February 2020 – Page 30 – Aal-e-Qutub Aal-e-Syed Abdullah Shah Ghazi

Qabr ka Azab (Torment of the grave)

February 17, 2020 aal-e-qutub

Bismillahirrahmanirrahim

Mafhum-e-Hadith : Qabr ka Azab (Torment of the grave)

Ibn Abbas Radhi Allahu Anhuma se rivayat hai ki Rasool-Allah Sal-Allahu Alaihi Wasallam do Qabron ke pass se guzre aur farmaya ki in dono qabron ke murdon par azab ho raha hai aur ye kisi bade gunaah ki wajah se azab mein giraftar nahi hain bulki ismein se ek peshaab ke cheenton se nahi bachta tha aur ye (dusra) chugalkhor (backbiter) tha phir aapne ek hari shaakh mangwayee aur use Do tukdon mein faad kar dono qabron par laga di iske bad farmaya ki jab tak ye shaakhein sukh na jayegi us waqt tak shayad in dono ka azab halka rahey.
Sahih Bukhari, Vol 7, 6052
————————————————–

English Translation:
Narrated Ibn ‘Abbas Radhi Allahu Anhuma: ALLAH’s Apostle Sal-Allahu Alaihi Wasallam passed by two graves and said, “Both of them (persons in the grave) are being tortured, and the are not being tortured for a major sin. This one used not to save himself from being soiled with his urine, and the other used to go about with calumnies ( backbiting). The Prophet then asked for a green leaf of a date-palm tree, split it into two pieces and planted one on each grave and said, “It is hoped that their punishment may be abated till those two pieces of the leaf get dried.
Sahih Bukhari, Vol 8, Book 73, No. 78:

Hussain mujhse hain aur Main Hussain se hun

February 17, 2020 aal-e-qutub

Hadith: Hussain ( radi allahu anhu) mujhse hain aur Main Hussain se hun

Said Bin abu Rashid Radi Allahu Anhu se rivayat hai ki Yala bin Murrah ne kaha ki wo Log Rasoolallah Sallallhu-Alaihi-Wasallam ke saath Daawat e Taam (khane ki dawat) ke liye nikley Hussain Gali mein khel rahey they NABEE Sallallahu Alaihi Wasallam logon se aaagey badey aur apney haath phaila diye (hazrat Hussain Radi Allahu Anhu ) idhar udhar bhagney lagey Nabee Sallallahu Alaihi Wasallam unhey hasatey rahey yahan tak ki unko pakad liya Aapney ek haath thodi ke neechey aur dusra haath sir ke upar rakha aur Bosa liya phir farmaya Hussain ( radi allahu anhu) mujhse hain aur Main Hussain se hu aur ALLAH ussey Muhabbbat rakhta hain jo Hussain se muhabbbat rakhta hai.
Sunan Ibn Majah, Vol 1 , # 144 ( Hasan)

Narrated by Said bin Abu Rashid may ALLAH be pleased with him that Yala bin Murrah told them that they had gone out with the Prophet (Peace be upon him ) to a meal to which they had been invited, and Husain was there playing in the street. The Prophet (Peace be upon him ) came in front of the people and stretched out his hands, and the child started to run here and there. The Prophet Peace be upon him made him laugh till he caught him, then he put one hand under his chin and the other on his head and kissed him, and said, “Husain is part of me and I am part of him. May Allah love those who love Husain.
Sunan Ibn Majah, Vol 1 , # 144 ( Hasan)

ZAHEEN BACCHA

February 17, 2020 aal-e-qutub

HIQAYAT:
*********
Hazrat Imaam Shafayi Radi-Allahu-Ta’aala-Anhu Ki Umr Sharif 6 Baras Ki Thi Ki Aap Madarse Jaya Karte The! Aapki Walida Maajida Bani Haashim May Se Thi! Log Apni Amanatain Unke Paas Rakh Jaya Karte The! Ek Roz 2 Shaks Aaye Aur Ek Sandook Bataur Amanat Rakhker Chale Gaye! Chand-Dino Ke Baad Unme Se Ek Aaya Aur Kehne Laga Ki Sandook De Dijiye! Unohne De Diya! Fir Chand-Roz Ke Baad Dusra Aaya Aur Sandook Maangne Laga, Unohne Farmaya, Ki Tumahra Sathi Aaya Tha Wo Legaya Hain! Usne Kaha Ki Kya Humne Aapse Na Kaha Tha Ki Jabtak Hum Dono Na Aaye Sandook Na Dena! Unohne Kaha Haan! Be-Shak Tumne Kaha Tha! Usne Kaha Aapne Use Kyon De Diya? Hazrat Imaam Shafayi Alai-Hir-Rehmaan Ki Walida Pareshaan Hogayi Aur Sochne Lagi Ki Ab Kya Kiya Jaye? Itne May Hazrat Imaam Shafayi Alai-Hir-Rehmaan Madarse Se Tashrif Le Aaye, Apne Walida Sahiba Se Pucha Ki Aap Pareshaan Kyon Hain? Unohne Saara Wakiya Sunaya! Hazrat Imaam Alai-Hir-Rehmaan Ne Farmaya, Kuch Parwa Nahi, Muddayi Kahan Hain Taaki Main Usko Jawab Du! Muddayi Jo Wahin Maujudh Tha Bola, Main Hoon! Hazrat Imaam Shafayi Ne Farmaya, Ki Tumahra Sandook Maujudh Hain! Apne Sathi Ko Bula Lao Taaki Sandook Tum Dono Ke Hawale Kiya Jaye! Wo Shaks Hairaan Hua Aur La-Jawab Hoker Wapas Chala Gaya!

