtiyar karo aalim ban jayoge.

Q;03👉 izzat wala banna chahta hu?
Ans;👉 makhluq ke samne hath phailana band kardo ba izzat ban jayoge.

Q;04👉 acha Aadmi banna chahta hu?
Ans;👉 loago ko nafa pahuchayo.

Q;05👉 aadil banna chahta hu?
Ans;👉 jise apne liye pasand Karte ho wahi dusre keliye pasand karo.

Q;06👉 taqatwar banna chahta hu?
Ans;👉 Allah par tawakkul (bharosa) karo.

Q;07👉 Allah ke darbar mai khas darja hasil karna chahta hu?
Ans;👉 kasrat se zikr karo.

Q;08👉 rizq ki kushadgi chahta hu?
Ans;👉 hamesha ba wazu raho.

Q;09👉 duayo ki qabuliyat chahta hu?
Ans;👉 haram na khayo.

Q;10👉 iman ki takmeel chahta hu?
Ans;👉 akhlaq ache karlo.

Q;11👉 qayamat ke roz Allah se gunaho se paak hokar milna chahta hu?
Ans;👉 janabat (napaki) ke baad fouran ghusl kiya karo.

Q;12👉 gunaho mai kami chahta hu?
Ans;👉 kasrat se istighfaar karo.

Q;13👉 qayamat ke roz Noor mai uthna chahta hu?
Ans;👉 zulm karna chhor do.

Q;14👉 mai chahta hu ke Allah mujhper raham kare?
Ans;👉 Allah ke bando per raham karo.

Q;15👉 mai chahta hu ke Allah meri Pardah poshi kare?
Ans;👉 loago ki pardah poshi karo.

Q;16👉 ruswai se bachna chahta hu?
Ans;👉 zina se bacho.

Q;17👉 mai chahta hu ke Allah or uske Rasul ka mehbub ban jayu?
Ans;👉 Jo Allah or uske Rasul ka mehbub ho usko apna mehbub banalo.

Q;18👉 Allah ka farma bardar banna chahta hu?
Ans;👉 faraiz ka aihtimam karo.

Q;19👉 ehsaan karne wala banna chahta hu?
Ans;👉 Allah ki istarah bandagi karo jaise tum use dekh rahe ho ya wo tmhe dekh raha ho.

Q;20👉 ya Rasul Allah kounsi cheez gunaho ki muafi dilayegi?
Ans;👉 aansu, aajizi or bimari.

Q;21👉 kiya cheez dozakh ki aag ko thanda karegi?
Ans;👉 dunya ki musibato per sabr.

Q;22👉 Allah ke jalal ko kounsi cheez thanda karegi?
Ans;👉 chupke chupke sadqa or sila rehmi.

Q;23👉 sabse badi burai kiya hai?
Ans;👉 bure akhlaq or bukhl (kanjoosi).

Q;24👉 sabse badi achai kiya Hai?
Ans;👉 ache akhlaq, tawazo or sabr.

Q;25👉 Allah ki narazgi se bachna chahta hu?
Ans;👉 loago per gussa karna chhor do.

Bulbul (Nightingale) Ki Hikayat « :
Hazrat-e-Sulaiman (Alaihis Salam) Ke Zamane Me Ek Shakhs Ne Hazaar(1000) Dirham Me Ek Bulbul Khareedi Jo Khub Bolti Thi. Ek Din Uske Pinjre Par Tota (Parrot) Kuch Bol Kar Udd Gaya Aur Uss Bulbul Ne Bolna Chhod Diya. Uss Shakhs Ne Hazrat Ki Khidmat Me Hazir Hokar Ye Majra Bayan Kiya. Aap Sulaiman (Alaihis Salam) Ne Bulbul Ka Pinjra(Cage) Mangwa Kar Uss Se Khaamoshi Ka Sabab Pucha. Wo Boli Ki, “Mai Apne Watan, Aulaad Ko Yaad Kar Ke Roti Thi Aur Log Use Geet Samajhte The. Mujhe Tote Ne Samjhaya Ki Teri Be-Sabri Hi Iss Qaid Ka Ba’is (Reason) Hai. Agar Tu Sabr Kare Aur Khaamosh Ho Jaye To Chhut Jaye. Lihaza Ab Mai Kabhi Nahin Bolungi”.
Hazrat-e-Sulaiman (Alaihis Salam) Ne Uske(Bulbul Ke) Maalik Se Kaha Ki: Tu Uske Bolne Se Na-Ummid Ho Ja.
Wo Bola : Phir Mujhe Uske Paalne Ki Kya Zaroorat Hai? Main To Uski Awaaz Ka Aashiq Tha. Ye Keh Kar Usne Uss Bulbul Ko Aazad Kar Diya.
Bulbul Ye Kehti Hui Udd Gayi Ki, “Paak Hai Wo Jisne Mujhe Ande (Egg) Me Banaya, Hawa Me Udaaya, Pinjre Me Sabr Dekar Wahaan Se Chhudaya!”
Nasihat : Yahin Hamara Haal Hai, Jab Tak Be-Sabri Hai Tab Tak Hi Qaid, Aur Duniya Ki Khushi 1000 Museebaton Ka Pesh-e-Khaima Aur Yahaan Ki Na-Muraadi Wahaan Ki Kaamyaabi Hai.
Maulana Rumi (Rehmatullah Alaihi) Farmate Hain: (Tarjama) “Agar Tum Dana (Grain) Banoge Toh Parinde Chug Jayenge. Agar Phool Ki Tarah Hansoge Toh Bacche Tod Daalenge. Jitni Apne Me Khoobi Paida Karoge Utni Hi Musibate Tum Par Aayengi. Lihaza Bajaye Raahat Talab Karne Ke Yahaan Se Chhutne Aur Watan (Akhirat Ke Ghar) Chalne Ki Fikr Karo”.
-: (Tafseer-e-Roohul Bayan, Tafseer-e-Naeemi, Part 2), (Maut Ka Manzar: Az: Allama Abdur Razzaq Bhutraalwi)(Page No.97)