(Tazkiratul Auliya Pg-255)

************************
SABAK:
*******
Hazrat Imaam Shafayi Alai-Hir-Rehmaan Bachpan Hi May Bade Dana Aur Ilm Wa Fazl Ke Maalik The! Fir Bade Hoker Kyon Na Aap Imaamul-Muslimeen Bante?

Allah subhanhu khubusurat hai aur khubsurti ko pasand karta hai

February 17, 2020 aal-e-qutub

✦ Abdullah bin masood Radi Allahu Anhu se rivayat hai ki Rasool-Allah Sallallahu Alaihi wasallam ne farmaya wo shakhs jannat mein nahi jayega jiske dil mein zarre ke barabar bhi gurur ya ghamand hoga , ek shakhs bola har ek aadmi chahta hai ki uske kapde achche ho aur uske jutey achche ho (to kya ye bhi gurur mein hai ) Aap Sallallahu Alaihi wasallam ne farmaya Allah khubusurat hai aur khubsurti ko pasand karta hai, gurur ya ghamand ye hai ki insaan haq ko nahaq bata de aur logo ko haqeer samjhe
Sahih Muslim, Jild 1, 265

✦ Amr bin Shu’aib Radi Allahu Anhu apne walid se aur wo unke dada se rivayat karte hain ki Rasool-Allah Sallallahu Alaihi wasallam ne farmaya Allah subhanahu apne bande par apni naimat ka izahr pasand karta hai ( yani Allah subhanahu ki taraf se koi naimat ata ki gayee ho to usko chupana nahi chahiye)
Jamia Tirmizi, Jild 2, 723-Sahih
————
✦ अब्दुल्लाह बिन मसूद रदी अल्लाहू अन्हु से रिवायत है की रसूल-अल्लाह सलअल्लाहू अलैही वसल्लम ने फरमाया वो शख्स जन्नत में नही जाएगा जिसके दिल में ज़र्रे के बराबर भी गुरूर या घमंड होगा , एक शख्स बोला हर एक आदमी चाहता है की उसके कपड़े अच्छे हो और उसके जुते अच्छे हो (तो क्या ये भी गुरूर में है ) आप सलअल्लाहू अलैही वसल्लम ने फरमाया अल्लाह सुबहानहु खूबसूरत है और खूबसूरती को पसंद करता है, गुरूर या घमंड ये है की इंसान हक़ को नाहक़ बता दे और लोगो को हक़ीर समझे
सही मुस्लिम, जिल्द 1, # 265

✦ अम्र बिन शूएब रदी अल्लाहू अन्हु अपने वालिद से और वो उनके दादा से रिवायत करते हैं की रसूल-अल्लाह सलअल्लाहू अलैही वसल्लम ने फरमाया अल्लाह सुबहानहु अपने बंदे पर अपनी नैमत का इज़हार पसंद करता है ( यानी अल्लाह सुबहानहु की तरफ से कोई नैमत अता की गयी हो तो उसको छुपाना नही चाहिए )
जामिया तिरमिज़ी, जिल्द 2, 723-सही

SIDDIQ-A-AKBAR RADI-ALLAHU-ANHU KI BETIYAAN

February 17, 2020 aal-e-qutub

HIQAYAT:-
*********
Hazrat Siddiq-A-Akbar Radi-Allahu-Ta’aala-Anhu Jis Raat Huzoor SALLALLAHU-TA’AALA-ALAIhI-WASALLAM Ke Sath Hijrat Farmaker Tashrif Le Chale To Is Khayaal Se Ki Na Malum Raaste May Kya Zarurat Dar-Pesh Ho! Huzoor SALLALLAHU-TA’AALA-ALAIHI-WASALLAM Bhi Sath Hain, Isliye Jo Kuch Bhi Maal Aapke Paas Maujudh Tha Jiski Mikdaar 5000 Dirham Thi Wo Sab Sath Le Liya!Hazrat Siddiq-A-Akbar Radi-Allahu-Ta’aala-Anhu Ke Waalid Abu Kahafa Nabina Hogaye The! Us Waqt Tak Musalman Nahi Hue The! Uneh Jab Pata Chala Ki Abu-Bakr Raat Ko Mohammad SALLALLAHU-TA’AALA-ALAIHI-WASALLAM Ke Sath Macce Se Chala Gaya Hain! Maal Bhi Saara Legaya Hain To Potiyon Ke Paas Tasalli Keliye Aaye! Kehne Lage, Ki Meri Betiyon Abu-Bakr Ne Bada Sitam Kiya Khud Bhi Chala Gaya, Maal Bhi Saara Legaya!Hazrat Aasma Radi-Allahu-Ta’aala-Anha Uthi Aur Choti-Choti Kankariyan Ek Thaili May Bharker Boli, Dadajaan Aap Fikr Na Kijiye Yeh Dekhiye Saara Maal To Wo Chhod Gaye Hain! Yeh Kehker Kankariyan Se Bhari Thaili Aage Kerdi! Abu Kahafa Ne Use Tatola To Samajhe Ki Us Thaili May Dirham Bhare Hain! Mutmayin Hogaye Aur Bole, Accha Hua Ki Maal Wo Nahi Legaya!

(Musnad Ahmed, Jild-5, Pg-350)

********************************
SABAK:-
********
Sahaba-A-Kiraam Ki Bacchiyon May Bhi Khuda Aur Rasool Ki Mohabbat Kut-Kut Ke Bhari Hui Thi! Khuda Aur Rasool Ke Muqable May Wo Maal-A-Duniya Ki Kuch Parwah Na Karti Thi!